9
Imezdaɣ n Urcalim
1 Marra Israil ittwazemmem di listat n jjadira u xzar, nitni ttwazemmemen deg wedlis n ijeǧiden n Israil d Yahuda. Ittwandeh Yahuda ɣar lmenfa ɣar Babil di ssibbet n řeɣdar nsen.
2 Imezdaɣ imezwura i iggin ad zedɣen x wagřa nsen di tneddam nsen, tuɣa aten ayt n Israil, uca uřa d ikehhanen d Ilawiyyen d imsexxaren n Zzawect Tameqqrant.
3 Zeg warrawen n Yahuda u zeg warrawen n Binyamin u zeg warrawen n Ifrayim u zeg warrawen n Manassa zedɣen ina di Urcalim:
4 Ɛutay, mmis n Ɛammihud, mmis n Ɛumri, mmis n Imri, mmis n Bani. Netta tuɣa zeg warrawen n Fariṣ, mmis n Yahuda.
5 Zeg Aciluniyyen: Ɛasaya, amenzu ak-d warrawen nnes,
6 u zeg warrawen n Zaraḥ: Yaɛuyil waha.
Aytmatsen tuɣa aten di setta mya u-tesɛin.
7 Zeg warrawen n Binyamin: Sallu, mmis n Macullam, mmis n Huduya, mmis n Hasnuwa,
8 d Yibniya, mmis n Yaruḥam; u Ila, mmis n Ɛuzzi, mmis n Mikri; u Macullam, mmis n Cafaṭya, mmis n Raɛuyil, mmis n Yibniya.
9 Aytmatsen, ttwasettfen ɛlaḥsab jjadira nsen, tuɣa aten di tesɛa-mya u-setta u-xemsin n yeryazen. Marra iryazen-a tuɣa aten d izeǧifen x ibabaten n řaǧat nsen.
10 Zeg ikehhanen: Yadaɛya, Yahuyarib d Yakin;
11 d Ɛazarya, mmis n Ḥilqiya, mmis n Macullam, mmis n Ṣaduq, mmis n Marayut, mmis n Axiṭub, řḥakem n Taddart n AREBBI;
12 d Ɛadaya, mmis n Yaruḥam, mmis n Facḥur, mmis n Malkiya; u Maɛsay, mmis n Ɛadiyil, mmis n Yaḥzira, mmis n Macullam, mmis n Macillimit, mmis n Immir.
13 Aytmatsen inni tuɣa iqqnen ɣar izeǧifen n tudrin n ibabaten nsen, tuɣa aten deg ařef u-sebɛa-mya u-settin n ayt n bu-teɣruḍt imeḥḍen, inni iggin řxedmet n tsexxart di Taddart n AREBBI.
14 Zeg Ilawiyyen: Camɛiya, mmis n Ḥacub, mmis n Ɛazriqam, mmis n Ḥacabya, zeg warrawen n Marari,
15 d Baqbaqar d Ḥarac d Jalal d Matanya, mmis n Mixa, mmis n Zikri, mmis n Asaf;
16 d Ɛubaya, mmis n Camɛiya, mmis n Jalal, mmis n Yadutun; d Baraxya, mmis n Asa, mmis n Ilqana, wenni izeddɣen di ředcur n Inaṭufatiyyen.
17 Iɛessasen n tewwart tuɣa aten d Callum, Ɛaqqub, Ṭalmun d Aximan d tawmat nsen. Callum tuɣa-t d azeǧif.
18 Ař řexxu bedden nitni ɣar Tewwart n Ujeǧid di manis i dd-tneqqar tfuct. Nitni d iɛessasen n tewwart ɣar řemrageḥ n řɛeskar n ayt n Lawi.
19 Callum, mmis n Quri, mmis n Abiyasaf, mmis n Quraḥ, d aytmas, inni tuɣa iqqnen ɣar taddart n babas, ixs ad yini Iquraḥiyyen, tuɣa aten x řxedmet n tsexxart. Nitni tuɣa-ten d iɛessasen ɣar tnebdatin n Uqiḍun, am mammec tuɣa řejdud nsen d iɛessasen n wadaf ɣar řmargeḥ n řɛeskar n SIDI.
20 Finaḥas, mmis n Aliɛazar, tuɣa-t zic d řḥakem nsen. SIDI tuɣa akides.
21 Zakariyya, mmis n Macalmiya, tuɣa-t d aɛessas n tewwart ɣar wadaf n Uqiḍun n Umsagar.
22 Marra inni ittwafarzen am yiɛessasen n tewwart ɣar wadafen, tuɣa aten di mitayen u-tenɛac n yeryazen. Nitni ttwazemmemen di lista n jjadira di ředcur nsen. Dawud d Camwil, amwařaw, ssmetnen ten di řfusina i d asen dd-ittwawekkřen.
23 Nitni tuɣa ttɛessan ak-d warrawen nsen ɣar tewwura n Taddart n SIDI, ɣar Taddart n Uqiḍun.
24 Iɛessasen n tewwura tuɣa bedden ɣar arebɛa n iɣezdisen n usemmiḍ: ɣar ccarq, ɣar řɣarb, ɣar ccamal, ɣar ljanub.
25 Tuɣa x aytmatsen, inni tuɣa izeddɣen di ředcur nsen, ad dd-asen deg wass wiss sebɛa, ḥima ad sexxaren řmijař n ict n ssimana di řwawqat ittwaggen, jmiɛ akidsen,
26 maɣar di řxedmet i d asen-dd ittwawekkřen tuɣa nitni d arebɛa n iɛessasen imezwura x tewwura. Nitni, ixs ad yini Ilawiyyen, ttwařeqqmen x ixxamen u x txubay n Taddart n AREBBI.
27 Di ǧiřet ssensen deg wenneḍ n Taddart n AREBBI, maɣar tuɣa ttwakellfen s tɛessast d warzam n tewwura kuř ṣṣbeḥ.
28 Ca zzaysen ttwaggen x dduzanat n tsexxart, maɣar nitni ḥessben ten umi ten ssidfen u umi ten ssuffɣen.
29 Ca nneɣni zzaysen ttwaggen x dduzanat u x marra řeqcuɛ iqeddsen u x waren azdad d binu d zzect d jjawi d řeɛṭur.
30 Imsewjjaden n txeǧeḍt ittfuḥen ak-d řeɛṭur tuɣa aten zeg warrawen n ikehhanen.
31 Mattitya, ijjen zeg ayt n Lawi, tuɣa d amenzu n Callum, Aquraḥi. Ittwawekkeř as maḥend ad issewjed min ittxeṣṣa ad ssengwen.
32 Zeg warrawen n Iqahatiyyen, zeg aytmatsen, tuɣa ca ttwařeqqmen x weɣrum n wescan, ḥima ad t ssarsen di ṭṭabřa kuř ass n ssebt.
33 Nitni tuɣa aten uřa d imedyazen, izeǧifen n ibabaten n řaǧat n Ilawiyyen, inni ittwanfekken zi řexdayem nneɣni minzi tuɣa xasen ḥima ad ceɣřen ak-d řxedmet-a ass d ǧiřet.
34 Ina tuɣa aten d izeǧifen n ibabaten n řaǧat n Ilawiyyen, ttwasettfen ɛlaḥsab jjadira nsen, izeǧifen i iǧan. Nitni tuɣa zeddɣen di Urcalim.
Tarwa n Jibɛun
35 Di Jibɛun zedɣen Yaɛiyil, babas n Jibɛun, u isem n temɣart nnes tuɣa-t Maɛka.
36 Mmis amenzu tuɣa Ɛabdun. Tuɣa zeddɣen din ɛawed Ṣur, Qis, Nir, Nadab,
37 Jadur, Axiyu, Zakariyya d Miqlut.
38 Miqlut ijja-dd Cimɛa. Nitni tuɣa zeddɣen ajemmaḍ n aytmatsen di Urcalim, jmiɛ ak-d aytmatsen inneɣni.
39 Nir ijja-dd Qis, Qis ijja-dd Cawul u Cawul ijja-dd Yunatan, Malkicuɛa, Abinadab d Icbaɛal.
40 Mmis n Yunatan tuɣa Marib-Baɛal, u Marib-Baɛal ijja-dd Mixa.
41 Arrawen n Mixa tuɣa aten d Fitun, Malak d Taḥriɛa.
42 Aḥaz ijja-dd Yaɛra, u Yaɛra ijja-dd Ɛalmat, Ɛazmawet d Zimri, u Zimri ijja-dd Muṣa,
43 u Muṣa ijja-dd Binɛa. Mmis tuɣa Rafaya, mmis Ilɛasa d mmis nnes Aṣil.
44 Aṣil tuɣa ɣares setta n warrawen u ina d ismawen nsen: Ɛazriqam d Bukra d Ismaɛil d Caɛarya d Ɛubadya d Ḥanan. Ina tuɣa aten d arrawen n Aṣil.