128
1 Izři n ugeɛɛed.
Sseɛd n kuř ijj
wenni itteggʷeden SIDI,
wenni igguren deg ibriden nnes.
2 Aqa ad tecced
zeg warber n ifassen nnec,
ad tiřid d amimun d lemliḥ.
3 Tamɣart nnec ad tiři
am ict n tzayart i dd-ittawyen řɣiǧet
di taddart nnec,
arrawen nnec ad iřin
am iɣemmuyen n zzitun
quwwaren i ṭṭabřa nnec.
4 Ammu i ɣa ittwabarek weryaz ijehden
nni itteggʷeden SIDI.
5 SIDI ad cek ibarek zi Ṣihyun,
u ad tẓared aqa Urcalim ad tiři mliḥ,
marra ussan n tudart nnec,
6 wah, ad tẓared
iḥenjiren n iḥenjiren nnec.
Řehna ad yiři x Israil.