1 “X qaɛ man aya ad negg ijj n řɛahd imten uca ad t nzemmem di tira uca řḥukkam nneɣ, Ilawiyyen nneɣ d ikehhanen nneɣ ad xas ggen acemmiɛ.” 2 Inni xas iggin acemmiɛ d ina:

Naḥamya, wenni d lwali ameqqran, mmis n Ḥakalya, d Ṣidqiya, 3 Saraya, Ɛazarya, Irmiya, 4 Facḥur, Amarya, Malkiya, 5 Ḥattuc, Cabanya, Mallux, 6 Ḥarim, Marimut, Ɛubadya, 7 Daniyal, Jinnitun, Barux, 8 Macullam, Abiya, Miyamin, 9 Maɛazya, Biljay d Camɛiya. Ina tuɣa aten d ikehhanen.

10 Uca Ilawiyyen: Yecuɛa, mmis n Azanya, d Binnay. Zeg ayt n Ḥinadad, Qadmiyil. 11 Uřa d aytmatsen: Cabanya, Hudiya, Qaliṭa, Qalaya, Ḥanan, 12 Mixa, Raḥub, Ḥacabya, 13 Zakkur, Carabya, Cabanya, 14 Hudiya, Bani d Baninu.

15 Izeǧifen n řgens: Farɛuc, Faḥat-Mu’ab, Ɛilam, Zattu, Bani, 16 Bunni, Ɛazjad, Bibay, 17 Aduniya, Biɣway, Ɛadin, 18 Aṭir, Ḥizqiya, Ɛazzur, 19 Hudiya, Ḥacum, Biṣay, 20 Ḥarif, Ɛanatut, Nibay, 21 Majfiɛac, Macullam, Ḥazir, 22 Macizabyil, Ṣaduq, Yadduɛ, 23 Falaṭya, Ḥanan, Ɛanaya, 24 Huciɛa, Ḥananya, Ḥacub, 25 Halluḥic, Filja, Cubiq, 26 Raḥum, Ḥacabna, Maɛasiya, 27 Axiya, Ḥanan, Ɛanan, 28 Mallux, Ḥarim d Baɛna.

29 Inni iqqimen zi řgens, ikehhanen, Ilawiyyen, iɛessasen n tewwura, imedyazen, imsexxaren n Zzawect Tameqqrant d marra inni d iɛezzřen ixef nsen x řegnus n temmura ɣar Ccariɛa n AREBBI, timɣarin nsen, iḥenjiren nsen d yessitsen, kuř ijj wenni ɣar teǧa tussna d řefhamet, ◼ 30 nitni marra řeṣqen ɣar aytmatsen, ayt n bu-ṣṣulṭa nsen, uca ccarcen di nneɛřet d tjaǧit maḥend ad ddaren ɛlaḥsab Ccariɛa n AREBBI, tenni immewcen x ufus n Musa, amsexxar n AREBBI, uca mahend ad ḥḍan marra řumurat n SIDI, Siditneɣ, uca ad ṭṭfen di lfarayiḍ nnes d tweṣṣa nnes. 31 Ɛawed negga xaneɣ maḥend war nettic yessitneɣ i řegnus n temmurt u war nettiwi yessitsen i iḥenjiren nneɣ d tamɣart. ◘

32 Uca mařa řegnus n temmurt usin-dd deg wass n ssebt, iwyen ṣṣeřɛet d ɛřam kuř imendi ḥima ad zzenzen aya, aqa neccin di ssebt niɣ deg ijj n wass iqeddsen nneɣni war xasen nettiwi walu. Uca ammu ɛawed negga xaneɣ, aqa neccin ad nejj tammurt deg useggʷas wiss sebɛa u war nkessi arriba zeg uřa d yijjen. ◘

33 Negga xaneɣ řumurat maḥend ad newc ict n ttuřut n ciqlu deg useggʷas i tsexxart n Taddart n AREBBI nneɣ, 34 i weɣrum n wescan u i tewhibt n řɣiǧet n řebda u i tɣarṣt n wecmaḍ n řebda deg wussan n ssebt u deg wussan n uyur n jdid, i řeɛyudat ittwaggen, i tmesřayin iqeddsen u i tɣarṣa n ddenb maḥend ad zzaysent ittwagg aṣřaḥ x Israil u x marra tasexxart n Taddart n AREBBI nneɣ. ◘

35 Neccin, ikehhanen, Ilawiyyen d řgens, am nᵉttwasettef ɛlaḥsab řaǧat n ibabaten nneɣ, ggin taqedduḥt i tewhibt n ukeccuḍ tenni tuɣa ittxeṣṣa ad tᵉttwassidef ɣar Taddart n AREBBI nneɣ deg wussan ittwaggen, aseggʷas awarni i useggʷas, maḥend ad tᵉttwassecmeḍ x uɛalṭar n SIDI, AREBBI nneɣ, am mammec i tura di Ccariɛa. ◼

36 Uca negga xaneɣ ɛawed maḥend ad nawi tamenzut n temmurt nneɣ d tmenzut n řɣiǧet n marra ticejjura ɣar Taddart n SIDI, aseggʷas x umas, ◘ 37 uřa d imenza n iḥenjiren nneɣ d řebhayem nneɣ am mammec i tura di Ccariɛa, uca ad nawi imenza n ifunasen nneɣ d wuǧi nneɣ di Taddart n AREBBI, ɣar ikehhanen nni ittsexxaren di Taddart n AREBBI. ◘

38 Uca negga xaneɣ ɛawed maḥend ad nettawi tamezwarut n min ittwaggen zeg warecti nneɣ u zi tewhibin n usgeɛɛed nneɣ u zi fruta n marra ticejjura u zi binu n jdid d zzect ɣar ikehhanen deg ixxamen i řexzen n Taddart n AREBBI nneɣ, uřa d řeɛcur n temmurt nneɣ ɣar Ilawiyyen. Uca Ilawiyyen simant nsen ad ṭṭfen řeɛcur di marra tineddam mani tuɣa nxeddem neccin x temmurt, ◘ 39 uca ad yiři ukehhan, ijj n mmis n Harun, ɣar Ilawiyyen xmi ɣa ṭṭfenIlawiyyen řeɛcur. Uca Ilawiyyen simant nsen ad awyen ict n teɛcart n řeɛcur ɣar Taddart n AREBBI, ɣar ixxamen n taddart n txubay, ◼  ◘ 40 minzi ayt n Israil d ayt n Lawi ad awyen tawhibt n usgeɛɛed n řḥebb n yirden, řa n binu n jdid uřa n zzect deg ixxamen i řexzen. Maɣar řeqcuɛ n Zzawect Iqeddsen aqa aten din, uřa d ikehhanen nni ittsexxaren d iɛessasen n tewwura d imedyazen. Ittxeṣṣa aneɣ war nsemmeḥ ca di Taddart n AREBBI nneɣ.