Da 87. Psalm.
Lohb Un Preis Ivvah Di Shtatt Funn Gott
En Psaltah-Leet funn di kinnah fumm Korah.
1 Da Hah hott sei shtatt gebaut uf em heilicha hivvel.
2 Da Hah hott di doahra funn Zion oahrich leeb,
may es awl di voon-bletz fumm Jakob.
3 Hallichi sacha vadda kshvetzt veyyich diah,
oh shtatt funn Gott:
(Sela)
4 “Ich zayl Egypta un Babylon mitt selli es mich kenna,
un aw Philishtia, Tyrus un Ethiopia—
Si sawwa, ‘Deah do voah datt geboahra.’ ”
5 Un veyyich Zion vatt's ksawt,
“Deah un sellah voah datt geboahra,
un da Alli-Haychsht selvaht baut di shtatt uf.”
6 Da Hah zayld di leit vi eah si uf shreibt,
un sawkt, “Deah do voah datt geboahra.”
(Sela)
7 No doon awl di singah un dansah singa,
“Awl mei frayt kumd funn Zion.”