100
1 إِزْڒِي ن ؤُقَاذِي.
أجّْ أَذْ ثدُّوقّزْ مَارَّا ثَامُّورْثْ
س ؤُسْڒِيوْڒوْ إِ سِيذِي.
2 سخَّارمْ إِ سِيذِي س ڒفْرَاحثْ،
أَسمْ-د زَّاثْ إِ وُوذمْ نّسْ س ؤُسْڒِيوْڒوْ.
3 سْنمْ، أَقَا سِيذِي ذ أَربِّي إِ يدْجَا.
نتَّا إِخْڒقْ أَنغْ-د
ؤُ نشِّينْ نّسْ إِ ندْجْ،
ڒْْڭنْسْ نّسْ ذ وُودْجِي ن ثَاروْسَا نّسْ.
4 أَذْفمْ ثِيوُّورَا نّسْ س ؤُقَاذِي،
ڒمْرَاحَاثْ نّسْ س إِزْڒَانْ ن ؤُصبّحْ،
قَاذَامْ ث، بَارْكمْ إِسمْ نّسْ.
5 مَاغَارْ سِيذِي ذ أَصبْحَانْ،
ثَامخْسِيوْثْ نّسْ إِشوَّارنْ
ثتّْغِيمَا إِ ڒبْذَا،
ڒَْامَانْ نّسْ زِي جِّيڒْ أَڒْ جِّيڒْ.