٤
١ ”ذڭْ وَاسّْ نِّي أَذْ شبَّارنْثْ سبْعَا ن ثمْغَارِينْ ذڭْ إِجّْ ن ورْيَازْ، أَذْ قَّارنْثْ: ’نشِّينْ أَذْ نشّْ أَغْرُومْ نّغْ ؤُ أَذْ نسّْيَارْضْ إِخفْ نّغْ، أجّْ أَنغْ أَذْ نكْسِي إِسمْ نّشْ وَاهَا، كْسِي ڒفْضِيحثْ خَانغْ.‘ “
٢ ”ذڭْ وَاسّْ نِّي أَذْ إِذْوڒْ ؤُغدُّو ن سِيذِي ذ ثلْوِيزْثْ إِشوَّارنْ، ؤُ ڒْْغِيدْجثْ ن ثمُّورْثْ ذ ڒْْعزّْ ذ ؤُشوَّارْ إِ مِينْ إِنّجْمنْ ن إِسْرَائِيل.
٣ مِينْ إِقِّيمنْ ن صِيهْيُونْ ذ ونِّي إِقِّيمنْ ذِي ؤُرْشَالِيمْ عَاذْ، أَذْ أَسنْ إِنِينْ: ’ذ أَمْقدَّاسْ!‘، كُوڒْ إِجّْ ذِي ؤُرْشَالِيمْ ونِّي إِتّْوَازمّمنْ إِ ثُوذَارْثْ.
٤ خْمِي غَا إِسِّيرْذْ سِيذِي ڒخْمجْ ن يسِّيسْ ن صِيهْيُونْ ؤُ أَذْ إِسْرِيرْ زِي ڒْوسْثْ ن ؤُرْشَالِيمْ إِذَامّنْ س أَرُّوحْ ن ڒحْكَامْ ؤُ س أَرُّوحْ إِشمّْضنْ،
٥ خنِّي أَذْ إِڭّْ سِيذِي ذڭْ ؤُزِيڒْ إِجّْ ن ؤُسيْنُو خْ مَارَّا ثَازذِّيغْثْ خْ وذْرَارْ ن صِيهْيُونْ ؤُ خْ ثْمسْمُونِينْ نّسْ ؤُ س دْجِيڒثْ دّخَّانْ ذ ثِيسِّيقْثْ ن ثْمسِّي إِتّْشعْشِيعنْ، مَاغَارْ ثِيوَا مَارَّا مِينْ إِعُودْجنْ أَذْ ثِيڒِي ثْقِيذُونْثْ إِ ؤُذُورِّي ن ثسْڒِيثْ.
٦ أَذْ يِيڒِي ؤُعِيشُّو إِ ثِيڒِي س ؤُزِيڒْ زِي ڒحْمُو ؤُ إِ ومْشَانْ ن ثَاروْڒَا ذ ؤُذُورِّي زِي ڒْْحمْڒثْ ذ ونْژَارْ.“