1 KOMAIL kalaka, pwe komail der kijakij janjal mon aramaj, pwe ren udial; pwe ede jota pwain omail ren Jam omail, me kotikot nanlan. 2 Ari, koe lao kijakij, ede peuk jaui mo om, duen me malaun akan kin wia nan jinakoke kan o nani al akan, pwe ren indand ren aramaj. Melel I indai on komail, re aleer arail pwain. 3 A koe lao kijakij, der kajale on pali main om, me pali maun om kin wiada. 4 Pwe om kijakij enrir; a Jam om, me kin majani waja rir, pan kotin katini uk. 5 Koe lao wia kapakap, koe der raj on me malaun akan, pwe re men kapakap nan jinakoke kan, o nani al akan, pwe ren janjal mon aramaj. Melel I indai on komail, re aleer arail pwain. 6 A koe lao wia kapakap, ko on nan om pera, a koe lao ritinidier wanim o, ap kapakap on Jam om, me kotikot waja rir, a Jam om, me kin majani waja rir, pan kotin katini uk. 7 Komail lao kapakap, komail depa purepur on lokaia mal, duen men liki kan, pwe re kiki on, me re pan pwai kida ar lokaia toto. 8 Komail ari ender dueta irail, pwe Jam omail kotin mani meakan, me mau on komail, mon omail poeki re a. 9 A iet duen omail pan win kapakap: Jam at, me kotikot nanlan. Mar omui en jaraui 10 Wei omui en pwaida. Kupur omui en wiaui jappa dueta nanlan. 11 Kotikido ran wet at tunol kaukaule. 12 Lapwa jan kit dip at, dueta kit me kin lapwada koroj, me wia dipi on kit. 13 Eder kaluan kit ren me katikatiamau kan, a nekid kit jan ni me jued akan, 14 Pwe ma komail pan makeki on aramaj dip ar akan, Jam omail nanlan pan pil makeki on komail. 15 A ma komail jota pan makeki on aramaj dip ar akan, nan Jam omail jota pil pan makeki on komail dip omail akan. 16 Komail lao kaijejol, eder maj en jan duen me malaun akan, pwe re kin kawukila maj arail, pwe aramas en likan arail kaijejol. Melel I indai on komail, re aleer arial pwain. 17 a koe lao kaijejol, ujor inon om o opinok. 18 Pwe koe dor kajale on aramaj om kaijejol, a on Jam om, mi kotikot waja rir, a Jam om, me kin majani nan waja rir, pan kotin katini uk. 19 Komail der ki pena omail pai kan nin jappa, waja man en mot o mir pan kawela ia, o men pirap kin weirada o pirapala. 20 A komail ki pena omail pai kan nanlan, waja man en mot de mir jota pan kawela, o men pirap jota kin weirada de pirapala. 21 Pwe waja om pai mia ia, iei waja monion om kin pil mia ia. 22 Por en maj iei marain en pali war. Ari, ma maj om makelekel, war om karoj pan dir en marain; 23 A ma maj om me jued, war om karoj pan dir en rotorot. A ma marain, me mi lol om, pan rotorot, daduen wan rotorot! 24 Jota amen me pan kak papa jaumaj riamen, pwe a pan kailonki amen, ap pok on me teio, de a pan kajampwaleki amen, ap mamaleki me teio. Komail jota pan kak papa Kot o mamon. 25 I me I indaiki on komail: Eder nononki on maur omail, me komail pan kan o me komail pan nim, pil jota on war omail, me komail pan likau kida. Pwe maur jo kajampwal jan kijin mana, o pali war jan likau? 26 Kalelapok on manpir pan Ian; re jote, kin kamoredi, re join kin dolun, re jota kin nak pena; ari jo, Jam omail nanlan kotin kamakamana irail; a ia duen, komail jo kajampwal jan irail? 27 A ij nan pun omail, ni a nonki, me pan kak uje pajan pein i ki tipon en pa eu? 28 O menda komail nonki likau? Kalelapok on kiop akan, me mi nan jap, duen ar kakairida. Re jota kin dodok o jota monkol pena. 29 A I indai on komail: Nan Jalomo ni a linan karoj jota a likau dueta apot irail. 30 Ari, ma iduen Kot kotin kapwataki dip, me mi nan jap, me kin mi ran wet, a lakap pan lokidokila nan kijiniai, dadue a jota pan kotin kalikauwi komail da, me pojon tikitik? 31 I me komail der nononki indinda: Da me je pan kan? De da me je pan nim? De da me je pan likau kida? 32 Pwe mepukat men liki kan kin raparapaki; pwe Jam omail nanlan kotin mani, me mepukat karoj mau on komail. 33 Rapaki maj wein Kot o a pun, a mepukat karoj pan poujelan komail. 34 Eder nonki on lakap; pwe lakap pan nonki on pein i; a itar on ran eu pein a jued.