١٣٦
١ قَاذَامْ سِيذِي، مَاغَارْ نتَّا إِصْبحْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا.
٢ قَاذَامْ ونِّي ذ أَربِّي خْ مَارَّا إِربِّيثنْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا.
٣ قَاذَامْ ونِّي ذ سِيذِي خْ مَارَّا إِسِيذِيثنْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا،
٤ ... ونِّي إِتّڭّنْ لْمُوعْجِيزَاثْ ثِيمقّْرَانِينْ،
نتَّا وَاهَا،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا،
٥ ... ونِّي إِڭِّينْ إِجنْوَانْ س ڒفْهَامثْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا،
٦ ... ونِّي إِڭِّينْ ثَامُّورْثْ خْ وَامَانْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا.
٧ ... ونِّي إِڭِّينْ ثِيفَاوِينْ ثِيمقّْرَانِينْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا،
٨ ثَافُوشْثْ حِيمَا أَذْ ثحْكمْ خْ وَاسّْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا،
٩ ثَازِيرِي ذ إِثْرَانْ حِيمَا أَذْ حكْمنْ خْ دْجِيڒثْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا،
١٠ ... ونِّي إِوْثِينْ إِمِيصْرِييّنْ
ذڭْ إِمنْزَا نْسنْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا،
١١ ... ونِّي د-إِسُّوفّْغنْ إِسْرَائِيل
زِي ڒْوسْثْ نْسنْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا،
١٢ س ؤُفُوسْ إِجهْذنْ ذ ؤُغِيڒْ إِتّْوَاسّْڭعّْذنْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا.
١٣ ... ونِّي إِبْضَانْ ڒبْحَارْ ن ثلْڭَا خْ ثْنَاينْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا،
١٤ ؤُشَا إِسّژْوَا إِسْرَائِيل ذِي ڒْوسْثْ نّسْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا.
١٥ ؤُشَا إِنْضَارْ فِيرْعُونْ ذِي ڒبْحَارْ ن ثلْڭَا
أَكْ-ذ ڒْْعسْكَارْ نّسْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا.
١٦ ... ونِّي إِنذْهنْ ڒْْڭنْسْ نّسْ
ذڭْ وبْرِيذْ ذِي ڒخْڒَا،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا.
١٧ ... ونِّي إِوْثِينْ إِجدْجِيذنْ إِمقّْرَاننْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا،
١٨ ؤُشَا إِنْغَا إِجدْجِيذنْ إِجهْذنْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا.
١٩ عْقڒْ خْ سِيحُونْ، أَجدْجِيذْ ن إِمُورِييّنْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا،
٢٠ خْ عُوجْ، أَجدْجِيذْ ن بَاشَانْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا.
٢١ ثَامُّورْثْ نْسنْ إِوْشَا إِ-ت ذ ثَاسْغَارْثْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا،
٢٢ ذ ثَاسْغَارْثْ إِ ؤُمْسخَّارْ نّسْ إِسْرَائِيل،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا.
٢٣ إِذَارْ أَنغْ ذِي دّدْجْ نّغْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا.
٢٤ نتَّا إِكّسْ أَنغْ-د زڭْ إِفَاسّنْ
ن يِينِّي ذ أَنغْ إِحْصَارنْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا.
٢٥ نتَّا ذ ونِّي إِتِّيشنْ مَاشَّا
إِ مَارَّا إِمُودَّارنْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا.
٢٦ قَاذَامْ أَربِّي ن إِجنْوَانْ،
مَاغَارْ ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا.