10
1 Joma noketo lwetgi kaka joneno e magi:
Nehemia ma jatelo maduongʼ,
ma wuod Hakalia.
Zedekia,
2 Seraya, Azaria, Jeremia,
3 Pashur, Amaria, Malkija,
4 Hatush, Shebania, Maluk,
5 Harim, Meremoth, Obadia,
6 Daniel, Ginethon, Baruk,
7 Meshulam, Abija, Mijamin,
8 Mazia, Bilgai kod Shemaya.
Magi ema ne jodolo.
9 Jo-Lawi ne gin:
Jeshua wuod Azania, Binui ma nyakwar Henadad, Kadmiel,
10 kod jogo ma jatich kaachiel kodgi kaka: Shebania,
Hodia, Kelita, Pelaya, Hanan,
11 Mika, Rehob, Hashabia,
12 Zakur, Sherebia, Shebania,
13 Hodia, Bani kod Beninu.
14 Jotend oganda ne gin:
Parosh, Pahath-Moab, Elam, Zatu, Bani,
15 Buni, Azgad, Bebai,
16 Adonija, Bigvai, Adin,
17 Ater, Hezekia, Azur,
18 Hodia, Hashum, Bezai,
19 Harif, Anathoth, Nebai,
20 Magpiash, Meshulam, Hezir,
21 Meshezabel, Zadok, Jadua,
22 Pelatia, Hanan, Anaya,
23 Hoshea, Hanania, Hashub,
24 Halohesh, Pilha, Shobek,
25 Rehum, Hashabna, Maseya,
26 Ahiya, Hanan, Anan,
27 Maluk, Harim kod Baana.
28 “Joma moko duto ma gin, jodolo, jo-Lawi, jorit dhorangeye, jower, jotij hekalu, to gi jogo duto mane owalore koa kuom jogo mokiewo kodgi nikech Chik mar Nyasaye, kaachiel gi mondegi kod yawuotgi kod nyigi duto manyalo winjo tiend chike,
29 noriwore gi owetegi ma joka ruoth mi gikwongʼore giduto kendo negikwongʼore ni ginilu Chike Nyasaye, mane ochiwo kokalo kuom Musa jatichne kendo ginirit chike duto gi yore duto kod puonj mag Jehova Nyasaye Ruodhwa.
30 “Wasingore ni ok wanachiw nyiwa mondo okendi gi jogo modak mokiewo kodwa to kata mana mondo yawuotwa okend nyigi.
31 “Ka jogo modak machiegni kodwa okelo gigegi mag ohala kata chambgi mondo giusi chiengʼ Sabato, ok wabi ngʼiewo kodgi chiengʼ Sabato kata e odiechiengʼ moro maler. E higa mar abiriyo ka mar abiriyo wabiro weyo tiyo e puodho kendo wabiro weyone ji gopegi duto.
32 “Higa ka higa wabiro kawo tingʼ mar kelo osuru madirom achiel kuom adek mar shekel ne tij od Nyasachwa,
33 mibiro ngʼiewogo makati miketo e nyim Nyasaye pile, gi misango mar cham mitimo pile, gi misengini miwangʼo pep, kod misengini mamoko mitimo chiengʼ Sabato, kod mago mitimo ka dwe opor kod ndalo mag sewni moyier kendo ni tich misengini mamoko kod misengini mag golo richo jo-Israel kaachiel gi tije duto mag od Nyasachwa.
34 “Wan; jodolo, gi jo-Lawi kaachiel gi ji mamoko wasegoyo ombulu mondo wayier chiengʼ ma dala ka dala biro chiwoe yien miwangʼogo misengini ewi kendo mar misango mar Jehova Nyasaye ma Nyasachwa e kinde moketi higa ka higa, mana kaka ondiki e Chik.
35 “Bende wachiwore mar kelo nyak mokwongo mar chambwa kod olemo moro amora higa ka higa e od Jehova Nyasaye.
36 “Wabiro kelo yawuotwa makayo kod dhowa gi rombwa mokwong nywol ni jodolo matiyo e od Nyasachwa mana kaka ondik e Chik.
37 “Bende wabiro kelo e kar keno mar od Nyasaye gik machalo kaka; chiembwa mokwongo mar lowo, chiwo mar chambwa, olembe mar yiendwa duto kod divai manyien; chiembwa mokwongo mar lowo, chiwo mar chambwa, olembe mag yiendwa duto kod divai manyien gi mo ni jodolo. Kendo wabiro kelo achiel kuom apar mag chambwa ni jo-Lawi, nikech gin ema oyienigi choko achiel kuom apar e mier duto ma watiyoe.
38 Jadolo moa e anywola Harun nyaka dhi gi jo-Lawi sa ma gikawo achiel kuom apar, to jo-Lawi nyaka kel achiel kuom apar mar achiel kuom aparno e kuonde keno mag od Nyasachwa.
39 Jo-Israel kaachiel gi jo-Lawi, nyaka kel chiwo margi mar cham, divai manyien kod mo nyaka e kar keno kama gigo mag kama ler mar lemo ikanoe kendo kama jodolo, jorit dhorangeye kod jower odakie.
“Ok wanajwangʼ od Nyasachwa.”