5
Israel ena raka-muri davana
1 Hahelaḡa taumui e, ina hereva a kamonai!
Israel iduhuna e, a hakala!
Hanua pavapavana ena ruma taumui e, a kamonai!
Badina be hahemaoro herevana na umui emui ai.
Badina be umui na idoa Mispa ai,
bona e otoa huona Taboro ororona ai.
2 Idia ese Sitim gurina vada e ḡeia dobu;
a lau ese iboudiai matadia baina hakani.
3 Efraim na lau dibagu,
bona Israel na egu amo se hehunimu.
Efraim e, ariara karadia vada o kara dainai,
Israel vada eme miro.
4 Edia kara ese e laodia ahumu dainai,
edia Dirava basie lou henia diba;
badina be lalodia ese ariara karadia e ura henimu,
bona asi dibadia Iehova.
5 Israel ena hekokoroku ese e hahemaoro heniamu;
Efraim na ena kerere ai baine hekwakwanai,
Iuda danu idia iua bae hekwakwanai.
6 Mai edia mamoe bona edia nani seridia ida baela,
Iehova itahuna totona,
a basie davaria;
ia na edia amo vada e raka oho.
7 Idia ese Iehova vada e koia;
badina be idau hahinedia ediai natudia vada e havaradia.
Hari hua matamatana ese baine habuadia,
mai edia uma ida.
8 Gibea ai kibi ba hiriria,
Rama ai danu ba hiriria;
Bet-avene ai ba hone;
Beniamina e, ba heude-heude!
9 Mata-hakani dinana ai
Efraim baine hahevahu;
Israel iduhudia bogaragidiai
hereva momokanina na gwauraia hedinaraimu.
10 Iuda Iohiadia na
tano hetoana e abia ohomu taudia
heḡereḡeredia ai vada e hahelao;
egu badu na latadiai baina seia dobi,
ranu na heto.
11 Efraim na vada e daḡedaḡe henia, hahemaoro ai vada e taoa tari,
badina be lalona e ha-aukaia, ḡau asi anidia baine ḡavadia.
12 Taunabunai lau na pitopito na heto Efraim enai,
bona houkahouka na heto Iuda iduhuna enai.
13 Efraim sibona ese ena gorere e itaia
bona Iuda sibona ese berona e itaia negana ai,
Efraim na Asuria ela,
hereva e siaia lao, hanua pavapavana badana enai;
a ia ese basine hamaurimu diba,
eiava beromu basine hanamoa diba.
14 Badina be lau na leona heḡereḡerena ai bainala Efraim enai,
bona leona natuna heḡereḡerena ai Iuda iduhuna enai.
Momokani, lau ese baina daredia, bena baina raka oho;
baina heaulaidia oho, ta ese basine hamauridia.
Israel ena helalo-kerehai na dia momokani
15 Egu gabu baina lou henia,
ela bona edia kerere bae gwaurai hedinarai,
bona vairagu bae tahua;
ela bona edia lalo-hisihisi ai bae tahugu, baeto,