4
1 “ⴷⴻⴳ ⵡⴰⵙⵙ ⵏⵏⵉ ⴰⴷ ⵛⴻⴱⴱⴰⵔⴻⵏⵜ ⵙⴻⴱⵄⴰ ⵏ ⵜⴻⵎⵖⴰⵔⵉⵏ ⴷⴻⴳ ⵉⵊⵊ ⵏ ⵡⴻⵔⵢⴰⵣ, ⴰⴷ ⵇⵇⴰⵔⴻⵏⵜ: ‘ⵏⴻⵛⵛⵉⵏ ⴰⴷ ⵏⴻⵛⵛ ⴰⵖⵔⵓⵎ ⵏⵏⴻⵖ ⵓ ⴰⴷ ⵏⴻⵙⵙⵢⴰⵔⴹ ⵉⵅⴻⴼ ⵏⵏⴻⵖ, ⴻⵊⵊ ⴰⵏⴻⵖ ⴰⴷ ⵏⴻⴽⵙⵉ ⵉⵙⴻⵎ ⵏⵏⴻⵛ ⵡⴰⵀⴰ, ⴽⵙⵉ ⵍⴻⴼⴹⵉⵃⴻⵜ ⵅⴰⵏⴻⵖ.’ ”
2 “ⴷⴻⴳ ⵡⴰⵙⵙ ⵏⵏⵉ ⴰⴷ ⵉⴷⵡⴻⵍ ⵓⵖⴻⴷⴷⵓ ⵏ ⵙⵉⴷⵉ ⴷ ⵜⴻⵍⵡⵉⵣⵜ ⵉⵛⴻⵡⵡⴰⵔⴻⵏ, ⵓ ⵍⵖⵉⴵⴻⵜ ⵏ ⵜⴻⵎⵎⵓⵔⵜ ⴷ ⵍⵄⴻⵣⵣ ⴷ ⵓⵛⴻⵡⵡⴰⵔ ⵉ ⵎⵉⵏ ⵉⵏⵏⴻⵊⵎⴻⵏ ⵏ ⵉⵙⵔⴰⵉⵍ.
3 ⵎⵉⵏ ⵉⵇⵇⵉⵎⴻⵏ ⵏ ⵚⵉⵀⵢⵓⵏ ⴷ ⵡⴻⵏⵏⵉ ⵉⵇⵇⵉⵎⴻⵏ ⴷⵉ ⵓⵔⵛⴰⵍⵉⵎ ⵄⴰⴷ, ⴰⴷ ⴰⵙⴻⵏ ⵉⵏⵉⵏ: ‘ⴷ ⴰⵎⵇⴻⴷⴷⴰⵙ!’, ⴽⵓⵍ ⵉⵊⵊ ⴷⵉ ⵓⵔⵛⴰⵍⵉⵎ ⵡⴻⵏⵏⵉ ⵉⵜⵜⵡⴰⵣⴻⵎⵎⴻⵎⴻⵏ ⵉ ⵜⵓⴷⴰⵔⵜ.
4 ⵅⵎⵉ ⵖⴰ ⵉⵙⵙⵉⵔⴷ ⵙⵉⴷⵉ ⵍⴻⵅⵎⴻⵊ ⵏ ⵢⴻⵙⵙⵉⵙ ⵏ ⵚⵉⵀⵢⵓⵏ ⵓ ⴰⴷ ⵉⵙⵔⵉⵔ ⵣⵉ ⵍⵡⴻⵙⵜ ⵏ ⵓⵔⵛⴰⵍⵉⵎ ⵉⴷⴰⵎⵎⴻⵏ ⵙ ⴰⵔⵔⵓⵃ ⵏ ⵍⴻⵃⴽⴰⵎ ⵓ ⵙ ⴰⵔⵔⵓⵃ ⵉⵛⴻⵎⵎⴹⴻⵏ,
5 ⵅⴻⵏⵏⵉ ⴰⴷ ⵉⴳⴳ ⵙⵉⴷⵉ ⴷⴻⴳ ⵓⵣⵉⵍ ⵉⵊⵊ ⵏ ⵓⵙⴻⵢⵏⵓ ⵅ ⵎⴰⵔⵔⴰ ⵜⴰⵣⴻⴷⴷⵉⵖⵜ ⵅ ⵡⴻⴷⵔⴰⵔ ⵏ ⵚⵉⵀⵢⵓⵏ ⵓ ⵅ ⵜⵎⴻⵙⵎⵓⵏⵉⵏ ⵏⵏⴻⵙ ⵓ ⵙ ⴵⵉⵍⴻⵜ ⴷⴷⴻⵅⵅⴰⵏ ⴷ ⵜⵉⵙⵙⵉⵇⵜ ⵏ ⵜⵎⴻⵙⵙⵉ ⵉⵜⵜⵛⴻⵄⵛⵉⵄⴻⵏ, ⵎⴰⵖⴰⵔ ⵜⵉⵡⴰ ⵎⴰⵔⵔⴰ ⵎⵉⵏ ⵉⵄⵓⴵⴻⵏ ⴰⴷ ⵜⵉⵍⵉ ⵜⵇⵉⴷⵓⵏⵜ ⵉ ⵓⴷⵓⵔⵔⵉ ⵏ ⵜⴻⵙⵍⵉⵜ.
6 ⴰⴷ ⵢⵉⵍⵉ ⵓⵄⵉⵛⵛⵓ ⵉ ⵜⵉⵍⵉ ⵙ ⵓⵣⵉⵍ ⵣⵉ ⵍⴻⵃⵎⵓ ⵓ ⵉ ⵡⴻⵎⵛⴰⵏ ⵏ ⵜⴰⵔⴻⵡⵍⴰ ⴷ ⵓⴷⵓⵔⵔⵉ ⵣⵉ ⵍⵃⴻⵎⵍⴻⵜ ⴷ ⵡⴻⵏⵥⴰⵔ.”