26
إِتّْوَاحْسبْ إِسْرَائِيل إِ ثْوَاڒَا وِيسّْ ثْنَاينْ
إِسِّيوڒْ سِيذِي أَكْ-ذ مُوسَا ذ أَلِيعَازَارْ، مِّيسْ ن هَارُونْ، أَكهَّانْ، إِنَّا:
”حسْبمْ مَارَّا ثَامسْمُونْثْ ن أَيْثْ ن إِسْرَائِيل، أَزدْجِيفْ أَزدْجِيفْ، زِي عِيشْڒِينْ ن إِسڭّْوُوسَا سنّجْ، أَمْ تّْوَاستّْفنْ نِيثْنِي عْلَاحْسَابْ ثَادَّارْثْ ن إِبَابَاثنْ نْسنْ، مَارَّا ونِّي د-إِتّفّْغنْ ذِي إِسْرَائِيل أَكْ-ذ ڒْعسْكَارْ.“ مُوسَا ذ أَلِيعَازَارْ، أَكهَّانْ، سِّيوْڒنْ أَكِيذْسنْ ذِي ڒوْضَاثْ ن مُوآبَ، غَارْ لْ-ؤُرْذُونْ أَرنْذَاذْ ن أَرِيحَا ؤُشَا نَّانْ: ”زِي عِيشْڒِينْ ن إِسڭّْوُوسَا سنّجْ!“ أَمْ مَامّشْ ث يُومُورْ سِيذِي إِ مُوسَا.
 
إِنَا ذ أَيْثْ ن إِسْرَائِيل نِّي ثُوغَا د-إِفّْغنْ زِي ثمُّورْثْ ن مِيصْرَا:
 
رُوبِينْ ثُوغَا ذ أَمنْزُو ن إِسْرَائِيل.
أَقَا إِنَا ذ إِحنْجِيرنْ ن رُوبِينْ: زِي حَانُوكْ ڒَادْجْ ن إِحَانُوكِييّنْ، زِي فَالُّو ڒَادْجْ ن إِفَالُّووِييّنْ،
زِي حَاصْرُونْ ڒَادْجْ ن إِحَاصْرُونِييّنْ، زِي كَارْمِي ڒَادْجْ ن إِكَارْمِييّنْ.
ثِينَا ثُوغَا ذ ڒَادْجَاثْ ن إِرُوبِينِييّنْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي ثْڒَاثَا ؤُ-ربْعِينْ-أَڒفْ ؤُ-سبْعَا-مْيَا ؤُ-ثْڒَاثِينْ ن يرْيَازنْ.
ثَارْوَا ن فَالُّو ثُوغَا أَثنْ: مْغِيرْ إِلِييَابْ.
ثُوغَا أَرَّاوْ ن إِلِييَابْ: نِيمُويِيلْ، ذَاثَانْ ذ أَبِيرَامْ. إِنَا، ذَاثَانْ ذ أَبِيرَامْ، ثُوغَا أَثنْ ذ إِمْڒَاغَانْ ن ثْمسْمُونْثْ إِنِّي إِغوّْغنْ ضِيدّْ إِ مُوسَا ذ هَارُونْ، جْمِيعْ أَكْ-ذ ؤُبَارُّو ن قُورَاحْ، ؤُمِيغوّْغنْ ضِيدّْ إِ سِيذِي.    10 ثَامُّورْثْ ثَارْزمْ أَقمُّومْ نّسْ ؤُشَا ثْسَارْضْ إِ-ثنْ، جْمِيعْ أَكْ-ذ قُورَاحْ، ڒَامِي إِمُّوثْ ؤُبَارُّو نِّي ؤُمِي ثِيمسِّي ثشَّا مِيثَاينْ ؤُ-خمْسِينْ ن يرْيَازنْ. ذوْڒنْ نِيثْنِي ذ إِجّْ ن وعْڒَامْ إِسِّيڭّْوِيذنْ. 11 مَاشَا إِحنْجِيرنْ ن قُورَاحْ وَارْ مُّوثنْ شَا.
 
12 إِنَا ثُوغَا ذ إِحنْجِيرنْ ن شِيمْعُونْ عْلَاحْسَابْ ڒَادْجَاثْ نْسنْ: زِي نِيمُويِيلْ إِقَّارْصْ ڒَادْجْ ن إِنِيمُويِيلِييّنْ، زِي يَامِينْ ڒَادْجْ ن إِيَامِينِييّنْ، زِي يَاكِينْ ڒَادْجْ ن إِيَاكِينِييّنْ، 13 زِي زَارَاحْ ڒَادْجْ ن إِزَارَاحِييّنْ، زِي شَاوُولْ ڒَادْجْ ن إِشَاوُولِييّنْ. 14 ثِينَا ثُوغَا ذ ڒَادْجَاثْ ن إِشِيمْعُونِييّنْ: ثْنَاينْ ؤُ-عِيشْرِينْ-أَڒفْ ؤُ-مِيثَايْنْ ن يرْيَازنْ.
 
15 إِنَا ثُوغَا ذ إِحنْجِيرنْ ن جَاذْ عْلَاحْسَابْ ڒَادْجَاثْ نْسنْ: زِي صِيفُونْ إِقَّارْصْ ڒَادْجْ ن إِصِيفُونِييّنْ، زِي حَاجِّي ڒَادْجْ ن إِحَاجِّيوِييّنْ، زِي شُونِي ڒَادْجْ ن إِشُونِييّنْ، 16 زِي ؤُزْنِي ڒَادْجْ ن إِيُوزْنِييّنْ، زِي عِيرِي ڒَادْجْ ن إِعِيرِييّنْ، 17 زِي أَرُوذْ ڒَادْجْ ن إِرُوذِييّنْ، زِي أَرِييِيلِي ڒَادْجْ ن إِرِييِيلِييّنْ. 18 ثِينَا ثُوغَا أَثنْثْ ذ ڒَادْجَاثْ ن جَاذْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي أَربْعِينْ-أَڒفْ ؤُ-خمْسَا-مْيَا.
 
19 أَيْثْ ن يَاهُوذَا ثُوغَا أَثنْ ذ عِيرْ ذ ؤُنَانْ. مَاشَا مُّوثنْ عِيرْ ذ ؤُنَانْ ذِي ثمُّورْثْ ن كنْعَانْ. 20 إِنَا ثُوغَا أَثنْ ذ إِحنْجِيرنْ ن يَاهُوذَا عْلَاحْسَابْ ڒَادْجَاثْ نْسنْ: زِي شَايْلَا إِقَّارْصْ ڒَادْجْ ن إِشِيلَايّنْ، زِي فَارِيصْ ڒَادْجْ ن إِفَارَاصِييّنْ، زِي زَارَاحْ ڒَادْجْ ن إِزَارَاحِييّنْ.
21 إِنَا ثُوغَا أَثنْ ذ إِحنْجِيرنْ ن فَارِيصْ: زِي حَاصْرُونْ إِقَّارْصْ ڒَادْجْ ن إِحَاصْرُونِييّنْ، زِي حَامُولْ ڒَادْجْ ن إِحَامُولِييّنْ. 22 ثِينَا ثُوغَا أَثنْثْ ذ ڒَادْجَاثْ ن يَاهُوذَا ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي ستَّا ؤُ-سبْعِينْ-أَڒفْ ؤُ-خمْسَا-مْيَا ن يرْيَازنْ.
 
23 إِنَا ثُوغَا أَثنْ ذ إِحنْجِيرنْ ن إِسَّاكَارْ عْلَاحْسَابْ ڒَادْجَاثْ نْسنْ: زِي ثُولَاعْ إِقَّارْصْ ڒَادْجْ ن إِثُولَاعِييّنْ، زِي بُووَا ڒَادْجْ ن إِپُووَانِييّنْ، 24 زِي يَاشُوبْ ڒَادْجْ ن إِيَاشُوبِييّنْ، زِي شِيمْرُونْ ڒَادْجْ ن إِشِيمْرُونِييّنْ. 25 ثِينَا ثُوغَا أَثنْثْ ذ ڒَادْجَاثْ ن إِسَّاكَارْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي أَربْعَا ؤُ-ستِّينْ-أَڒفْ ؤُ-ثڒْثْ-مْيَا ن يرْيَازنْ.
 
26 إِنَا ثُوغَا أَثنْ ذ إِحنْجِيرنْ ن زابُولُونْ عْلَاحْسَابْ ڒَادْجَاثْ نْسنْ: زِي سَارِيذْ إِقَّارْصْ ڒَادْجْ ن إِسَارِيذِييّنْ، زِي إِلُونْ ڒَادْجْ ن إِلُونِييّنْ، زِي يَاحْلِييِيلْ ڒَادْجْ ن إِيَاحْلِييِيلِييّنْ. 27 ثِينَا ثُوغَا أَثنْثْ ذ ڒَادْجَاثْ ن إِزابُولُونِييّنْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي ستِّينْ-أَڒفْ ؤُ-خمْسَا-مْيَا ن يرْيَازنْ.
 
28 إِنَا ثُوغَا أَثنْ ذ إِحنْجِيرنْ ن يُوسُوفْ عْلَاحْسَابْ ڒَادْجَاثْ نْسنْ: مَانَاسَّا ذ إِفْرَايِيمْ.
29 إِنَا ثُوغَا أَثنْ ذ إِحنْجِيرنْ ن مَانَاسَّا: زِي مَاكِيرْ إِقَّارْصْ ڒَادْجْ ن إِمَاكِيرِييّنْ. مَاكِيرْ يجّْ-د جِيلْعَاذْ. زِي جِيلْعَاذْ إِقَّارْصْ ڒَادْجْ ن إِجِيلْعَاذِييّنْ.
30 إِنَا ثُوغَا أَثنْ ذ إِحنْجِيرنْ ن جِيلْعَاذْ: زِي إِعَازَارْ إِقَّارْصْ ڒَادْجْ ن إِعَازَارِييّنْ، زِي حَالَاقْ ڒَادْجْ ن إِحَالَاقِييّنْ، 31 زِي أَسْرِييِيلْ ڒَادْجْ ن إِسْرِييِيلِييّنْ، زِي شَاكَامْ ڒَادْجْ ن إِشَاكَامِييّنْ، 32 زِي شِيمِيذَاعْ ڒَادْجْ ن إِشِيمْذَاعِييّنْ، زِي حَافَارْ ڒَادْجْ ن إِحَافَارِييّنْ.
33 صَالُوفْحَاذْ، مِّيسْ ن حَافَارْ، وَارْ ثُوغِي غَارسْ شَا إِحنْجِيرنْ، مْغِيرْ ثِيحنْجِيرِينْ. إِنَا ثُوغَا أَثنْ ذ إِسْمَاونْ ن يسِّيسْ ن صَالُوفْحَاذْ: مَاحْلَا، نُوعَا، حُوجْلَا، مِيلْكَا ذ ثِيرْصَا.
34 ثِينَا ثُوغَا أَثنْثْ ذ ڒَادْجَاثْ ن مَانَاسَّا ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي ثْنَاينْ ؤُ-خمْسِينْ-أَڒفْ ؤُ-سبْعَا-مْيَا ن يرْيَازنْ.
 
35 إِنَا ثُوغَا أَثنْ ذ إِحنْجِيرنْ ن إِفْرَايِيمْ، عْلَاحْسَابْ ڒَادْجَاثْ نْسنْ: زِي شُوثَالَاحْ إِقَّارْصْ ڒَادْجْ ن إِشُوثَالَاحِييّنْ، زِي بَاكَارْ ڒَادْجْ ن إِبَاكَارِييّنْ، زِي ثَاحَانْ ڒَادْجْ ن إِثَاحَانِييّنْ.
36 إِنَا ثُوغَا أَثنْ ذ إِحنْجِيرنْ ن شُوثَالَاحْ: زِي عِيرَانْ ڒَادْجْ ن إِعِيرَانِييّنْ.
37 ثِينَا ثُوغَا أَثنْثْ ذ ڒَادْجَاثْ ن وَارَّاونْ ن إِفْرَايِيمْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي ثْنَاينْ ؤُ-ثْڒَاثِينْ-أَڒفْ ؤُ-خمْسَا-مْيَا ن يرْيَازنْ.
إِنَا ثُوغَا أَثنْ ذ أَرَّاونْ ن يُوسُوفْ، تّْوَاستّْفنْ عْلَاحْسَابْ ڒَادْجَاثْ نْسنْ.
 
38 إِنَا ثُوغَا أَثنْ ذ إِحنْجِيرنْ ن بِينْيَامِينْ عْلَاحْسَابْ ڒَادْجَاثْ نْسنْ: زِي بِيلَاعْ إِقَّارْصْ ڒَادْجْ ن إِبِيلَاعِييّنْ، زِي أَشْبِيلْ ڒَادْجْ ن إِشْبِيلِييّنْ، زِي أَحِيرَامْ ڒَادْجْ ن إِحِيرَامِييّنْ، 39 زِي شَافُوفَامْ ڒَادْجْ ن إِشَافُوفَامِييّنْ، زِي حُوفَامْ ڒَادْجْ ن إِحُوفَامِييّنْ.
40 إِنَا ثُوغَا أَثنْ ذ إِحنْجِيرنْ ن بَالَاعْ: أَرْذْ ذ نُوعْمَانْ. زِي أَرْذْ إِقَّارْصْ ڒَادْجْ ن إِرْذِييّنْ، زِي نُوعْمَانْ ڒَادْجْ ن إِنُوعْمَانِييّنْ.
41 إِنَا ثُوغَا أَثنْ ذ إِحنْجِيرنْ ن بِينْيَامِينْ، عْلَاحْسَابْ ڒَادْجَاثْ نْسنْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي خمْسَا ؤُ-ربْعِينْ-أَڒفْ ؤُ-ستَّا-مْيَا ن يرْيَازنْ.
 
42 إِنَا ثُوغَا أَثنْ ذ إِحنْجِيرنْ ن ذَانْ عْلَاحْسَابْ ڒَادْجَاثْ نْسنْ: زِي شُوحَامْ إِقَّارْصْ ڒَادْجْ ن إِشُوحَامِييّنْ. ثِينَا ثُوغَا ذ ڒَادْجَاثْ ن ذَانْ، تّْوَاستّْفنْثْ عْلَاحْسَابْ ڒَادْجَاثْ نْسنْ.
43 مَارَّا ڒَادْجَاثْ ن إِشُوحَامِييّنْ، أَقَا إِنِّي زَّايْسنْ إِتّْوَاحسْبنْ ثُوغَا أَثنْ ذِي أَربْعَا ؤُ-ستِّينْ-أَڒفْ ؤُ-أَربْعَا-مْيَا ن يرْيَازنْ.
 
44 إِنَا ثُوغَا أَثنْ ذ إِحنْجِيرنْ ن أَشِيرْ عْلَاحْسَابْ ڒَادْجَاثْ نْسنْ: زِي يِيمْنَا إِقَّارْصْ ڒَادْجْ ن إِيِيمْنِييّنْ، زِي يِيشْوِي ڒَادْجْ ن إِيِيشْوِييّنْ، زِي برِيعَا ڒَادْجْ ن إِبَارِيعِييّنْ.
45 إِنَا ثُوغَا أَثنْ ذ إِحنْجِيرنْ ن برِيعَا: زِي حَابِيرْ إِقَّارْصْ ڒَادْجْ ن إِحَابِيرِييّنْ، زِي مَالْكِييِيلْ ڒَادْجْ ن إِمَالْكِييِيلِييّنْ. 46 إِسمْ ن يدْجِيسْ ن أَشِيرْ ثُوغَا-ت ذ سَارَاحْ.
47 إِنَا ثُوغَا أَثنْ ذ إِحنْجِيرنْ ن أَشِيرْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي ثْڒَاثَا ؤُ-خمْسِينْ-أَڒفْ ؤُ-أَربْعَا-مْيَا ن يرْيَازنْ.
 
48 إِنَا ثُوغَا أَثنْ ذ إِحنْجِيرنْ ن نَافْثَالِي عْلَاحْسَابْ ڒَادْجَاثْ نْسنْ: زِي يَاحَاسْيِيلْ إِقَّارْصْ ڒَادْجْ ن إِيَاحَاسْلِييّنْ، زِي جُونِي ڒَادْجْ ن إِجُونِييّنْ، 49 زِي يَاصِيرْ ڒَادْجْ ن إِيَاصِيرِييّنْ، زِي شِيلِّيمْ ڒَادْجْ ن إِشِيلِّيمِييّنْ.
50 ثِينَا ثُوغَا أَثنْثْ ذ ڒَادْجَاثْ ن نَافْثَالِي، عْلَاحْسَابْ ڒَادْجَاثْ نْسنْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي خمْسَا ؤُ-ربْعِينْ أَڒَافْ ؤُ-أَربْعَا-مْيَا ن يرْيَازنْ.
 
51 إِنَا ذ إِنِّي إِتّْوَاحسْبنْ زڭْ أَيْثْ ن إِسْرَائِيل: ستَّا-مْيَا ؤُ-وَاحِيثْ-أَڒفْ ؤُ-سبْعَا-مْيَا ؤُ-ثْڒَاثِينْ ن يرْيَازنْ.
 
52 إِسِّيوڒْ سِيذِي أَكْ-ذ مُوسَا، إِنَّا:
53 ”جَارْ إِنَا أَذْ ثتّْوَابْضَا ثمُّورْثْ ذ ڒْوَارْثْ، عْلَاحْسَابْ ڒْقدّْ ن إِسْمَاونْ نْسنْ. 54 إِ ونِّي ؤُمِي غَارْ إِدْجَا أَطَّاسْ ن إِوْذَانْ، أَذْ ثوْشذْ كْثَارْ ذ ڒْوَارْثْ ؤُشَا إِ ونِّي ؤُمِي غَارْ إِدْجَا ذْرُوسْ ن إِوْذَانْ، أَذْ ثوْشذْ قلّْ ذ ڒْوَارْثْ. كُوڒْ إِجّنْ عْلَاحْسَابْ إِنِّي إِتّْوَاحسْبنْ أَذْ أَسْ ثمّوْشْ ثَاسْغَارْثْ نّسْ. 55 ثَامُّورْثْ أَذْ ثتّْوَابْضَا س ثْقدُّوحْثْ. نِيثْنِي أَذْ وَارْثنْ عْلَاحْسَابْ إِسْمَاونْ ن ثْقبَّاڒْ ن ڒجْذُوذْ نْسنْ. 56 أَذْ ثتّْوَابْضَا ثسْغَارْثْ ن كُوڒْ إِجّْ س ثْقدُّوحْثْ جَارْ إِنِّي إِدْجَانْ س وَاطَّاسْ ذ إِنِّي إِدْجَانْ ذْرُوسْ.“
 
57 إِنَا ثُوغَا أَثنْ ذ إِنِّي إِتّْوَاحسْبنْ زِي لَاوِي عْلَاحْسَابْ ڒَادْجَاثْ نْسنْ: زِي جَارْشُونْ ڒَادْجْ ن إِجَارْشُونِييّنْ، زِي قَاهَاثْ ڒَادْجْ ن إِقَاهَاثِييّنْ، زِي مَارَارِي ڒَادْجْ ن إِمَارَارِييّنْ. 58 ثُوغَا ثِينَا ذ ڒَادْجَاثْ ن إِلَاوِييّنْ: ڒَادْجْ ن إِلِيبْنِييّنْ، ڒَادْجْ ن إِحِيبْرُونِييّنْ، ڒَادْجْ ن إِمَاهْلِييّنْ، ڒَادْجْ ن إِمُوشِييّنْ، ڒَادْجْ ن إِقُورَاحِييّنْ. ؤُشَا قَاهَاثْ يجّْ-د عَامْرَامْ. 59 ثَامْغَارْثْ ن عَامْرَامْ قَّارنْثْ أَسْ جُوكَابَاذْ، يدْجِيسْ ن لَاوِي، ثنِّي د-إِتّْوَارْونْ إِ لَاوِي ذِي مِيصْرَا. ذ نتَّاثْ ثُورُووْ-د هَارُونْ ذ مُوسَا ذ مَارْيَامْ، ؤُتْشْمَاثْسنْ، إِ عَامْرَامْ. 60 إِ هَارُونْ تّْوَارْونْ أَسْ-د نَاذَابْ ذ أَبِيهُو، أَلِيعَازَارْ ذ إِثَامَارْ. 61 مَاشَا نَاذَابْ ذ أَبِيهُو مُّوثنْ، ؤُمِي د-إِوْينْ ثِيمسِّي ثَاغْرِيبْثْ زَّاثْ إِ وُوذمْ ن سِيذِي. 62 إِنِّي زَّايْسنْ إِتّْوَاحسْبنْ، زڭْ إِلَاوِييّنْ، مَارَّا إِوثْمَانْ ن إِجّْ ن ؤُيُورْ سنّجْ، ثُوغَا أَثنْ ذِي ثْڒَاثَا ؤُ-عِيشْرِينْ-أَڒفْ. إِنَا مَاشَا وَارْ تّْوَاحسْبنْ شَا أَكْ-ذ أَيْثْ ن إِسْرَائِيل، مِينْزِي وَارْ ذ أَسنْ ثمّوْشْ ثسْغَارْثْ ذ ڒْوَارْثْ جَارْ أَيْثْ ن إِسْرَائِيل.
 
63 إِنَا ثُوغَا أَثنْ ذ إِنِّي إِتّْوَاحسْبنْ س ؤُفُوسْ ن مُوسَا ذ أَلِيعَازَارْ، أَكهَّانْ. نِيثْنِي حسْبنْ أَيْثْ ن إِسْرَائِيل ذِي ڒوْضَاثْ ن مُوآبَ، غَارْ لْ-ؤُرْذُونْ أَرنْذَاذْ ن أَرِيحَا. 64 وَارْ ثُوغِي جَارْ أَسنْ ؤُڒَا ذ إِجّْ زڭْ إِنِّي إِتّْوَاحسْبنْ ن مُوسَا ذ هَارُونْ، أَكهَّانْ، ؤُمِي حسْبنْ نِيثْنِي أَيْثْ ن إِسْرَائِيل ذِي ڒخْڒَا ن سِينَا. 65 مِينْزِي خَاسنْ ثُوغَا إِنَّا سِيذِي أَذْ مّْثنْ س ثِيذتّْ ذِي ڒخْڒَا. وَارْ زَّايْسنْ إِقِّيمْ ؤُڒَا ذ إِجّْ، مْغِيرْ كَالِيبْ، مِّيسْ ن يَافُونِّي، ذ يَاشُووَا، مِّيسْ ن نُونْ.
 
 
26:2 ڒخْڒ. 1‏:‏3 26:4 ڒخْڒ. 1‏:‏1، 2، 3 26:5 أَمز. 46‏:‏9؛ ؤُف. 6‏:‏14؛ 1 إِم. 5‏:‏1 26:9 ’إِمْڒَاغَانْ‘ - إِخْسْ أَذْ يِينْ ’إِنِّي إِتّْوَاڒَاغَانْ‘. 26:9 ڒخْڒ. 16‏:‏12 26:19 أَمز. 38‏:‏7، 10؛ 46‏:‏12 26:21 أَمز. 46‏:‏12 26:29 ياش. 17‏:‏1 26:33 ڒخْڒ. 27‏:‏1 26:54 ڒخْڒ. 33‏:‏54 26:55 ڒخْڒ. 33‏:‏54؛ ياش. 11‏:‏23؛ 14‏:‏2 26:57 ؤُف. 6‏:‏17، 18، 19، 20 26:59 ؤُف. 2‏:‏1، 2؛ 6‏:‏19 26:61 لَاوِي 10‏:‏2؛ ڒخْڒ. 3‏:‏4؛ 1 إِم. 24‏:‏2 26:65 ڒخْڒ. 14‏:‏28، 29، 34، 35؛ 1 كُور. 10‏:‏5، 6