129
Tayta Dios salbacoj cashan
Jerusalenman aywar cantashan alabansa.
1 Fiyupa ñacarmi goyashcä mösu cashäpita-pacha.
Israelcuna mä niy:
2 Fiyupa ñacarmi goyashcä mösu cashäpita-pacha.
Ichanga chiquimajcuna manami binsimashachu.
3 Chiquimajcuna astimar wajtäta rachisha.
Camillunta chutashanörämi garäcunapis rawaychasha quëdasha.
4 Tayta Diosmi ichanga alli juez.
Chaymi payga fiyu runacunapa maquinpita salbamasha.
5 Jerusalenta chiquejcunaga binsisha cashpan pengay-tucusha quiquincuna gueshpichun.
6 Wasi janan tëjacunacho usyawan guewa wañuytajno ushacächun.
7 Chay runacunaga cachun runa rïguta rutuptin
maquipis mana charishanno, manana cäsupashanno.
8 Chay runacunataga ama pipis nichunchu: «Tayta Dios yanapaycushunqui.
Tayta Dios bindisyunta goycushunqui» nir.