Da 15. Psalm.
Vass Gott Frohkt Fumm Mensh
En Psalm fumm Dawfit.
1 Oh Hah, veah dauf in deim tent voona?
Veah dauf uf deim heilicha hivvel voona?
2 Sellah es unshuldich is,
un dutt vass recht is.
Sellah es di voahret sawkt fumm hatz.
3 Eah drawkt kenn kshvetz mitt sei zung,
un dutt nix letzes geyyich sei nochbah,
un gebt sei freind kenn shlechtah nohma.
4 Eah gukt nunnah uf di gottlohsa,
avvah eah gebt eah zu selli es da Hah firchta.
Eah hald sei vatt,
even vann's eem selvaht vay dutt.
5 Eah laynd sei geld naus unni indressa,
un nemd kenn geld hinna rumm
fa shvetza geyyich di unshuldicha.
Veah-evvah es dee sacha dutt
zayld nee nett vekk falla.