Da 123. Psalm.
En Gebayt Fa Bamhatzichkeit
En leet fa ksunga sei uf em vayk nuff an Jerusalem.
1 Ich hayb mei awwa nuff zu diah,
zu diah es uf em kaynich-shtool hokt im himmel.
2 Gukket moll, vi di gnechta iahra awwa an di hand gukka funn iahra meishtah,
un vi di mawt an di hand gukt funn iahra fraw,
so gukka unsah awwa zumm Hah unsah Gott,
biss eah gnaydich is zu uns.
3 Sei gnaydich, oh Hah, sei gnaydich zu uns,
fa miah sinn feel fa'acht vadda.
4 Unsah sayl is gans foll mitt shpott funn di shtolsa,
un mitt di fa'achtung funn di reicha.