٢٥
إِمذْيَازنْ
١ زڭْ وَارَّاونْ ن أَسَافْ ذ هَايْمَانْ ذ يَاذُوثُونْ إِعْزڒْ ذَاوُوذْ أَكْ-ذ إِكُومَانْذَارنْ ن ڒْْعسْكَارْ إِرْيَازنْ إِ ثْسخَّارْثْ نِّي إِتّْنبَّانْ س ڒْْڭَامْبْرِييَاثْ ذ لهَارْپَاثْ ذ ثَادْجُونِينْ ن وُوزَّاڒْ. ڒْْقدّْ ن يرْيَازنْ إِ إِڭِّينْ ڒْْخذْمثْ ن ثْسخَّارْثْ نْسنْ ثُوغَا-ث ذ وَا:
٢ إِ وَارَّاونْ ن أَسَافْ: زَاكُّورْ، يُوسُوفْ، نَاثَانْيَا ذ أَشْرِييِيلْ، نِيثْنِي ذ أَرَّاونْ ن أَسَافْ. ثُوغَا-ثنْ سَاذُو ؤُفُوسْ ن أَسَافْ. نتَّا ثُوغَا إِتّْنبَّا خْ إِشيَّارنْ ن ؤُجدْجِيذْ.
٣ إِ يَاذُوثُونْ: أَرَّاونْ ن يَاذُوثُونْ ثُوغَا أَثنْ ذ جَاذَالْيَا، صَارِي، إِشَاعْيَا، حَاشَابْيَا ذ مَاتِّيثْيَا، ستَّا ن وَارَّاونْ. ثُوغَا-ثنْ سَاذُو ؤُفُوسْ ن بَابَاثْسنْ يَاذُوثُونْ، ونِّي ثُوغَا إِتّْنبَّانْ أَمْ إِتِّيرَارْ خْ ڒْْڭَامْبْرِي، أَمْ إِتّْقَاذَا ذ إِسّمْغَارَا سِيذِي.
٤ إِ هِيمَانْ: أَرَّاونْ ن هَايْمَانْ ثُوغَا أَثنْ ذ بُوقِّييَا، مَاتَّانْيَا، عُوزِّييِيلْ، شابُووِيلْ، يَارِيمُوثْ، حَانَانْيَا، حَانَانِي، إِلِييَاثَا، جِيدَّالْثِي، رُومَامْثِي-عَازَارْ، يُوشْبَاقَاشَا، مَالُّوثِي، هُوثِيرْ ذ مَاحْزِييُوثْ.
٥ نِيثْنِي مَارَّا ثُوغَا أَثنْ ذ أَرَّاونْ ن هَايْمَانْ، أَمْوَاڒَاوْ ن ؤُجدْجِيذْ س ڒفْهَامثْ ن وَاوَاڒنْ ن أَربِّي، حِيمَا أَذْ سّْڭعّْذنْ إِشّْ نّسْ، مِينْزِي إِ ؤُيَا يَارْزفْ أَربِّي إِ هَايْمَانْ أَرْبعْطَاشْ ن وَارَّاونْ ذ ثْڒَاثَا ن ثْحنْجِيرِينْ.
٦ مَارَّا إِنَا ثُوغَا أَثنْ سَاذُو ؤُفُوسْ ن بَابَاثْسنْ، ن أَسَافْ، يَاذُوثُونْ ذ هَايْمَانْ، مَاحنْذْ أَذْغنّْجنْ إِزْڒَانْ ذِي ثَادَّارْثْ ن سِيذِي س ثَادْجُونِينْ ن وُوزَّاڒْ ذ لهَارْپَاثْ ذ ڒْْڭَامْبْرِييَاثْ إِ ثْسخَّارْثْ ذِي ثَادَّارْثْ ن أَربِّي سَاذُو ؤُفُوسْ ن ؤُجدْجِيذْ.
٧ ڒْْقدّْ نْسنْ، جْمِيعْ أَكْ-ذ أَيْثْمَاثْسنْ، إِنِّي ثُوغَا إِتّْوَاسّْڒمْذنْ ذڭْ إِزْڒَانْ إِ سِيذِي، ڒْْقدّْ ن مَارَّا إِنِّي غَارْسنْ ثِيزمَّارْ ذِي مَانْ أَيَا، ثُوغَا-ث مِيثَاينْ ؤُ-ثْمنْيَا ؤُ-ثْمَانْيِينْ.
٨ نِيثْنِي نْضَارنْ ثِيقدُّوحِينْ إِ ثْعسَّاسْثْ، أَمْ ؤُمژْيَانْ أَمْ ؤُمقّْرَانْ، أَمْ ؤُمْسڒْمَاذْ أَمْ ؤُمحْضَارْ.
٩ ثَاقدُّوحْثْ ثَامزْوَارُوثْ ثكَّارْ أَسْ-د إِ يُوسُوفْ.
وِيسّْ ثْنَاينْ إِ جَاذَالْيَا. نتَّا ذ أَيْثْمَاسْ ذ وَارَّاونْ نّسْ، ثنْعَاشْ ن يرْيَازنْ.
١٠ وِيسّْ ثْڒَاثَا ثكَّارْ أَسْ-د إِ زَاكُّورْ، نتَّا أَكْ-ذ وَارَّاونْ نّسْ ذ أَيْثْمَاسْ، ثنْعَاشْ ن يرْيَازنْ.
١١ وِيسّْ أَربْعَا ثكَّارْ أَسْ-د إِ يَاصْرِي، نتَّا أَكْ-ذ وَارَّاونْ نّسْ ذ أَيْثْمَاسْ، ثنْعَاشْ ن يرْيَازنْ.
١٢ وِيسّْ خمْسَا ثكَّارْ أَسْ-د إِ نَاثَانْيَا، نتَّا أَكْ-ذ وَارَّاونْ نّسْ ذ أَيْثْمَاسْ، ثنْعَاشْ ن يرْيَازنْ.
١٣ وِيسّْ ستَّا ثكَّارْ أَسْ-د إِ بُوقِّييَا، نتَّا أَكْ-ذ وَارَّاونْ نّسْ ذ أَيْثْمَاسْ، ثنْعَاشْ ن يرْيَازنْ.
١٤ وِيسّْ سبْعَا ثكَّارْ أَسْ-د إِ يَاشَارْيِيلَا، نتَّا أَكْ-ذ وَارَّاونْ نّسْ ذ أَيْثْمَاسْ، ثنْعَاشْ ن يرْيَازنْ.
١٥ وِيسّْ ثْمنْيَا ثكَّارْ أَسْ-د إِ إِشَاعْيَا، نتَّا أَكْ-ذ وَارَّاونْ نّسْ ذ أَيْثْمَاسْ، ثنْعَاشْ ن يرْيَازنْ.
١٦ وِيسّْ ثسْعَا ثكَّارْ أَسْ-د إِ مَاتَّانْيَا، نتَّا أَكْ-ذ وَارَّاونْ نّسْ ذ أَيْثْمَاسْ، ثنْعَاشْ ن يرْيَازنْ.
١٧ وِيسّْعشْرَا ثكَّارْ أَسْ-د إِ شِيمْعِي، نتَّا أَكْ-ذ وَارَّاونْ نّسْ ذ أَيْثْمَاسْ، ثنْعَاشْ ن يرْيَازنْ.
١٨ وِيسّْ حِيطَاشْ ثكَّارْ أَسْ-د إِ عَازَارْيِيلْ، نتَّا أَكْ-ذ وَارَّاونْ نّسْ ذ أَيْثْمَاسْ، ثنْعَاشْ ن يرْيَازنْ.
١٩ وِيسّْ ثنْعَاشْ ثكَّارْ أَسْ-د إِ هَاشَابْيَا، نتَّا أَكْ-ذ وَارَّاونْ نّسْ ذ أَيْثْمَاسْ، ثنْعَاشْ ن يرْيَازنْ.
٢٠ وِيسّْ ثْڒطَّاشْ ثكَّارْ أَسْ-د إِ شُوبَايِيلْ، نتَّا أَكْ-ذ وَارَّاونْ نّسْ ذ أَيْثْمَاسْ، ثنْعَاشْ ن يرْيَازنْ.
٢١ وِيسّْ أَرْبعْطَاشْ ثكَّارْ أَسْ-د إِ مَاتِّيثْيَا. نتَّا أَكْ-ذ وَارَّاونْ نّسْ ذ أَيْثْمَاسْ، ثنْعَاشْ ن يرْيَازنْ.
٢٢ وِيسّْ خمّسْطَاشْ ثكَّارْ أَسْ-د إِ يَارِيمُوثْ، نتَّا أَكْ-ذ وَارَّاونْ نّسْ ذ أَيْثْمَاسْ، ثنْعَاشْ ن يرْيَازنْ.
٢٣ وِيسّْ سطَّاشْ ثكَّارْ أَسْ-د إِ حَانَانْ-يَاهْ، نتَّا أَكْ-ذ وَارَّاونْ نّسْ ذ أَيْثْمَاسْ، ثنْعَاشْ ن يرْيَازنْ.
٢٤ وِيسّْ سْبعْطَاشْ ثكَّارْ أَسْ-د إِ يَاشْبَاقَاشَا، نتَّا أَكْ-ذ وَارَّاونْ نّسْ ذ أَيْثْمَاسْ، ثنْعَاشْ ن يرْيَازنْ.
٢٥ وِيسْ ثْمنْطَاشْ ثكَّارْ أَسْ-د إِ حَانَانِي، نتَّا أَكْ-ذ وَارَّاونْ نّسْ ذ أَيْثْمَاسْ، ثنْعَاشْ ن يرْيَازنْ.
٢٦ وِيسّْ ثْسعْطَاشْ ثكَّارْ أَسْ-د إِ مَالُّوثِي، نتَّا أَكْ-ذ وَارَّاونْ نّسْ ذ أَيْثْمَاسْ، ثنْعَاشْ ن يرْيَازنْ.
٢٧ وِيسّْ عِيشْرِينْ ثكَّارْ أَسْ-د إِ إِلِييَاثَا، نتَّا أَكْ-ذ وَارَّاونْ نّسْ ذ أَيْثْمَاسْ، ثنْعَاشْ ن يرْيَازنْ.
٢٨ وِيسّْ وَاحِيثْ ؤُ-عِيشْرِينْ ثكَّارْ أَسْ-د إِ هُوثِيرْ، نتَّا أَكْ-ذ وَارَّاونْ نّسْ ذ أَيْثْمَاسْ، ثنْعَاشْ ن يرْيَازنْ.
٢٩ وِيسّْ ثْنَاينْ ؤُ-عِيشْرِينْ ثكَّارْ أَسْ-د إِ جِيدَّالْثِي، نتَّا أَكْ-ذ وَارَّاونْ نّسْ ذ أَيْثْمَاسْ، ثنْعَاشْ ن يرْيَازنْ.
٣٠ وِيسّْ ثْڒَاثَا ؤُ-عِيشْرِينْ ثكَّارْ أَسْ-د إِ مَاحْزِييُوثْ، نتَّا أَكْ-ذ وَارَّاونْ نّسْ ذ أَيْثْمَاسْ، ثنْعَاشْ ن يرْيَازنْ.
٣١ وِيسّْ أَربْعَا ؤُ-عِيشْرِينْ ثكَّارْ أَسْ-د إِ رُومَامْثِي-عَازَارْ، نتَّا أَكْ-ذ وَارَّاونْ نّسْ ذ أَيْثْمَاسْ، ثنْعَاشْ ن يرْيَازنْ.