3
กวน กซัต ด่าวิต
1 กวน รเมะ กซัต ด่าวิต ป เกิต ละ อื เญือม อาวต อื นึง เมือง เฮปโรน โฮ มัฮ โม เฮี, ป มัฮ กวน โรง อื มัฮ อัมโนน, มัฮ กวน อื ไม่ อาฮิโนอัม, ป มัฮ โม ยิซเรเอน. ฟวยจ เซ ด่านีเอน มัฮ กวน อื ไม่ อาบี่กายิน, ป มัฮ โม คาราเมน.
2 ฟวยจ เซ มัฮ แม อัปซาโลม, มัฮ กวน อื ไม่ มาอาคา ป มัฮ กวน กซัต ทันไม, ทันไม เซ มัฮ กซัต เมือง เกชู. ฟวยจ เซ มัฮ แม อาโด่นียา, มัฮ กวน อื ไม่ ฮักกิต.
3 ฟวยจ เซ มัฮ แม เชฟาทิยา, มัฮ กวน อื ไม่ อาบี่ทัน. ฟวยจ เซ มัฮ แม อิตเรอัม, มัฮ กวน อื ไม่ เอก-ลา.
4 กวน กซัต ด่าวิต เตือง แลฮ ปุย อื เซ, มัฮ ป เกิต ละ อื ไน ติ เจน ตัตเตียง อื ปุย นึง เมือง เฮปโรน อาแลฮ เนอึม ไม่ บลัฮ โฮ. ฟวยจ เซ ตัตเตียง แม โรฮ ปุย นึง เวียง เยรูซาเลม ง่วย โรฮ ลอวย เนอึม.
5 โม เฮี เยอ มัฮ แม กวน รเมะ กซัต ด่าวิต. มัฮ ป เกิต ละ อื เญือม อาวต อื นึง เวียง เยรูซาเลม. กวน อื ไม่ บั่ตเชบ่า ป มัฮ กวน รโปวน อัมมีเอน เซ ไก ปาวน ปุย. มัฮ ชิเมอา, โชบั่ป, นาทัน ไม่ ซาโลมอน.
6-9 โนก ฮา เซ กซัต ด่าวิต เตอ ไก แม กวน ซไตม ปุย แม. มัฮ อิปฮา, เอลีชูวา, เอลีเฟเลต, โนกา, เนเฟก, ยาเฟีย, เอลีชามา, เอลียาด่า, ไม่ เอลีเฟเลต. โนก ฮา กวน โม เซ อื, กซัต ด่าวิต ไก แม โรฮ กวน ไม่ ปรโปวน แตวะ เญือะ แตะ โฮวน ปุย. กวน รโปวน ด่าวิต ติ ปุย อื มัฮ ทามัน.
จัตเจือ กซัต ซาโลมอน
10 จัตเจือ กซัต ซาโลมอน มัฮ เรโฮโบ่อัม. กวน เรโฮโบ่อัม มัฮ อาบี่ยา. กวน อาบี่ยา มัฮ อาซา. กวน อาซา มัฮ เยโฮชาฟัต.
11 กวน เยโฮชาฟัต มัฮ โยรัม. กวน โยรัม มัฮ อาฮัตยา. กวน อาฮัตยา มัฮ โยอัต.
12 กวน โยอัต มัฮ อามาซิยา. กวน อามาซิยา มัฮ อุตซิยา. กวน อุตซิยา มัฮ โยทัม.
13 กวน โยทัม มัฮ อาฮัต. กวน อาฮัต มัฮ เฮเซคียา. กวน เฮเซคียา มัฮ มะนาเซ.
14 กวน มะนาเซ มัฮ อาโมน. กวน อาโมน มัฮ โยซียา.
15 กวน โรง โยซียา มัฮ โยฮานัน. ฟวยจ เซ มัฮ แม เยโฮยาคิม. ฟวยจ เซ มัฮ เซเด่คียา. ฟวยจ เซ มัฮ ชันลุม, แปน ปาวน เตือง เซ.
16 กวน เยโฮยาคิม มัฮ เยโคนิยา. กวน เยโคนิยา มัฮ เซเด่คียา.
17 กวน รเมะ เยโคนิยา ป โฮลฮ โฮว แปน ครา เมือง บ่าบี่โลน เซ ไก อาแลฮ ปุย. มอยฮ อื มัฮ เชอันทิเอน,
18 มันคีรัม, เปด่ายา, เชนัตซา, เยคามิยา, โฮชามา, ไม่ เนด่าบี่ยา.
19 เปด่ายา เซ ไก กวน รเมะ ลอา ปุย. มัฮ เซรูบ่าเบ่น ไม่ ชิเมอี. กวน รเมะ เซรูบ่าเบ่น เนอ, มัฮ เมชุนลัม ไม่ ฮานันยา. กวน รโปวน อื มัฮ เชโลมิต.
20 โนก ฮา เซ เยอ, เซรูบ่าเบ่น เซ ไก แม กวน พอน ปุย แม. มัฮ ฮาชูบ่า, โอเฮน, เบ่เรคิยา, ฮาซาดิ่ยา ไม่ ยูชัปเฮเซต.
21 ฮานันยา ไก กวน รเมะ ลอา ปุย. มัฮ เปลาติยา ไม่ เยชายา. เยชายา มัฮ เปือะ เรไฟยา. เรไฟยา มัฮ เปือะ อาระนัน. อาระนัน มัฮ เปือะ โอบ่าดี่. โอบ่าดี่ มัฮ เปือะ เชคานิยา.
22 เชคานิยา มัฮ เปือะ เชไมอา. เชไมอา ไก กวน รเมะ พอน ปุย. มัฮ ฮัตทัต, อิกัน, บ่ารียา, เนอารียา ไม่ ชาฟัต.
23 เนอารียา ไก กวน ลอวย ปุย. มัฮ เอลีโอไน, เฮเซคียา, ไม่ อัตรีคัม.
24 เอลีโอไน ไก กวน รเมะ อาแลฮ ปุย. มัฮ โฮด่าวิยา, เอลียาชิป, เปไลยา, อักคุป, โยฮานัน, เด่ไลยา, ไม่ อานานี.