25
Bildad quiijto para amo aqui huelis mochihuas xitahuac iixpa Toteco
1 Huajca Bildad, cati ehua altepet Súa, quiilhui Job:
2 “Hueyi ichicahualis Toteco Dios huan tahuel temajmati. Yaya quichihua ma onca tasehuilisti ipan ilhuicacti.
3 Quinpiya tahuel miyac iilhuicac ejcahua hasta amo aqui hueli quinpohua. Itaahuil ajsi ipan senquisa nochi ni taltipacti.
4 ¿Quenicatza hueli se masehuali moquetzas huan quiijtos para itztoc xitahuac iixpa Toteco Dios? Amo aqui ipan nochi taltipacti itztoc senquisa tapajpactic.
5 Toteco Dios itztoc nelpano cuajcualtzi hasta eltoc quej nopa metzti huan sitalime amo quipiyaj iniyejyejca huan amo teno ininpati iixpa ya.
6 Huajca se masehuali amo hueli quipiya yon quentzi ipati iixpa. Pampa iixpa Toteco Dios, se masehuali nesi san quej se pilocuiltzi.”