Es 6. Gabiddel.
Di Nohch-Kummashaft Fumm Levi
1 Em Levi sei boova voahra da Gerson, da Kahath un da Merari.
2 Em Kahath sei boova voahra da Amram, da Jizhar, da Hebron un da Usiel.
3 Em Amram sei kinnah voahra da Aaron, da Mosi un di Miriam. Em Aaron sei boova voahra da Nadab, da Abihu, da Eleasar un da Ithamar.
4 Da Eleasar voah em Pinehas sei daett, un da Pinehas voah em Abisua sei daett.
5 Da Abisua voah em Bukki sei daett, un da Bukki voah em Usi sei daett.
6 Da Usi voah em Serahia sei daett, un da Serahia voah em Meraioth sei daett.
7 Da Meraioth voah em Amaria sei daett, un da Amaria voah em Ahitob sei daett.
8 Da Ahitob voah em Zadok sei daett, un da Zadok voah em Ahimaaz sei daett.
9 Da Ahimaaz voah em Asaria sei daett, un da Asaria voah em Johanan sei daett.
10 Da Johanan voah em Asaria sei daett. (Eah voah da preeshtah es gedeend hott im tempel es da Solomon gebaut hott in Jerusalem.)
11 Da Asaria voah em Amaria sei daett, un da Amaria voah em Ahitob sei daett.
12 Da Ahitob voah em Zadok sei daett, un da Zadok voah em Sallum sei daett.
13 Da Sallum voah em Hilkia sei daett, un da Hilkia voah em Asaria sei daett.
14 Da Asaria voah em Seraia sei daett, un da Seraia voah em Jozadak sei daett.
15 Da Jozadak voah vekk kfiaht mitt di kfangana vo da Hah Juda un Jerusalem vekk kfiaht hott beim Nebukadnezar.
16 Em Levi sei boova voahra da Gerson, da Kahath un da Merari.
17 Dess sinn di nayma fumm Gerson sei boova: Libni un Simei.
18 Em Kahath sei boova voahra da Amram, da Jizhar, da Hebron un da Usiel.
19 Em Merari sei boova voahra da Maheli un da Musi. Sell sinn di kshlechtah funn di Lefiddah bei iahra feddah.
20 Di nayma fumm Gerson sei nohch-kummashaft voahra: Libni, un sei boo voah da Jahath, un sei boo voah da Simma,
21 un sei boo voah da Joah, un sei boo voah da Iddo, un sei boo voah da Serah, un sei boo voah da Jeathrai.
22 Em Kahath sei nohch-kummashaft voahra da Amminadab, un sei boo voah da Korah, un sei boo voah da Assir,
23 un sei boo voah da Elkana, un sei boo voah da Abiasaph, un sei boo voah da Assir,
24 un sei boo voah da Thahath, un sei boo voah da Uriel, un sei boo voah da Usia, un sei boo voah da Saul.
25 Da Elkana hott zvay boova katt, da Amasai un da Ahimoth.
26 Em Ahimoth sei boo voah da Elkana, un sei boo voah da Zoph, un sei boo voah da Nahath,
27 un sei boo voah da Eliab, un si boo voah da Jeroham, un sei boo voah da Elkana.
28 Em Samuel sei zvay boova voahra da Basni, da eahsht, un da Abia, da zvett.
29 Em Merari sei nohch-kummashaft voahra da Maheli, un sei boo voah da Libni, un sei boo voah da Simei, un sei boo voah da Usa,
30 un sei boo voah da Simea, un sei boo voah da Haggia, un sei boo voah da Asaia.
Di Tempel Singah
31 Dess sinn selli es da Dawfit eiksetzt hott fa ivvah's singes sei im Hah sei haus noch demm es di Bundes-Lawt datt groot hott.
32 Un si henn gedeend bei singa fannich di lawt iahra voon-blatz es da fasamling-tent voah, biss da Solomon da tempel fumm Hah gebaut katt hott in Jerusalem. Si henn iahra deensht ausgedrawwa so vi's ausglaykt voah fa si.
33 Dess sinn selli es gedeend henn mitt iahra boova: funn di Kahathiddah voah's da Heman, da singah, es em Joel sei boo voah, es em Samuel sei boo voah,
34 es em Elkana sei boo voah, es em Jerobeam sei boo voah, es em Eliel sei boo voah, es em Thoah sei boo voah,
35 es em Zuph sei boo voah, es em Elkana sei boo voah, es em Mahath sei boo voah, es em Amasai sei boo voah,
36 es em Elkana sei boo voah, es em Joel sei boo voah, es em Asaria sei boo voah, es em Zephania sei boo voah,
37 es em Thahath sei boo voah, es em Assir sei boo voah, es em Abiasaph sei boo voah, es em Korah sei boo voah,
38 es em Jizhar sei boo voah, es em Kahath sei boo voah, es em Levi sei boo voah, es em Israel sei boo voah.
39 Em Heman sei helfah voah sei broodah da Asaph, es an sei rechtsi hand voah. Dess voah da Asaph es em Berech sei boo voah, es em Simea sei boo voah,
40 es em Michael sei boo voah, es em Baeseia sei boo voah, es em Malchia sei boo voah,
41 es em Athni sei boo voah, es em Serah sei boo voah, es em Adaia sei boo voah,
42 es em Ethan sei boo voah, es em Simma sei boo voah, es em Simei sei boo voah,
43 es em Jahath sei boo voah, es em Gerson sei boo voah, un es em Levi sei boo voah.
44 Un uf sei lingsi hand voahra iahra freindshaft, em Merari sei kinnah; naymlich, da Ethan, em Kusi sei boo, es em Addi sei boo voah, es em Malluch sei boo voah,
45 es em Hasabia sei boo voah, es em Amazia sei boo voah, es em Hilkia sei boo voah,
46 es em Amzi sei boo voah, es em Bani sei boo voah, es em Semer sei boo voah,
47 es em Maheli sei boo voah, es em Musi sei boo voah, es em Merari sei boo voah, un es em Levi sei boo voah.
48 Iahra breedah, di Lefiddah, voahra da deensht gevva fa awl di eahvet du es zu du katt hott im vohnung, dess is, Gott sei haus.
49 Avvah da Aaron un sei boova voahra da deensht gevva fa opfahra macha uf em brand-opfah awldah un uf em insens-awldah mitt alles es zu du katt hott im Alli-Heilichshta-Blatz. Si henn fridda gmacht fa Israel mitt Gott, so vi da Mosi, Gott sei gnecht, gebodda katt hott.
50 Dess voahra di nayma fumm Aaron sei nohch-kummashaft: da Eleasar, un sei boo voah da Pinehas, un sei boo voah da Abisua,
51 un sei boo voah da Bukki, un sei boo voah da Usi, un sei boo voah da Serahia,
52 un sei boo voah da Meraioth, un sei boo voah da Amaria, un sei boo voah da Ahitob,
53 un sei boo voah da Zadok un sei boo voah da Ahimaaz.
54 Dess voahra di voon-bletz in iahra lendah es gevva voahra zumm Aaron sei nohch-kummashaft es funn di Kahathiddah kshlecht voahra. Es eahsht lohs voah gezowwa fa si.
55 Hebron im land Juda voah gevva zu eena, un aw's vayt-land drumm rumm.
56 Avvah di feldah un shtetlen grawt um di shtatt rumm voahra gevva zumm Kaleb, em Jephunne sei boo.
57 So di frei-shtatt Hebron voah gevva zumm Aaron sei nohch-kummashaft, un aw Libna mitt iahra vayt-land, un Jatthir, un Esthemoa mitt iahra vayt-land,
58 Hilen, Debir,
59 Asan, un Beth-Semes mitt iahra vayt-lendah.
60 Funn di shtamm fumm Benjamin henn si dee shtett grikt: Geba, Alemeth, Anathoth mitt em vayt-land. So voahra's dreitzay shtett unnich iahra kshlechtah.
61 Di ivvahricha fumm Kahath sei kinnah voahra zeyya shtett gevva deich's lohs funn di shtamma fumm Ephraim, Dan un di halb-shtamm fumm Manasse.
62 Em Gerson sei nohch-kummashaft, kshlecht bei kshlecht, hott dreitzay shtett grikt funn di shtamma fumm Isachar, Asser, Naphthali un em Manasse in Basan.
63 Em Merari sei nohch-kummashaft, kshlecht bei kshlecht, hott zvelf shtett grikt funn di shtamma fumm Ruben, Gad un em Sebulon.
64 So henn di Israeliddah selli shtett un iahra vayt-lendah gevva zu di Lefiddah.
65 Deich's lohs henn si di shtett es shund gnohmd sinn gevva aus di kshlechtah fumm Juda, Simeon un em Benjamin.
66 Dayl funn di Kahathiddah kshlechtah henn land un shtett grikt fumm Ephraim sei shtamm.
67 Aus em hivvel-land fumm Ephraim voahra si dee shtett gevva: di frei-shtatt Sichem, Geser,
68 Jokmeam, Beth-Horon,
69 Ajalon, un Gath-Rimmon mitt iahra vayt-lendah.
70 Un aus di halb-shtamm fumm Manasse henn di ivvahricha funn di Kahathiddah di shtett Aner un Bileam gevva, mitt iahra vayt-lendah.
71 Di Gersoniddah henn dee shtett grikt: Aus di halb-shtamm fumm Manasse, Golan in Basan un Astharoth mitt iahra vayt-lendah.
72 Aus di shtamm fumm Isachar henn si dee shtett grikt: Kedes, Dabrath,
73 Ramoth un Anem mitt iahra vayt-lendah.
74 Aus di shtamm fumm Asser henn si dee shtett grikt: Masal, Abdon,
75 Hukok un Rehob mitt iahra vayt-lendah.
76 Aus di shtamm fumm Naphthali henn si dee shtett grikt: Kedes in Galilaya, Hammon un Kiriathaim mitt iahra vayt-lendah.
77 Di Merariddah, di ivvahricha Lefiddah, henn dee shtett grikt aus di shtamm fumm Sebulon: Rimono un Thabor mitt iahra vayt-lendah.
78 Aus di shtamm fumm Ruben ivvah'm Jordan Revvah, east funn Jericho, henn si dee shtett grikt: Bezer in di vildahnis, Jahza,
79 Kedemoth un Mephaath mitt iahra vayt-lendah.
80 Aus di shtamm fumm Gad henn si dee shtett grikt: Ramoth in Gilead, Mahanaim,
81 Hesbon un Jaser mitt iahra vayt-lendah.