149
Nochi ma quipaquilismacaca Toteco
1 Xijpaquilismacaca TOTECO.
Xihuicaca para TOTECO se huicat yancuic.
Nochi amojuanti animasehualhua,
xijhuicatica Toteco por nochi cati quichijtoc.
2 Anisraelitame, ximopaquilismacaca ipan Toteco pampa yaya amechchijchijqui.
Anmasehualme ipan altepet Jerusalén,
ximopaquilismacaca ipan amotanahuatijca.
3 Xijpaquilismacaca TOTECO ica mijtotilisti.
Huan xihuicaca ica pandero huan ica arpa.
4 Pampa Toteco quipantía paquilisti ipan imasehualhua,
huan quinmaquixtía cati moechcapanohuaj iixpa.
5 Nochi cati iaxcahua TOTECO ma paquica pampa yaya tahuel hueyi ihueyitilis.
Huan hasta quema ya motectoque ipan inintapech noja ma quihuicatica.
6 Ma quihueyitalica TOTECO nochi imasehualhua.
Quipixtoc ipan imax se macheta cati oncac tatequi,
7 para ica quincuepilis nopa sequinoc talme cati quinchihuilijque cati amo cuali,
huan para ica quintatzacuiltis.
8 Ma quinilpica inintanahuatijcahua huan inintayacancahua ica tepos cadena,
9 para quiselise nopa tatzacuiltili cati eltojca tasencahuali.
Huan ica ya ni TOTECO quinhueyitalis nochi itatzejtzeloltica masehualhua.
¡Ma nochi quipaquilismacaca TOTECO!