23
TOTECO techmocuitahuía
1 Quej se tamocuitahuijquet quinmocuitahuía pilborregojtzitzi,
TOTECO techmocuitahuía.
Huan yeca amo teno techpolohua.
2 Yaya techsiyajquetza campa onca cuajcualtzi sacat cati xoxohuic.
Techhuica campa onca cuali at cati amo mahuilili.
3 Quema ayecmo hueli nimoquetza,
techmaca yancuic chicahualisti.
Yaya techyacana ipan ojti xitahuac para nijchijtinemis cati cuali,
huan quej nopa nochi quihueyitalise.
4 Masque ninemis ipan tzintayohuilot nechca miquilisti,
amo teno niquimacasis, pampa ta, TOTECO,
tiitztoc nohuaya.
Ica mocuatopil techmanahuía ten cati amo cuali.
Huan ica mocuachicol ten huehueyac, techtilana quema seyoc ojti nijtoquilisnequi.
5 Techsencahuilía se cuali tacualisti iniixpa nocualancaitacahua.
Ica aceite techtzonaltía.
Techtiochijtoc hasta mocahua.
6 Nijmati para ta, TOTECO, techyacanas nochi nonemilis ica motaicnelijcayo,
pampa tijpiya hueyi moyolo ica na.
Huan teipa nimocahuas mohuaya ipan mochaj nepa ilhuicac para nochipa.