11
ⵉⵎⴻⵣⴷⴰⵖ ⵏ ⵊⴷⵉⴷ ⵏ ⵓⵔⵛⴰⵍⵉⵎ ⵓ ⵏ ⵜⵏⴻⴷⴷⴰⵎ ⵉⵇⵇⵉⵎⴻⵏ
1 ⵍⵃⵓⴽⴽⴰⵎ ⵏ ⵍⴳⴻⵏⵙ ⵇⵇⵉⵎⴻⵏ ⵣⴻⴷⴷⵖⴻⵏ ⴷⵉ ⵓⵔⵛⴰⵍⵉⵎ, ⵓⵎⵉ ⵍⴳⴻⵏⵙ ⵉⵇⵇⵉⵎⴻⵏ ⵉⴳⴳⴰ ⵜⴰⵇⴻⴷⴷⵓⵃⵜ ⵎⴰⵃⴻⵏⴷ ⵉⵊⵊ ⵣⵉ ⵄⴻⵛⵔⴰ ⴰⴷ ⵉⵣⴷⴻⵖ ⴷⵉ ⵓⵔⵛⴰⵍⵉⵎ, ⵜⴰⵏⴷⵉⵏⵜ ⵉⵇⴻⴷⴷⵙⴻⵏ, ⵓ ⵜⴻⵙⵄⴰ ⴷⵉ ⵜⵏⴻⴷⴷⴰⵎ ⵏⵏⴻⵖⵏⵉ.
2 ⵉⴱⴰⵔⴻⴽ ⵍⴳⴻⵏⵙ ⵎⴰⵔⵔⴰ ⵉⵔⵢⴰⵣⴻⵏ ⵏⵏⵉ ⵉⵇⴻⴷⴷⵎⴻⵏ ⵉⵅⴻⴼ ⵏⵙⴻⵏ ⵙ ⵍⵅⴰⴹⴰⵔ ⵎⴰⵃⴻⵏⴷ ⴰⴷ ⵣⴻⴷⵖⴻⵏ ⴷⵉ ⵓⵔⵛⴰⵍⵉⵎ.
3 ⵉⵏⴰ ⴷ ⵉⵣⴻⴵⵉⴼⴻⵏ ⵏ ⵍⵄⴰⵎⴰⵍⴰ, ⵉⵏⵏⵉ ⵜⵓⵖⴰ ⵉⵣⴻⴷⴷⵖⴻⵏ ⴷⵉ ⵓⵔⵛⴰⵍⵉⵎ. ⵜⵓⵖⴰ ⵣⴻⴷⴷⵖⴻⵏ ⴰⵢⵜ ⵏ ⵉⵙⵔⴰⵉⵍ, ⵉⴽⴻⵀⵀⴰⵏⴻⵏ ⴷ ⵉⵍⴰⵡⵉⵢⵢⴻⵏ ⴷ ⵉⵎⵙⴻⵅⵅⴰⵔⴻⵏ ⵏ ⵣⵣⴰⵡⴻⵛⵜ ⵜⴰⵎⴻⵇⵇⵔⴰⵏⵜ ⴷ ⴰⵢⵜ ⵏ ⵉⵙⴻⵎⵖⴰⵏ ⵏ ⵙⵓⵍⵉⵎⴰⵏ ⴷⵉ ⵜⵏⴻⴷⴷⴰⵎ ⵏ ⵢⴰⵀⵓⴷⴰ, ⴽⵓⵍ ⵉⵊⵊ ⴷⴻⴳ ⵡⴰⴳⵍⴰ ⵏⵏⴻⵙ, ⴷⵉ ⵜⵏⴻⴷⴷⴰⵎ ⵏⵙⴻⵏ.
4 ⴷⵉ ⵓⵔⵛⴰⵍⵉⵎ ⵜⵓⵖⴰ ⵣⴻⴷⴷⵖⴻⵏ ⵛⴰ ⵣⴻⴳ ⴰⵢⵜ ⵏ ⵢⴰⵀⵓⴷⴰ ⵓ ⵣⴻⴳ ⴰⵢⵜ ⵏ ⴱⵉⵏⵢⴰⵎⵉⵏ.
ⵣⴻⴳ ⴰⵢⵜ ⵏ ⵢⴰⵀⵓⴷⴰ: ⵄⴰⵜⴰⵢⴰ, ⵎⵎⵉⵙ ⵏ ⵄⵓⵣⵣⵉⵢⴰ, ⵎⵎⵉⵙ ⵏ ⵣⴰⴽⴰⵔⵉⵢⵢⴰ, ⵎⵎⵉⵙ ⵏ ⴰⵎⴰⵔⵢⴰ, ⵎⵎⵉⵙ ⵏ ⵛⴰⴼⴰⵟⵢⴰ, ⵎⵎⵉⵙ ⵏ ⵎⴰⵀⴰⵍⴰⵍ-ⵉⵍ, ⵣⴻⴳ ⴰⵢⵜ ⵏ ⴼⴰⵔⵉⵚ,
5 ⵓⵍⴰ ⴷ ⵎⴰⵄⴰⵙⵉⵢⴰ, ⵎⵎⵉⵙ ⵏ ⴱⴰⵔⵓⵅ, ⵎⵎⵉⵙ ⵏ ⴽⵓⵍⵃⵓⵣⴰ, ⵎⵎⵉⵙ ⵏ ⵃⴰⵣⴰⵢⴰ, ⵎⵎⵉⵙ ⵏ ⵄⴰⴷⴰⵢⴰ, ⵎⵎⵉⵙ ⵏ ⵢⵓⵢⴰⵔⵉⴱ, ⵎⵎⵉⵙ ⵏ ⵣⴰⴽⴰⵔⵉⵢⵢⴰ, ⵎⵎⵉⵙ ⵏ ⵓⵛⵉⵍⵓⵏⵉ.
6 ⵎⴰⵔⵔⴰ ⴰⵢⵜ ⵏ ⴼⴰⵔⵉⵚ ⵉⵏⵏⵉ ⵉⵣⴻⴷⴷⵖⴻⵏ ⴷⵉ ⵓⵔⵛⴰⵍⵉⵎ, ⴰⵇⴰ ⴰⵜⴻⵏ ⴰⵔⴻⴱⵄⴰ-ⵎⵢⴰ ⵓ-ⵜⵎⴻⵏⵢⴰ ⵓ-ⵙⴻⵜⵜⵉⵏ ⵏ ⵉⵄⴻⵙⴽⴰⵔⵉⵢⵢⴻⵏ.
7 ⵉⵏⴰ ⴷ ⴰⵢⵜ ⵏ ⴱⵉⵏⵢⴰⵎⵉⵏ: ⵙⴰⵍⵍⵓ, ⵎⵎⵉⵙ ⵏ ⵎⴰⵛⵓⵍⵍⴰⵎ, ⵎⵎⵉⵙ ⵏ ⵢⵓⵄⵉⴷ, ⵎⵎⵉⵙ ⵏ ⴼⴰⴷⴰⵢⴰ, ⵎⵎⵉⵙ ⵏ ⵇⵓⵍⴰⵢⴰ, ⵎⵎⵉⵙ ⵏ ⵎⴰⵄⴰⵙⵉⵢⴰ, ⵎⵎⵉⵙ ⵏ ⵉⵜⵉⵢⵉⵍ, ⵎⵎⵉⵙ ⵏ ⵉⵛⴰⵄⵢⴰ
8 ⵓ ⴰⵡⴰⵔⵏⵉ ⴰⵙ ⵊⴰⴱⴱⴰⵢ, ⵙⴰⵍⵍⴰⵢ: ⵜⴻⵙⵄⴰ-ⵎⵢⴰ ⵓ-ⵜⵎⴻⵏⵢⴰ ⵓ-ⵄⵉⵛⵔⵉⵏ ⵏ ⵢⴻⵔⵢⴰⵣⴻⵏ.
9 ⵜⵓⵖⴰ ⵢⵓⵡⵉⵍ, ⵎⵎⵉⵙ ⵏ ⵣⵉⴽⵔⵉ, ⴷ ⴰⵡⴻⵇⵇⴰⴼ ⵅⴰⵙⴻⵏ ⵓ ⵢⴰⵀⵓⴷⴰ, ⵎⵎⵉⵙ ⵏ ⵀⴰⵙⵏⵓⵡⴰ ⵜⵓⵖⴰ ⴷ ⴰⵎⴻⵃⴹⴰⵢ ⵡⵉⵙⵙ ⵜⵏⴰⵢⴻⵏ ⵅ ⵜⴻⵏⴷⵉⵏⵜ.
10 ⵣⴻⴳ ⵉⴽⴻⵀⵀⴰⵏⴻⵏ: ⵢⴰⴷⴰⵄⵢⴰ, ⵎⵎⵉⵙ ⵏ ⵢⵓⵢⴰⵔⵉⴱ, ⵢⴰⴽⵉⵏ,
11 ⵙⴰⵔⴰⵢⴰ, ⵎⵎⵉⵙ ⵏ ⵃⵉⵍⵇⵉⵢⴰ, ⵎⵎⵉⵙ ⵏ ⵎⴰⵛⵓⵍⵍⴰⵎ, ⵎⵎⵉⵙ ⵏ ⵚⴰⴷⵓⵇ, ⵎⵎⵉⵙ ⵏ ⵎⴰⵔⴰⵢⵓⵜ, ⵎⵎⵉⵙ ⵏ ⴰⵅⵉⵟⵓⴱ, ⴰⵎⴻⵃⴹⴰⵢ ⵏ ⵜⴰⴷⴷⴰⵔⵜ ⵏ ⴰⵔⴻⴱⴱⵉ,
12 ⵓⵛⴰ ⴰⵢⵜⵎⴰⵜⵙⴻⵏ, ⵉⵏⵏⵉ ⵉⵅⴻⴷⴷⵎⴻⵏ ⴷⵉ ⵜⴰⴷⴷⴰⵔⵜ, ⵎⴰⵔⵔⴰ ⵉⴷⵙⴻⵏ ⵜⴻⵎⵏ-ⵎⵢⴰ ⵓ-ⵜⵏⴰⵢⴻⵏ ⵓ-ⵄⵉⵛⵔⵉⵏ ⵏ ⵢⴻⵔⵢⴰⵣⴻⵏ. ⵅⴻⵏⵏⵉ ⵄⴰⴷⴰⵢⴰ, ⵎⵎⵉⵙ ⵏ ⵢⴰⵔⵓⵃⴰⵎ, ⵎⵎⵉⵙ ⵏ ⴼⴰⵍⴰⵍⵢⴰ, ⵎⵎⵉⵙ ⵏ ⴰⵎⵚⵉ, ⵎⵎⵉⵙ ⵏ ⵣⴰⴽⴰⵔⵉⵢⵢⴰ, ⵎⵎⵉⵙ ⵏ ⴼⴰⵛⵃⵓⵔ, ⵎⵎⵉⵙ ⵏ ⵎⴰⵍⴽⵉⵢⴰ,
13 ⴷ ⴰⵢⵜⵎⴰⵙ, ⵉⵣⴻⴵⵉⴼⴻⵏ ⵏ ⵍⴰⴵⴰⵜ, ⵎⴰⵔⵔⴰ ⵉⴷⵙⴻⵏ ⵎⵉⵜⴰⵢⴻⵏ ⵓ-ⵜⵏⴰⵢⴻⵏ ⵓ-ⵔⴻⴱⵄⵉⵏ ⵏ ⵢⴻⵔⵢⴰⵣⴻⵏ. ⵅⴻⵏⵏⵉ ⴰⵎⵛⵉⵙⴰⵢ, ⵎⵎⵉⵙ ⵏ ⵄⴰⵣⴰⵔⵢⵉⵍ, ⵎⵎⵉⵙ ⵏ ⴰⵅⵣⴰⵢ, ⵎⵎⵉⵙ ⵏ ⵎⴰⵛⵍⵉⵎⵓⵜ, ⵎⵎⵉⵙ ⵏ ⵉⵎⵎⵉⵔ
14 ⴷ ⴰⵢⵜⵎⴰⵜⵙⴻⵏ, ⴰⵢⵜ ⵏ ⴱⵓ-ⵜⴻⵖⵔⵓⴹⵜ ⵉⵎⴻⵃⴹⴻⵏ, ⵎⴰⵔⵔⴰ ⵉⴷⵙⴻⵏ ⵎⵢⴰ ⵓ-ⵜⵎⴻⵏⵢⴰ ⵓ-ⵄⵉⵛⵔⵉⵏ ⵏ ⵢⴻⵔⵢⴰⵣⴻⵏ. ⵜⵓⵖⴰ ⵣⴰⴱⴷⵉⵢⵉⵍ, ⵎⵎⵉⵙ ⵏ ⵀⴰⵊⴷⵓⵍⵉⵎ, ⴷ ⴰⵡⴻⵇⵇⴰⴼ ⵅⴰⵙⴻⵏ.
15 ⵣⴻⴳ ⵉⵍⴰⵡⵉⵢⵢⴻⵏ: ⵛⴰⵎⵄⵉⵢⴰ, ⵎⵎⵉⵙ ⵏ ⵃⴰⵛⵛⵓⴱ, ⵎⵎⵉⵙ ⵏ ⵄⴰⵣⵔⵉⵇⴰⵎ, ⵎⵎⵉⵙ ⵏ ⵃⴰⵛⴰⴱⵢⴰ, ⵎⵎⵉⵙ ⵏ ⴱⵓⵏⵏⵉ.
16 ⵛⴰⴱⴱⴰⵜⴰⵢ ⴷ ⵢⵓⵣⴰⴱⴰⴷ, ⴰⵇⴰ ⵏⵉⵜⵏⵉ ⴱⴻⴷⴷⴻⵏ ⴰⴽ-ⴷ ⵍⵅⴻⴷⵎⴻⵜ ⴷⵉ ⴱⴰⵔⵔⴰ ⵏ ⵜⴰⴷⴷⴰⵔⵜ ⵏ ⴰⵔⴻⴱⴱⵉ. ⵏⵉⵜⵏⵉ ⵣⴻⴳ ⵉⵣⴻⴵⵉⴼⴻⵏ ⵏ ⵉⵍⴰⵡⵉⵢⵢⴻⵏ.
17 ⵓⵛⴰ ⵅⴻⵏⵏⵉ ⵎⴰⵜⵜⴰⵏⵢⴰ, ⵎⵎⵉⵙ ⵏ ⵎⵉⵅⴰ, ⵎⵎⵉⵙ ⵏ ⵣⴰⴱⴷⵉ, ⵎⵎⵉⵙ ⵏ ⴰⵙⴰⴼ, ⴰⵣⴻⴵⵉⴼ ⵉ ⵢⴰⵔⴻⵣⵎⴻⵏ ⵜⴰⵥⴰⴵⵉⵜ ⵙ ⵉⵛⵜ ⵏ ⵜⵥⴰⴵⵉⵜ ⵏ ⵓⵇⴰⴷⵉ, ⴷ ⴱⴰⵇⴱⵓⵇⵢⴰ ⵡⴻⵏⵏⵉ ⵜⵓⵖⴰ ⴷ ⵡⵉⵙⵙ ⵜⵏⴰⵢⴻⵏ ⵣⴻⴳ ⴰⵢⵜⵎⴰⵙ, ⵓ ⵄⴰⴱⴷⴰ, ⵎⵎⵉⵙ ⵏ ⵛⴰⵎⵎⵓⵄⴰ, ⵎⵎⵉⵙ ⵏ ⵊⴰⵍⴰⵍ, ⵎⵎⵉⵙ ⵏ ⵢⴰⴷⴰⵜⵓⵏ.
18 ⵎⴰⵔⵔⴰ ⵉⵍⴰⵡⵉⵢⵢⴻⵏ ⵉ ⵉⴵⴰⵏ ⴷⵉ ⵜⴻⵏⴷⵉⵏⵜ ⵉⵇⴻⴷⴷⵙⴻⵏ, ⵎⴰⵔⵔⴰ ⵉⴷⵙⴻⵏ: ⵎⵉⵜⴰⵢⴻⵏ ⵓ-ⴰⵔⴻⴱⵄⴰ ⵓ-ⵜⵎⴰⵏⵉⵏ.
19 ⵉⵄⴻⵙⵙⴰⵙⴻⵏ ⵏ ⵜⴻⵡⵡⵓⵔⴰ: ⵄⴰⵇⵇⵓⴱ, ⵟⴰⵍⵎⵓⵏ ⴰⴽ-ⴷ ⴰⵢⵜⵎⴰⵜⵙⴻⵏ, ⵉⵏⵏⵉ ⵉⵟⵟⴼⴻⵏ ⴰⵃⴻⵟⵟⵓ ⴷⵉ ⵜⴻⵡⵡⵓⵔⴰ ⵏ ⵜⴻⵏⴷⵉⵏⵜ, ⵎⴰⵔⵔⴰ ⵉⴷⵙⴻⵏ ⵎⵢⴰ ⵓ-ⵜⵏⴰⵢⴻⵏ ⵓ-ⵙⴻⴱⵄⵉⵏ.
20 ⵉⵏⵏⵉ ⵉⵇⵇⵉⵎⴻⵏ ⵏ ⴰⵢⵜ ⵉⵙⵔⴰⵉⵍ, ⵉⴽⴻⵀⵀⴰⵏⴻⵏ ⴷ ⵉⵍⴰⵡⵉⵢⵢⴻⵏ, ⵣⴻⴷⵖⴻⵏ ⴷⵉ ⵜⵏⴻⴷⴷⴰⵎ ⵏ ⵢⴰⵀⵓⴷⴰ, ⴽⵓⵍ ⵉⵊⵊ ⴷⵉ ⵜⴻⵙⵖⴰⵔⵜ ⵏⵏⴻⵙ.
21 ⵉⵎⵙⴻⵅⵅⴰⵔⴻⵏ ⵏ ⵣⵣⴰⵡⴻⵛⵜ ⵜⴰⵎⴻⵇⵇⵔⴰⵏⵜ ⵣⴻⴷⵖⴻⵏ ⴷⵉ ⵄⵓⴼⵉⵍ. ⵜⵓⵖⴰ ⵚⵉⵃⴰ ⴷ ⵊⵉⵛⴼⴰ ⵅ ⵉⵎⵙⴻⵅⵅⴰⵔⴻⵏ ⵏ ⵣⵣⴰⵡⴻⵛⵜ ⵜⴰⵎⴻⵇⵇⵔⴰⵏⵜ.
22 ⵜⵓⵖⴰ ⵄⵓⵣⵣⵉ, ⵎⵎⵉⵙ ⵏ ⴱⴰⵏⵉ, ⵎⵎⵉⵙ ⵏ ⵃⴰⵛⴰⴱⵢⴰ, ⵎⵎⵉⵙ ⵏ ⵎⴰⵜⵜⴰⵏⵢⴰ, ⵎⵎⵉⵙ ⵏ ⵎⵉⵅⴰ ⴷ ⴰⵡⴻⵇⵇⴰⴼ ⵏ ⵉⵍⴰⵡⵉⵢⵢⴻⵏ ⴷⵉ ⵓⵔⵛⴰⵍⵉⵎ.
ⵣⴻⴳ ⴰⵢⵜ ⵏ ⴰⵙⴰⴼ ⵜⵓⵖⴰ ⵉⵎⴻⴷⵢⴰⵣⴻⵏ ⵅ ⵍⵅⴻⴷⵎⴻⵜ ⴷⵉ ⵜⴰⴷⴷⴰⵔⵜ ⵏ ⴰⵔⴻⴱⴱⵉ.
23 ⵎⴰⵖⴰⵔ ⵜⵓⵖⴰ ⴷⵉⵏ ⵅⴰⵙⴻⵏ ⵉⵛⵜ ⵏ ⵜⴻⵡⵚⴻⵢⵢⴻⵜ ⵏ ⵓⵊⴻⴵⵉⴷ ⵓ ⵅ ⵉⵎⴻⴷⵢⴰⵣⴻⵏ ⵜⵓⵖⴰ ⴷⵉⵏ ⵉⵊⵊ ⵏ ⵡⴻⵇⵇⴰⵏ, ⴽⵓⵍ ⴰⵙⵙ ⵉⵛⵜ ⵏ ⵜⴻⵡⵚⴻⵢⵢⴻⵜ ⵉ ⵉⵜⵜⵍⵉⵇⴻⵏ ⵉ ⵡⴰⵙⵙ ⵏⵏⵉ.
24 ⵜⵓⵖⴰ ⴼⴰⵟⴰⵃⵢⴰ, ⵎⵎⵉⵙ ⵏ ⵎⴰⵛⵉⵣⴰⴱⵢⵉⵍ, ⵣⴻⴳ ⴰⵢⵜ ⵏ ⵣⴰⵔⴰⵃ, ⵎⵎⵉⵙ ⵏ ⵢⴰⵀⵓⴷⴰ, ⴷ ⴰⴼⵓⵙ ⴰⴼⵓⵙⵉ ⵏ ⵓⵊⴻⴵⵉⴷ ⴷⵉ ⵎⴰⵔⵔⴰ ⵎⵉⵏ ⵉⵍⴻⵇⵇⴼⴻⵏ ⵍⴳⴻⵏⵙ.
25 ⴷⵉ ⴷⵛⵓⵔⴰⵜ ⵖⴰⵔ ⵉⵢⵢⴰⵔⴻⵏ ⵏⵙⴻⵏ ⵜⵓⵖⴰ ⴷⵉⵏ ⵛⴰ ⵣⴻⴳ ⴰⵢⵜ ⵏ ⵢⴰⵀⵓⴷⴰ ⵉⵏⵏⵉ ⵜⵓⵖⴰ ⵉⵣⴻⴷⴷⵖⴻⵏ ⴷⵉ ⵇⴰⵔⵢⴰⵜ-ⴰⵔⴻⴱⵄⴰ ⴷ ⵜⵏⴻⴷⴷⴰⵎ ⵉ ⵖⴰⵔⴻⵙ ⴷⴷ-ⵉⵇⵇⵏⴻⵏ ⵓ ⴷⵉ ⴷⵉⴱⴱⵓⵏ ⴷ ⵜⵏⴻⴷⴷⴰⵎ ⵉ ⵖⴰⵔⴻⵙ ⴷⴷ-ⵉⵇⵇⵏⴻⵏ ⵓ ⴷⵉ ⵢⴰⵇⴰⴱⵚⵉⵢⵉⵍ ⴷ ⵜⵏⴻⴷⴷⴰⵎ ⵉ ⵖⴰⵔⴻⵙ ⴷⴷ-ⵉⵇⵇⵏⴻⵏ
26 ⵓ ⴷⵉ ⵢⴻⵛⵓⵄⴰ ⵓ ⴷⵉ ⵎⵓⵍⴰⴷⴰ ⵓ ⴷⵉ ⴱⴰⵢⵜ-ⴼⴰⵍⴰⵟ
27 ⵓ ⴷⵉ ⵀⴰⵚⴰⵔ-ⵛⵓⵄⴰⵍ ⵓ ⴷⵉ ⴱⵉ’ⵔ-ⵙⴻⴱⵄⴰ ⴷ ⵜⵏⴻⴷⴷⴰⵎ ⵉ ⵖⴰⵔⴻⵙ ⴷⴷ-ⵉⵇⵇⵏⴻⵏ,
28 ⵓ ⴷⵉ ⵚⵉⵇⵍⴰⵖ ⵓ ⴷⵉ ⵎⴰⴽⵓⵏⴰ ⴷ ⵜⵏⴻⴷⴷⴰⵎ ⵉ ⵖⴰⵔⴻⵙ ⴷⴷ-ⵉⵇⵇⵏⴻⵏ
29 ⵓ ⴷⵉ ⵄⴰⵢⵏ-ⵔⵉⵎⵎⵓⵏ ⵓ ⴷⵉ ⵚⴰⵔⵄⴰ ⵓ ⴷⵉ ⵢⴰⵔⵎⵓⵜ,
30 ⵣⴰⵏⵓⵃⴰ, ⴰⴷⵓⵍⵍⴰⵎ ⴷ ⵜⵏⴻⴷⴷⴰⵎ ⵉ ⵖⴰⵔⴻⵙ ⴷⴷ-ⵉⵇⵇⵏⴻⵏ, ⵍⴰⵅⵉⵛ ⴷ ⵉⵢⵢⴰⵔⴻⵏ ⵏⵏⴻⵙ, ⵄⴰⵣⵉⵇⵇⴰ ⴷ ⵜⵏⴻⴷⴷⴰⵎ ⵉ ⵖⴰⵔⴻⵙ ⴷⴷ-ⵉⵇⵇⵏⴻⵏ. ⵏⵉⵜⵏⵉ ⵡⵜⵉⵏ ⵉⵇⵉⴹⴰⵏ ⵏⵙⴻⵏ ⵣⵉ ⴱⵉ’ⵔ-ⵙⴻⴱⵄⴰ ⴰⵍ ⵜⴰⵖⵣⵓⵔⵜ ⵏ ⵀⵉⵏⵏⵓⵎ.
31 ⵜⵓⵖⴰ ⴰⵢⵜ ⵏ ⴱⵉⵏⵢⴰⵎⵉⵏ ⵣⴻⴷⴷⵖⴻⵏ ⵣⵉ ⵊⴰⴱⴰⵄ ⴷⵉ ⵎⵉⵅⵎⴰⵙ ⴷ ⵄⴰⵢⴰ ⴷ ⴱⴰⵢⵜ-ⵉⵍ ⴷ ⵜⵏⴻⴷⴷⴰⵎ ⵉ ⵖⴰⵔⵙⴻⵏ ⴷⴷ-ⵉⵇⵇⵏⴻⵏ,
32 ⵄⴰⵏⴰⵜⵓⵜ, ⵏⵓⴱ, ⵄⴰⵏⴰⵏⵢⴰ,
33 ⵀⴰⵚⵓⵔ, ⵔⴰⵎⴰ, ⵊⵉⵜⵜⴰⵢⵉⵎ,
34 ⵃⴰⴷⵉⴷ, ⵚⴰⴱⵓⵄⵉⵎ, ⵏⴰⴱⴰⵍⵍⴰⵟ,
35 ⵍⵓⴷ ⴷ ⵓⵏⵓ ⴷ ⵜⴻⵖⵣⵓⵔⵜ ⵏ ⵜⴻⵖⵣⵓⵔⵜ ⵏ ⵉⵃⵔⴰⵢⴼⵉⵢⵢⴻⵏ.
36 ⵣⴻⴳ ⵉⵍⴰⵡⵉⵢⵢⴻⵏ ⵣⴻⴷⵖⴻⵏ ⴷⵉⵏ ⵜⴻⵔⴱⵉⵃⵉⵏ ⵣⵉ ⵢⴰⵀⵓⴷⴰ ⵖⴰⵔ ⴱⵉⵏⵢⴰⵎⵉⵏ.