8
Lilagano lya kalakala ni lilagano liyono
1 Kilebe kikolongwa mu ganga agatulengagano nga chenje, twe tukweti Nkung'i Nkolongwa jwa aina jenie, jwenio atama luboko lwa kalelo lwa kitebu chi kingwana chu Ukolongwa kumbengu.
2 Jwenio abegele liengo li ukung'i paali pa Chwapi muno, yani liteba lya kweli elichengigwe na Angwana, ngiti na munduje.
3 Kila nkung'i nkolongwa apambuligwe kumpangi hupo ni inyama ku Nnoongo, yene Nkung'i Nkolongwa jwito mpaka na jwenio abe ni kilebe chukupanga.
4 Anda jwenio akabi jwa padunia pano, akaba nkung'ije, kwani babi akakung'i bange abapanga lilumbo tela na Malagilo. Maengo gabe ga kikung'i nga kulandanakia tu na kiwili cha gaga agabi kumbengu.
5 Maengo gabe ga kikung'i nga kulandanakia tu ngi kiwili cha gaga agabi kumbengu. Magambu Musa apabandakila kuchenga lihema lela, Nnoongo ngannengela, “Ntendekee kila kilebe kulaya kilandanakio uchache chenannaita kukitombi.”
6 Nambu ngoe Yesu bampi liengo li ukung'i elibi chwapi kupeta lyabe, andi lilagano elileta kuchikachana kati ja bandu na Nnoongo lyambone muno, gambu libi nikijemo chakwe chambone muno.
7 Magambu anda lilagilo lela lyu kutumbula lyakabije na lilemwa, kabi kubije kabele ni lilagano lya pabele.
8 Nambu Nnoongo ngagabona malemwa ku bandu bakwe ngalenga,
“Machoba gaika,
balenga Angwana,
penia mameka lilagano lihyono na bandu buku Isilaeli na bandu buku Yuda.
9 Libije lilagano andi lyale elindeila na akahoko mundu panakamula luboko kaboyanga baboke ku Misili.
Magambu baaminikije mulilagano lyango,
na yene nenga na nhagabije,
balenga Angwana.
10 Lende nga lilagano elimbakutenda na bandu ba ku Isilaeli machoba agaika,
balenga Angwana,
mameka malagilo gango mumalango gabe,
nukubeka mumyojo jabe.
Nenga mamba na Nnoongo jwabe, nabenia mababa bandu bango.
11 Abije ngu jwapakummola nkola kilambo nnyakwe,
wala jwapakunnenge nnung'una gwakwe,
‘Mummanye Nngwana.’
Magambu boa, akachokochoko na akakolongwa, mabamanya nenga.
12 Manalekekea mabaja gabe,
nikombokeje kabele mabaja gabe.”
13 Ku kulenga nhwalo gwa lilagano lihyono, Nnoongo ngaliboya lyale likutumbula, na chachoa chikilalite nu kube cha kalakala kibandaki kuboigwa.