7
1 Arrawen n Issakar tuɣa aten d Tulaɛ d Fuwwa d Yacub d Cimrun, arebɛa n warrawen.
2 Arrawen n Tulaɛ tuɣa aten d Ɛuzzi, Rafaya, Yariyil, Yaḥmay, Yibcam d Cimuwil, izeǧifen n tudrin n ibabaten nsen n Tulaɛ, ayt n bu-teɣruḍt imeḥḍen, nitni ttwazemmemen ɛlaḥsab axřaq nsen. Deg wussan n Dawud tuɣa řqedd nsen tnayen u-ɛicrin-ařef u-setta-mya n yeryazen.
3 Arrawen n Ɛuzzi, mɣir Yazraḥya, u arrawen n Yazraḥya tuɣa aten d Mixayil, Ɛubadya, Yuwil d Yacci-Yah, nitni marra tuɣa aten xemsa n izeǧifen.
4 Tuɣa xasen řumur x terbiɛin n řɛeskar, u nitni tuɣa ttwasettfen ɛlaḥsab jjadira nsen, ɛlaḥsab taddart n ibabaten nsen. Aqa-ten di setta u-třatin-ařef n yeryazen, maɣar nitni tuɣa ɣarsen aṭṭas n temɣarin d warrawen.
5 Uca xenni aytmatsen zi marra řaǧat n Issakar, sebɛa u-tmanyin-ařef n ayt n bu-teɣruḍt imeḥḍen, inni ittwazemmemen marra di listat n jjadira.
6 Arrawen n Binyamin tuɣa aten d Bilaɛ, Bakar d Yadiɛayil, třata n warrawen.
7 Arrawen n Bilaɛ tuɣa aten d Iṣbun, Ɛuzzi, Ɛuzziyil, Yarimut d Ɛayri, xemsa n izeǧifen n řaǧat n ibabaten, ayt n bu-teɣruḍt imeḥḍen. Ttwazemmemen zzaysen tnayen u-ɛicrin-ařef u-arebɛa u-třatin n yeryazen di listat n jjadira.
8 Arrawen n Bakar tuɣa aten d Zamira, Yuɛac, Iliɛazar, Ilyuɛinay, Ɛumri, Yarimut, Abiya, Ɛanatut d Ɛalamat. Nitni marra tuɣa aten d arrawen n Bakar.
9 Ttwazemmemen zzaysen ɛicrin-ařef u-mitayn n ayt n bu-teɣruḍt imeḥḍen di listat n řaǧat, ɛlaḥsab jjadira nsen u nitni tuɣa ttwasettfen ɛlaḥsab izeǧifen n tudrin n ibabaten nsen.
10 Arrawen n Yadiɛil, mɣir Bilhan. U arrawen n Bilhan tuɣa aten d Yaɛic, Binyamin, Ihud, Kanɛana, Zaytan, Tarcic d Axicaḥar.
11 Nitni marra tuɣa aten d arrawen n Yadiɛil. Sbeɛṭac-ařef u-mitayn n ayt n bu-teɣruḍt imeḥḍen ffɣen ɣar umenɣi ak-d řɛeskar, am ttwasettfen nitni ɛlaḥsab izeǧifen n řaǧat nsen.
12 Cuffim d Huffim tuɣa aten d arrawen n Ɛir, Hucim, arrawen n Aḥir.
13 Arrawen n Naftali tuɣa aten d Jaḥṣiyil, Juni, Yaṣar d Callum, arrawen n Bilha.
14 Arrawen n Manassa: Acriyil, wenni i d as dd-turuw temɣart nnes. Tayya nnes, ict n temɣart Taramit, turuw-dd Maxir, babas n Jilɛad.
15 Maxir iksi ict n temɣart i Ḥuffim d Cuffim. Isem n učmas tuɣa-tt d Maɛka. Isem n wenni wiss tnayen tuɣa-t d Ṣalufḥad. Ṣalufḥad ɣares yessis waha.
16 Maɛka, tamɣart n Maxir, turuw-dd ijj n mmis uca tegga as Farac u umas qqaren as Carac u arrawen nnes tuɣa aten d Ulam d Raqam.
17 Arrawen n Ulam: mɣir Badan. Ina d arrawen n Jilɛad, mmis n Maxir, mmis n Manassa.
18 X učmas Hamulakat, nettat turuw-dd Ichud, Abiɛazar d Maḥla.
19 Arrawen n Camidaɛ tuɣa aten d Ixyan, Cakim d Laqḥi d Aniɛam.
20 Arrawen n Ifrayim, mɣir Cutalaḥ. Mmis tuɣa Barad, mmis Taḥat, mmis Ilɛada, mmis Taḥat,
21 mmis Zabad, mmis Cutalaḥ u xenni Ɛazar d Ilɛad. Iryazen n Jat, inni dd-ittwaxeřqen di temmurt, nɣin ten, minzi nitni tuɣa hwan, ḥima ad kksen řmař nsen.
22 Ifrayim, babatsen, icḍen aṭṭas n wussan uca aytmas usin-dd ḥima ad t ɛezzan.
23 Xenni yudef netta x temɣart nnes uca teksi ddeyset uca turuw-dd ijj n uḥenjir. Netta igga as Bariɛa, minzi deg wussan nni tuɣa d arẓiyyet di taddart nnes.
24 Yeǧis tuɣa Cira. Nettat tessbedd Bayt-Ḥurun n wadday d Bayt-Ḥurun n nnej d Uzzin-Cira.
25 Rafaɛ tuɣa d mmis uřa d Racaf. Uca mmis tuɣa d Talaḥ, mmis Taḥan,
26 mmis Laɛdan, mmis Ɛammihud, mmis Ilicamaɛ,
27 mmis Nun d mmis Yacuwa.
28 Agřa nsen d imucan mani zeddɣen tuɣa Bayt-Il ak-d tneddam i ɣares dd-iqqnen, d Naɛran ɣar ccarq u Jazar ɣar řɣarb ak-d tneddam i ɣarsent dd-iqqnen, uřa d Cakim ak-d tneddam i ɣares dd-iqqnen ař Ɣazza ak-d tneddam i ɣares dd-iqqnen.
29 Tuɣa Bayt-Can ak-d tneddam i ɣares dd-iqqnen, Taɛnak ak-d tneddam i ɣares dd-iqqnen, Majiddu ak-d tneddam i ɣares dd-iqqnen u Dur ak-d tneddam i ɣares dd-iqqnen deg ifassen n ayt n Manassa. Ayt n Yusuf, mmis n Israil, tuɣa zeddɣen daysent.
30 Arrawen n Acir tuɣa aten d Yimna, Yicwa, Yicwi, Bariɛa d Saraḥ tenni d učmatsen.
31 Arrawen n Bariɛa tuɣa aten d Ḥabir d Malkiyil. Netta d baba n Birzawat.
32 Ḥabir ijja-dd Yafliṭ, Cumir, Ḥutam d Cuɛa, učmatsen
33 Arrawen n Yafliṭ tuɣa aten d Fasak, Bimhal d Ɛacwat. Ina tuɣa aten d arrawen n Yafliṭ.
34 Arrawen n Camar tuɣa aten d Axi, Ruhja, Yahubba d Aram.
35 Arrawen n umas Hilam tuɣa aten d Ṣufaḥ, Yimnaḥ, Calac d Ɛamal.
36 Arrawen n Ṣufaḥ tuɣa aten d Suwaḥ, Ḥaranfar, Cuɛal, Biri, Yamra,
37 Baṣar, Hud, Camma, Cilca, Yitran d Ba’ira.
38 Arrawen n Yitram tuɣa aten d Yafunni, Ficfa d Ara.
39 Arrawen n Ɛulla tuɣa aten d Araḥ, Ḥaniyil d Riṣya.
40 Marra ina tuɣa aten d arrawen n Acir, izeǧifen n řaǧat n ibabaten, ayt n bu-teɣruḍt ifarzen imeḥḍen, izeǧifen n řḥukkam. Nitni ttwazemmemen di listat n jjadira n řɛeskar i umenɣi. Tuɣa řqedd nsen setta u-ɛicrin-ařef n yeryazen.