16
Barramarngada nina Sunday, nabbena kididjana. Kawarr-kakardabba ngardawa-niya nawara barribana kana wunaddakala. Ba-berrabba barribana beneya Djisas. Barawabba Djisas djormarda. Nawara yinmiya Mary Magdalene, kunjma Salomi, mubba Mary yinmiya mangaya James. Ba-berrabba ba-diyaka, ba-wakana ba-berrama, “Nginka wunaddakala wunamila yakaka mardda ngu-berraba ngu-bidjeba kana mera wunaddakala?”
Nawara bokkolarna, ba-nana wunaddakala warranbiyana.
Ba-berrabba ba-bonganjana wunaddakala. Ba-nana wunakelaya nina kana nakkayel. Na-kabba nebbeya karrbardana kakaya. Kunara balilibeyana. Na-kabba wakana ba-berrawa, “Korla nganjawarakuma. Nu-berrabba ngangada ngurrbadjarrakindja? Na-kabba Djisas kana na-keyniya Nazareth. Na-kabba ba-burda Djisas kardanjayana yuna. Djisas na-kabba karamarda. Na-kabba korla kakkana. Na. Neyana kana ba-bangiya wunaddakala. Korla na-kabba kakkana.”