127
Llapanpis Tayta Diosllapita chayamushan
Jerusalenman aywar cantashan alabansa. Salomón isquirbishan.
1 Tayta Dios wasita mana jatarachiptenga
yangami wasi arojcuna arushanpis.
Siudäta Tayta Dios mana täpaptenga
yangami täpajcuna täpashanpis.
2 Yangami pacha warashanpita pacha chacänancamapis micunallanpaj arun.
Tayta Diosmi ichanga payman yäracojta alli puñuyta tarichin.
3 Wamranchïcunaga yurin
Tayta Diosninchi alli bindisyunta gomaptinchïmi.
4 Mösu caycashallaraj wamranchi yurejcunaga
caycan jinyu suldärupa lëchancunanömi.
5 Chayno achca wamrayoj runaga canga cushishami.
Chauraga chiquejcunapis manami pengacachengachu autoridäcunaman chayaptin.