Da 110. Psalm.
Da Hah, Da Ayvich Kaynich
En Psalm fumm Dawfit.
1 Da Hah hott ksawt zu meim Hah,
“Hokk dich an mei rechtsi seit,
biss ich dei feinda
en foos-shtool mach fa dei fees.”
2 Da Hah shikt dei mechtichah zeptah naus funn Zion.
Rool ivvah dei feinda!
3 Dei leit zayla sich frei-villich ohbeeda,
uf em dawk es du eena foah gaysht im heilicha glayt.
Vi du yung voahsht, kumma dei grefta zu diah alli dawk
vi da dau aus em meiya-roht.
4 Da Hah hott kshvoahra,
un eah fa'ennaht sei vatt nett;
“Du bisht en preeshtah fa'immah,
noch di gleichlich adning fumm Melchisedek.”
5 Da Hah is an dei rechtsi seit,
eah shlakt di kaynicha uf em dawk funn sei zann.
6 Eah zayld di heida richta,
un di dohda zayla ivvahrawlich leiya.
Eah zayld di roolah's shlauwa ivvah di gans eaht.
7 Da kaynich zayld drinka funn di grikk am vayk nohch,
un deich sell zayld eah sei kobb uf hayva.