54
Kapakap en Silasil sang Imwintihti kan
1 Maing Koht, komw ketin doarehkiniehla sapwelimomwi manaman;
komw ketin kasaledekehkiniehla sapwellimomwi manaman!
2 Maing Koht, komw ketin karonge ei kapakap;
komw ketin karonge ei tungoal pato kat!
3 Aramas aklapalap ekei kohkohdohng peiong ie;
aramas lemei kan songosong en kemeiehla—
soangen aramas me sohte kin wauneki Koht.
4 Ahpw Koht iei sawasepei.
Kaun-o iei soundoarepei.
5 Koht en ketin kupwure pwe ei imwintihti kan en lokolongki pein ar wiewia suwed kan.
E pahn ketin kamwomwirailla pwehki ih me loalopwoat.
6 Maing KAUN, I pahn patohwan perenki wiahiong komwi ehu meirongen;
I pahn patohwan kapingkalahngankihong komwi
pwehki omwi kupwur mwahu.
7 Komwi me ketin kapitiehla sang nan ei apwal akan koaros,
oh I patohwanehr duwen ei imwintihti kan ar lohdier.