ⵉⵥⴻⵀⵀⵉⴷⴻⵏ
1
ⴰⴷⵍⵉⵙ ⴰⵎⴻⵣⵡⴰⵔⵓ - ⵉⵣⴻⵀⵀⵉⴷⴻⵏ 1-41
1 ⵙⵙⴻⵄⴷ ⵏ ⵡⴻⵔⵢⴰⵣ,
ⵡⴻⵏⵏⵉ ⵡⴰⵔ ⵉⴳⴳⵓⵔⴻⵏ
ⴷⵉ ⵛⵛⵡⴰⵔ ⵏ ⵉⵄⴻⴼⴼⴰⵏⴻⵏ,
ⴷ ⵡⴻⵏⵏⵉ ⵡⴰⵔ ⵉⴱⴻⴷⴷⴻⵏ
ⴷⴻⴳ ⵡⴻⴱⵔⵉⴷ ⵏ ⵉⵎⴻⴷⵏⴰⴱ,
ⴷ ⵡⴻⵏⵏⵉ ⵡⴰⵔ ⵉⵇⵇⵉⵎⴻⵏ
ⵅ ⵍⴽⵓⵔⵙⵉ ⵏ ⵉⵎⴻⵙⵜⴻⵀⵣⴰⵢⴻⵏ,
2 ⵎⴰⵛⴰ ⵍⴻⴼⵔⴰⵃⴻⵜ ⵏⵏⴻⵙ
ⴰⵇⴰ-ⵜⵜ ⴷⵉ ⵛⵛⴰⵔⵉⵄⴰ ⵏ ⵙⵉⴷⵉ
ⵓ ⵉⵜⵜⵅⴰⵔⵔⴻⵚ ⴷⵉ ⵛⵛⴰⵔⵉⵄⴰ ⵏⵏⴻⵙ ⴰⵙⵙ ⴷ ⴵⵉⵍⴻⵜ.
3 ⴰⴷ ⵢⵉⵍⵉ ⴰⵎ ⵢⵉⵛⵜ ⵏ ⵜⵛⴻⵊⵊⴰⵔⵜ
ⵉ ⵉⵜⵜⵡⴰⵥⵥⵓⵏ ⵖⴰⵔ ⵜⵖⴻⵣⵔⴰⵜⵉⵏ ⵏ ⵡⴰⵎⴰⵏ,
ⵜⴻⵏⵏⵉ ⵉⵜⵜⵉⵛⴻⵏ ⵍⵖⵉⴵⴻⵜ ⵏⵏⴻⵙ ⴷⵉ ⵍⵡⴻⵇⵜ ⵏⵏⴻⵙ,
ⴰⴼⴰⵔ ⵏⵏⴻⵙ ⵡⴰⵔ ⵉⵜⵜⵉⵥⴻⵖ.
ⵎⴰⵔⵔⴰ ⵎⵉⵏ ⵉⵜⵜⴻⴳⴳ, ⴰⴷ ⵢⵉⵍⵉ.
4 ⵡⴰⵔ ⵜⵜⵉⵍⵉⵏ ⵉⵄⴻⴼⴼⴰⵏⴻⵏ ⴰⵎⵎⵓ,
ⵎⵉⵏⵣⵉ ⵏⵉⵜⵏⵉ ⴰⵎ ⵉⵛⴰⵔⴼⴰ ⵉⵜⵜⴰⵡⵉ-ⵢ-ⵉ-ⵜ ⵓⵙⴻⵎⵎⵉⴹ.
5 ⵅ ⵓⵢⴰ ⵉⵄⴻⴼⴼⴰⵏⴻⵏ ⵡⴰⵔ ⵜⵜⴱⴻⴷⴷⵉⵏ ⵛⴰ
ⴷⴻⴳ ⵡⴰⵙⵙ ⵏ ⵍⴻⵃⵙⴰⴱ,
ⵓⵍⴰ ⴷ ⵉⵎⴻⴷⵏⴰⴱ ⴷⵉ ⵜⵎⴻⵙⵎⵓⵏⵜ ⵏ ⵉⵎⵙⴻⴳⴳⴰⴷⴻⵏ.
6 ⵎⵉⵏⵣⵉ ⵙⵉⴷⵉ ⵉⵙⵙⴻⵏ ⴰⴱⵔⵉⴷ ⵏ ⵉⵎⵙⴻⴳⴳⴰⴷⴻⵏ,
ⵎⴰⵛⴰ ⴰⴱⵔⵉⴷ ⵏ ⵉⵄⴻⴼⴼⴰⵏⴻⵏ ⴰⴷ ⵉⴼⵏⴰ.