14
รซอม เชีย ยุฮ ด่าวิต ฮอยจ ละ ฮัวนา โม ป เชีย
1 ปุย งาว อัฮ อื โตะ รพาวม แตะ ตอก เฮี, “ไก เนอึม โตว พะจาว เยอ,” อัฮ เซ. ปุย โม เซ มัฮ ปุย ฆอก ปุย เบร, ซาวป ลอป ยุฮ กัน คึต กัน ตวยฮ, ไก โตว ติ ปุย เนอึม ป ซาวป ยุฮ กัน ไมจ เจอ.
2 พะจาว แก แลน ปุย ปลัฮเตะ เน่อึม เมือง มะลอง, ละ ซ ซาวป อื แลน ปุย ไมจ พันญา ไม่ ยุง อื ซาวป ยุ พะจาว นึง อื, ดัฮ ไก โฮ.
3 ปุย ปังเมอ เอีจ พัต นา แตะ ฮา พะจาว เตือง โอยจ อื, เอีจ โฮว ตื คระ พิต. ไก โตว เฟือฮ ป ยุฮ กัน ไมจ เจอ, ติ ปุย ปุ ไก.
4 โม ป ยุฮ กัน ฆอก กัน เบร เซ อัม มัฮ โอ อื ยุง โอเอีฮ? โม เซ บ่วก โจวง แนฮ, ริ ปุย ไน อาึ ตอก ริ ปุย ซัตซิง ละ ซ ปอน แตะ โฮ. ยุง โตว ไววอน ละ อาึ ติ ชวง.
5 ปุย โม เซ ซ โฮลฮ อาวม เม่ะมั่ก แตะ ไม่ ซ โฮลฮ อื อาวต นา ก ตึก นึง โซะ แตะ. พะจาว ปังเมอ อาวต ไม่ โม ปุย ซื ปุย ไซ.
6 ปุย ฆอก ปุย เบร ยุฮ ไลจ ไม่ แพนกัน ยุฮ ปุย ตุก ปุย ญัก, พะจาว ปังเมอ แปน ตัว เปิง ละ ปุย ตุก ปุย ญัก เซ.
7 ปัว เกือฮ ป เรอึม โม อิซราเอน เซ โอก เน่อึม นึง เมือง ซีโยน. เญือม เอีจ เกือฮ พะจาว ปุย ไน แตะ แม อาวต ไมจ อาวต มวน แม ตอก ไพรม แตะ เซ, โม ยาโคป ซ ไมจ เปละ มวน พาวม, โม อิซราเอน ซ อาวม ญันดี่ ปีติ แตะ.