114
Ařami iffeɣ Israil zi Miṣra,
taddart n Yaɛqub
zeg ijj n řgens
s yiřes n midden,   
idweř Yahuda d Zzawect nnes Iqeddsen,
Israil d tammurt n řeḥkamet nnes.
 
Řebḥar iẓra i-t uca yarweř,
L’Urdun inneqřeb ɣar ḍeffar.
Idurar negzen am yicarriyyen,
tiwririn am yizmaren.
 
Min cek yuɣin, a řebḥar,
ařami trekkwařed,
a cek L’Urdun,
ařami tenqeřbed ɣar ḍeffar?
A idurar, min kenniw yuɣin
ařami tneggzem am yicarriyyen,
tiwririn am yizmaren?
 
A tammurt arjiji zzat i wudem n Sidi,
zzat i wudem n Arebbi n Yaɛqub,
wenni yarrin taṣḍart
d řḥemřet n waman,
sseǧaḥ d řɛunṣarat n waman.
 
 
114:1 iřes - niɣ ‘tutlayt’. 114:1 Uf. 13:3 114:5 řebḥar - niɣ ‘il’. 114:8 Uf. 17:6; Řxř. 20:11