7
God i Kaobiyoyobana David kurina
1 Maranai David ana bitaupauma yovenai i mabinubai murinai, kana abiya si tompipini wai Bada i bopapari ba i yakam kabitam.
2 Ba peroveta Nathan kurina i wona, “Yauku nina yove gairena cedar keyaminai si bowai wai a mamana, saba God ana Bidamanina Maragasina Dedewagina tent kamonai e mamana.”
3 Nathan i kaobeyei, “Awaika wata am notai e mamana wai ke wosei kairavina Bada wai kom karimi yai.”
4 Kona pomnai Bada Nathan kurina, i wona,
5 “Ke nae ba au saibisaibirina David ke wonei, ‘Bada nikasike, i wona, “Kata kom naki au aba mamana yovena kuna bowai?” ’
8 Au saibisaibirina David ke wonei, ‘Bada Maragata Sakina nikasike e wonawona, “Kom kwapu kamonai sheep kasi aba potapota ba, a uraba kasibauwim au pipiya Israel biyisi asi bada.
9 Memei wata ku yewo wai yauku yabata, ba kam abiya naomi yai a kasiyaraga taveyisi. Ba karaku kam waba ana bokabari nanakasike bage pipiya kaikaposi niko dobu ai rutainisi.
10 Ba au pipiya Israel biyisi asi gawara ana berisi ba ana tere damanisi kata sina kwanatu ba kega kotoi ini bubuwisi. Pipiya goyogoyosi kega sina bobisipuwena meyisi, rorowa si wosewosei wai nanakasike,
11 ba si wosewosei yepo i botu babada a bineisi kata au pipiya Israel biyisi sita potaisi. Ba yebo kami abiya ereonowasi karisi yai biyakam ana berimi.
Ba yauku mom am yove ana bowa damanei. Maranai kuna rabobo ba tamatamam yabata koni biyakam murinai, kamomi yai natum kesana ana binei wasam ini taupauma ba ana basileiya ana tere damanei.
12 Maranai kuna rabobo ba tamatamam yabata koni biyakam murinai, kamomi yai natum kesana ana binei wasam ini taupauma ba ana basileiya ana tere damanei.
13 Kona mom God ana yove ina bowai kau Waba kairavina, ba ana basileiya aba makimakirina ana terei damanei.
14 Yauku wai tamana ba kona wai natuku. Maranai goyona ina wosei wai, saroba ana berei ba ana kaobitotori nanakasike bage tama natuna kurina e wosewosei.
15 Saba au nuwayauyauna kega meyana karinai ana yauna taveyei, nanakasike matami yai Saul karinai a yauna taveyei.
16 Ba am yove ba am basileiya mataku ai sina madamana ba, am aba makimakira ana tere damanei.” ’ ”
17 Nathan awaika ereonowana aba kinakinanai, God i beyei wai David i waraberei.