3
1 A IADUEN kit pil kaindan deki pein kit? De nai me mau on kijin likau en kapin on komail de jan komail?
2 At kijin likau komail, me intinidi on nan monion it, me aramaj akan karoj kin aja o wadok.
3 Pwe komail janjaleda, me komail kijin likau en Krijtuj, me wiauier re at ni at papa, me kaidin intinidier ki ink, a Nen en Kot ieiaj; pil kaidin pon jlet takai, pwe jlet uduken en monion akan.
4 lel atail kaporoporeki Krijtuj mon Kot.
5 Pwe kaidin udan at koiok, me je kak lamelameki meakot, me tapi jan pein kit, pwe at koiok tapi jan ren Kot,
6 Me pil kotin kaiane kin kit, en papa en inau kap kaidin inau, me intinidier, a inau en nen. Pwe intin kin kamela, a nen kin kotin kamaureda.
7 A ma dodok en mela, me intinidier nan pali en takai, me linan, pwe jeri en Ijrael akan jota kak kilan jilan en Mojej, pweki linan en jilan i, a linan wet eu, me pan joredi,
8 Daduen, dodok en nen a jota pan linan jikida jan?
9 Ari, ma dodok en kadeik o me linan, nan melel kaualap, dodok en pun me lman melel.
10 Pwe men moa me kalinanadar jota kak paroki on linan wet.
11 A ma linan mia ren me pan jorela, iaduen wan linan en me pan mimieta!
12 Ni at kaporoporeki mepukat, kit kin aima melel.
13 O kaidin dueta Mojej, me pera kila likau eu jilan i, pwe jeri en Ijrael akan ender kilan imwi en me pan nikila.
14 A monion arail me kapitakailar. Pwe lao lel ran wet pera o mimieta anjaun ar wadawadok inau marin; ari, pera o me jaroka janer ren Krijtuj.
15 A lao lel ran wet ni arail wadawadok Mojej, pera mimieta mon monion arail.
16 A ma re pan wuki on Kaun o, pera o pan jaroka jan.
17 Kaun o iei Nen, a waja me Nen en Kaun kotikot ia, nan i wajan maio.
18 A kitail karoj, me maj atail jo perapa, kin ududial linan en Kaun o, ap wuki on ni mom ota o kakairida ni linan pweki Kaun iei Nen.