22
Yawasa Kairuwanina
16 “Memei bage sebare kesana wasike sinitupana ba kega si bobeyei ba i dauwei, wai wasikena maisana ina terei ba ina rabai.
17 Saba memei bage wasike tamana ini gesa wai, sebarena wasike sinitupana maisana rubanai tamana ini maisani.
18 Kaikairapusi kega kona boterisi sina mana.
19 Kotoi wata aba payapaya ina dauwei wai kona pipiyina ko kasibunui.
20 Kotoi wata god mutusi kurisi e puyopuyo bunuwa, ba kega Bada kurina wai, ko kasibigoyoni.
21 Komi dam tumana kega kona bogoyoisi, kona koni poroporovisi. Kona nosi, kata komi yebo kainaonai Egypt kamonai wai nanakasike.
22 Kega sobesobere kona boyeboyewa kona bogoyoisi.
23 Memena bage kona bogoyoisi ba, sina tou kuriku wai, asi tou ana nonori,
24 ba ani yagisi saki wai seri yai ani kasibunuwanimi. Ba kaokaowami sina sobere ba natunatumi sini boyeboyewa.
25 Memei bage au pipiya kesana bibaita ana waina ba mane ku berei, wai kega yebo maisana ku tepana kuna tere geyei, mane aba potapota biyisi rutainisi.
26 Memena bage maturam kana nuba garana ku yauni wai ke bere meyei ba muri yai kao ina gakira,
27 kairavina kana nuba garana kesanaikei ba mekabage ina dauwa. Ba memena bage kega kuna berei ba ina tou kuriku bibaita kairavina wai, ana nonori, kairavina Yauku Bada baibai nuwanuwaniku.”