٢
ثنْعَاشْ ن إِحنْجِيرنْ ن إِسْرَائِيل
١ إِنَا ثُوغَا أَثنْ ذ أَيْثْ ن إِسْرَائِيل: رُوبِينْ، شِيمْعُونْ، لَاوِي ذ يَاهُوذَا، إِسَّاكَارْ ذ زابُولُونْ،
٢ ذَانْ، يُوسُوفْ ذ بِينْيَامِينْ، نَافْثَالِي، جَاذْ ذ أَشِيرْ.
٣ أَرَّاونْ ن يَاهُوذَا ثُوغَا أَثنْ ذ عِيرْ ذ ؤُنَانْ ذ شَايْلَا. أَقَا ثْڒَاثَا-يَا تّْوَارْونْ أَسْ-د زڭْ يدْجِيسْ ن شُوعَا، ثَاكنْعَانِيثْ. عِيرْ، أَمنْزُو ن يَاهُوذَا، ثُوغَا ذ أَعفَّانْ ذِي ثِيطَّاوِينْ ن سِيذِي. س ؤُينِّي إِنْغَا إِ-ث.
٤ ثَامَارْ، ثَاسْڒِيثْ نّسْ، ثُورُووْ أَسْ-د فَارِيصْ ذ زَارَاحْ. يَاهُوذَا ثُوغَا غَارسْ س مَارَّا خمْسَا ن وَارَّاونْ.
٥ أَرَّاونْ ن فَارِيصْ ثُوغَا أَثنْ ذ حَاصْرُونْ ذ حَامُولْ.
٦ أَرَّاونْ ن زَارَاحْ ثُوغَا أَثنْ ذ زِيمْرِي، إِثَانْ، هَايْمَانْ، كَالْكُولْ ذ ذَارَاعْ. س مَارَّا خمْسَا.
٧ أَرَّاونْ ن كَارْمِي ثُوغَا أَثنْ ذ عَاخَارْ، ونِّي إِغضْڒنْ إِسْرَائِيل ذِي ڒغْبنْ، مِينْزِي إِڭَّا س ڒغْذَارْ أَكْ-ذ مِينْ ثُوغَا إِتّْوَاحَارّْمنْ إِ ؤُثحِّي.
٨ أَرَّاونْ ن إِثَانْ: مْغِيرْ عَازَارْيَا.
٩ أَرَّاونْ ن حَاصْرُونْ إِنِّي ذ أَسْ د-إِتّْوَارْونْ ثُوغَا أَثنْ ذ يَارْحَامْ‘إِلْ ذ رَامْ ذ كَالُوبَايْ.
١٠ رَامْ إِجَّا-د عَامِّينَاذَابْ.
عَامِّينَاذَابْ إِجَّا-د نَاحْشُونْ، ڒْْحَاكمْ ن أَيْثْ ن يَاهُوذَا.
١١ نَاحْشُونْ إِجَّا-د سَالْمُو.
سَالْمُو إِجَّا-د بُوعَازْ.
١٢ بُوعَازْ إِجَّا-د عُوبِيذْ.
عُوبِيذْ إِجَّا-د يَاسَّا.
١٣ يَاسَّا إِجَّا-د إِلِييَابْ، أَمنْزُو نّسْ، وِيسّْ ثْنَاينْ أَبِينَاذَابْ، وِيسّْ ثْڒَاثَا شِيمْعَا،
١٤ وِيسّْ أَربْعَا نَاثَانَايِيلْ، وِيسّْ خمْسَا رَادَّايْ،
١٥ وِيسّْ ستَّا ؤُصَامْ ذ وِيسّْ سبْعَا ذَاوُوذْ.
١٦ سُويثْمَاثْسنْ ثُوغَا أَثنْ ذ صَارُويَا ذ أَبِيجَايِيلْ.
أَرَّاونْ ن صَارُويَا ثُوغَا أَثنْ ذ أَبِيشَايْ ذ يُووَابْ ذ عَسَائِيلْ، ثْڒَاثَا ن وَارَّاونْ.
١٧ أَبِيجَايِيلْ ثُورُووْ-د عَامَاسَا ؤُ بَابَاسْ ن عَامَاسَا ثُوغَا-ث ذ يَاثْرُو، ونِّي ذ أَسْمَاعِيلِي.
١٨ كَالِيبْ، مِّيسْ ن حَاصْرُونْ، إِجَّا-د أَكْ-ذ عَازُوبَا، ثَامْغَارْثْ نّسْ، يدْجِيسْ يَارِيعُوثْ.
ذ إِنَا ثُوغَا أَثنْ ذ أَرَّاونْ نّسْ: يَاشَارْ، شُوبَابْ ذ أَرْذُونْ.
١٩ ؤُمِي إِمُّوثْ عَازُوبَا، يِيوِي كَالِيبْ إِفْرَاثْأَ ذ ثَامْغَارْثْ إِ يِيخفْ نّسْ ؤُ نتَّاثْ ثُورُووْ أَسْ-د حُورْ.
٢٠ حُورْ إِجَّا-د ؤُرِي ؤُ ؤُرِي إِجَّا-د بَاصَالْيِيلْ.
٢١ أَوَارْنِي أَسْ يُوذفْ حَاصْرُونْ خْ يدْجِيسْ ن مَاخِيرْ، بَابَاسْ ن جِيلْعَاذْ، ؤُ نتَّا يِيوْيِي ت ذ ثَامْغَارْثْ ؤُمِي غَارسْ ثُوغَا ستِّينْ ن إِسڭّْوُوسَا ؤُ نتَّاثْ ثُورُووْ أَسْ-د سَاجُوبْ.
٢٢ سَاجُوبْ إِجَّا-د يَا‘إِرْ. نتَّا ثُوغَا غَارسْ ثْڒَاثَا ؤُ-عِيشْرِينْ ن ثْندَّامْ ذِي ثمُّورْثْ ن جِيلْعَاذْ.
٢٣ جَاشُورْ أَكْ-ذ أَرَامْ إِكّسْ زَّايْسنْ ذْشُورَاثْ ن يَا‘إِرْ، ؤُڒَا ذ قَانَاثْ ذ ثْندَّامْ إِ غَارسْ د-إِقّْننْ، س مَارَّا ستِّينْ ن ثْندَّامْ.
إِنَا مَارَّا ثُوغَا أَثنْ ذ أَرَّاونْ ن مَاخِيرْ، بَابَاسْ ن جِيلْعَاذْ.
٢٤ أَوَارْنِي ڒْْموْثْ ن حَاصْرُونْ ذِي كَالِيبْ-إِفْرَاثَا، ثُورُووْ أَسْ-د أَبِييَا، ثَامْغَارْثْ ن حَاصْرُونْ، أَشْحُورْ، بَابَاسْ ن ثَاقُوعَا.
٢٥ أَرَّاونْ ن يَارْحَامْ‘إِلْ، أَمنْزُو ن حَاصْرُونْ، ثُوغَا أَثنْ ذ رَامْ، أَمنْزُو، خنِّي بُونَا، أَوْرَانْ، ؤُصَامْ ذ أَخِييَا.
٢٦ يَارْحَامْ‘إِلْ ثُوغَا غَارسْ عَاذْ إِشْثْ ن ثمْغَارْثْ نّغْنِيثْ، قَّارنْ أَسْ أَطَارَا. نتَّاثْ ثُوغَا ذ يمَّاسْ ن ؤُنَامْ.
٢٧ أَرَّاونْ ن رَامْ، أَمنْزُو ن يَارْحَامْ‘إِلْ، ثُوغَا أَثنْ ذ مَاعَاصْ ذ يَامِينْ ذ عَاقَارْ.
٢٨ أَرَّاونْ ن ؤُنَامْ ثُوغَا أَثنْ ذ شَامَّايْ ذ يَاذَاعْ.
أَرَّاونْ ن شَامَّايْ ثُوغَا أَثنْ ذ نَاذَابْ ذ أَبِيشُورْ.
٢٩ ثَامْغَارْثْ ن أَبِيشُورْ قَّارنْ أَسْ أَبِيحَايِيلْ. نتَّاثْ ثُورُووْ أَسْ-د أَحْبَانْ ذ مُولِيذْ.
٣٠ أَرَّاونْ ن نَاذَابْ ثُوغَا أَثنْ ذ سَالَاذْ ذ أَفَّايِيمْ.
سَالَاذْ إِمُّوثْ بْڒَا أَرَّاونْ.
٣١ أَرَّاونْ ن أَفَّايِيمْ: مْغِيرْ يِيشْعِي.
أَرَّاونْ ن يِيشْعِي: مْغِيرْ شِيشَانْ.
أَرَّاونْ ن شِيشَانْ: مْغِيرْ إِشْثْ ن يدْجِيسْ، أَحْلَايْ.
٣٢ أَرَّاونْ ن يَاذَاعْ، ؤُمَاسْ ن شَامَّايْ، ثُوغَا أَثنْ ذ يَاثْرُو ذ يُونَاثَانْ.
يَاثْرُو إِمُّوثْ بْڒَا أَرَّاونْ.
٣٣ أَرَّاونْ ن يُونَاثَانْ ثُوغَا أَثنْ ذ فَالَاثْ ذ زَازَا.
إِنَا ثُوغَا أَثنْ ذ أَرَّاونْ ن يَارْحَامْ‘إِلْ.
٣٤ شِيشَانْ ثُوغَا وَارْ غَارسْ بُو وَارَّاونْ مَاشَا يسِّيسْ وَاهْ. شِيشَانْ ثُوغَا غَارسْ إِجّْ ن ؤُمْسخَّارْ ذ أَمِيصْرِي، قَّارنْ أَسْ يَارْحَاعْ.
٣٥ شِيشَانْ إِوْشَا يدْجِيسْ ذ ثَامْغَارْثْ إِ ؤُمْسخَّارْ نّسْ يَارْحَاعْ ؤُ نتَّاثْ ثُورُووْ أَسْ-د عَاتَّايْ.
٣٦ عَاتَّايْ إِجَّا-د نَاثَانْ،
نَاثَانْ إِجَّا-د زَابَاذْ،
٣٧ زَابَاذْ إِجَّا-د إِفْلَالْ،
إِفْلَالْ إِجَّا-د عُوبِيذْ،
٣٨ عُوبِيذْ إِجَّا-د يَاهُو،
يَاهُو إِجَّا-د عَازَارْيَا،
٣٩ عَازَارْيَا إِجَّا-د حَالَاصْ،
حَالَاصْ إِجَّا-د إِلْعَاسَا،
٤٠ إِلْعَاسَا إِجَّا-د سِيسْمَايْ،
سِيسْمَايْ إِجَّا-د شَالُّومْ،
٤١ شَالُّومْ إِجَّا-د يَاقَامْيَا
ؤُ يَاقَامْيَا إِجَّا-د إِلِيشَامَاعْ.
٤٢ أَرَّاونْ ن كَالِيبْ، ؤُمَاسْ ن يَارْحَامْ‘إِلْ: مْغِيرْ مِيشَاعْ، أَمنْزُو نّسْ ونِّي ذ بَابَاسْ ن زِيفْ، ؤُڒَا ذ أَرَّاونْ ن مَارِيشَا، بَابَاسْ ن حَابْرُونْ.
٤٣ أَرَّاونْ ن حَابْرُونْ ثُوغَا أَثنْ ذ قُورَاحْ، ثَافُّوعْ، رَاقَامْ ذ شَامَاعْ.
٤٤ شَامَاعْ إِجَّا-د رَاحَامْ، بَابَاسْ ن جَارَاقْعَامْ،
ؤُ رَاقَامْ إِجَّا-د شَامَّايْ.
٤٥ مِّيسْ ن شَامَّا إِ ثُوغَا-ث ذ مَاعُونْ.
مَاعُونْ ثُوغَا ذ بَابَاسْ ن بَايْثْ-صُورْ.
٤٦ عِييْفَا، ثَايَّا ن كَالِيبْ، ثُورُووْ-د حَارَانْ، مُوصَا ذ جَازِيزْ.
حَارَانْ إِجَّا-د جَازِيزْ.
٤٧ أَرَّاونْ ن جَاهْ-ذَايْ ثُوغَا أَثنْ ذ رَاجَامْ، يُوثَامْ، جِيشَانْ، فَالَاطْ، عِييْفَا ذ شَاعَافْ.
٤٨ أَكْ-ذ ثَايَّا ن كَالِيبْ، مَاعْكَا، إِجَّا-د نتَّا شَابَارْ ذ ثَارْحَانَا.
٤٩ نتَّاثْ ثُورُووْ-د شَاعَافْ، بَابَاسْ ن مَاذْمَانَّا، ذ شَاوَا، بَابَاسْ ن مَاكْبِينَا ذ بَابَاسْ ن جِيبْعَا. يدْجِيسْ ن كَالِيبْ ثُوغَا عَاكْسَا.
٥٠ إِنَا ذ أَرَّاونْ ن كَالِيبْ: مِّيسْ ن حُورْ، أَمنْزُو ن إِفْرَاثَا، ثُوغَا شُوبَالْ، بَابَاسْ ن قَارْيَاثْ-يَاعَارِيمْ،
٥١ سَالْمَا، بَابَاسْ ن بَايْثْ-لَاحْمْ، ذ حَارِيفْ، بَابَاسْ ن بَايْثْ-جَاذِيرْ.
٥٢ أَرَّاونْ ن شُوبَالْ، بَابَاسْ ن قَارْيَاثْ-يَاعَارِيمْ، ثُوغَا أَثنْ ذ هَارُووَا ذ حَاصِي-هَا-مَانُوحُوثْ.
٥٣ ثِيوَاشُونِينْ ن قَارْيَاثْ-يَاعَارِيمْ ثُوغَا أَثنْ ذ إِيِيثْرِييّنْ، إِفُّوثِييّنْ، إِشَامَاثِييّنْ ذ إِمَاشْرَاعِييّنْ. زَّايْسنْ إِ د-إِقَّارْصنْ إِصَارْعِييّنْ ذ إِشْثَاوُولِييّنْ.
٥٤ أَرَّاونْ ن سَالْمَا: مْغِيرْ بَايْثْ-لَاحْمْ، ؤُشَا إِنَاطُوفَاثِييّنْ ثُوغَا أَثنْ: عَاطَارُوثْ-بَايْثْ-يُو‘أَبْ ذ حَاصِي-هَا-مَانَاحْثِي ذ إِصُورْعِييّنْ.
٥٥ ثِيوَاشُونِينْ ن إِمَارِيرنْ نِّي إِزدّْغنْ ذِي يَاعْبِيصْ، ثُوغَا أَثنْ ذ إِثِيرْعَاثِييّنْ ذ إِشَامْعَايّنْ ذ إِسُوكَانِييّنْ. نِيثْنِي ذ إِقِينِييّنْ إِنِّي د-إِقَّارْصنْ زِي حَامَّاثْ، بَابَاسْ ن ثَادَّارْثْ ن رَاكَابْ.