25
Řhard wiss třata n Bildad
1 Xas uca yarra-dd Bildad, i dd-yusin zi Cuḥa, inna:
2 Ṣṣulṭa d jjehd issaggʷaden
aqa aten ɣares,
Netta ittegg řehna di řuɛřa nnes.
3 Ma izemmar ad ḥesben
mecḥař i ɣares n řɛeskar?
X man war tᵉttgeɛɛed tfawt nnes?
4 Mammec xenni izemmar bnadem
ad yiři d amsegged zzat i Arebbi,
mammec izemmar
wenni dd-ittwarwen zi temɣart
ad yiři d amezdag?
5 Xzar, ɛad taziri simant nnes
war tᵉttwesseg s řeṣfayet,
itran war ṣfin di tiṭṭawin nnes.
6 Ahta ɛad bnadem, wenni d awekki,
u mmis n bnadem, wenni d akeccaw.