13
ཅམས༌པ༌ ནི༌ ཚང༌མའེ༌སང༌ ཀྲག༌ཤོག༌།
13:1 ནེ༌ 13
1 གལ༌ཏེས༌ ངའ༌ ཇིག༌རྟེན༌པ༌ དང༌ ཕོ༌ཉ༌ གུན༌ནི༌ སྐད༌ ཚང༌མའེ༌ ནང༌ང༌ སྤེ༌ར༌ ཏང༌ ཉན༌ཏེའང༌, ངའེ༌ ནང༌ང༌ ཞན༌མའ༌ ཅམས༌པ༌ མེད༌ན༌, ཏེ༌ནེ༌ ང༌ སྐད༌ངན༌ཅན༌ནི༌ དྲེན༌ཇང༌ ཡ༌ ཚིམ༌ཚིམ༌ ཙོགས༌ ཨིན༌ནོག༌།
2 གལ༌ཏེས༌ ང༌ ལུང༌སྟན༌ ཤད༌ཅེས༌སི༌ ཁྱུད༌, ཡང༌ དཀོན༌མཆོག༌གི༌ སང༌ཝའེ༌ ཐབས༌ ཚང༌མ༌ གྱུས༌ ཡང༌ ཅི༌ཚང༌མའེ༌ སྐོར༌ལ༌ ཡོན༌ཏན༌, ཡང༌ ངའེ༌ ལག༌ག༌ རི༌ སྐུལ༌ཉན༌ཅེས༌སི༌ ཏད༌པ༌ ཡོད༌ན༌, ཨིན༌ནའང༌ ངའེ༌ ནང༌ང༌ ཞན༌མའ༌ ཅམས༌པ༌ མེད༌ན༌, ང༌ ཅའང༌ མ༌ནོག༌།
3 གལ༌ཏེས༌ ང༌ ཡོད༌ཁན༌ ཚང༌མ༌ ཉལ༌བ༌ཅན༌གུན༌ལ༌ མ༌ཚད༌ ང༌རང༌ངི༌ ཟུགས༌པོ༌བོའང༌ སྲོག༌ཆོད༌ལ༌ ཏང༌ན༌, ངའེ༌ ཏེ༌བོའེ༌ཀ༌ ཕོ༌སོ༌ ཅོ༌སྲིད༌ཅེས༌ ཨིན༌ནོག༌, ཨིན༌ནའང༌ གལ༌ཏེས༌ ངའེ༌ ནང༌ང༌ ཞན༌མའེ༌ ཕིའ༌ ཅམས༌པ༌ མེད༌ན༌, ང༌ ཅའང༌ ཕན༌ཐོགས༌ མི༌ཐོབ༌།
4 ཅམས༌པ༌ ནི༌ ཟོད༌པ༌ དང༌ ཟང༌པོ༌ ཨིན༌ནོག༌། ཅམས༌པ༌ ནི༌ ཚིག༌ཅེས༌ ཡ༌ རང༌སྟོད༌ ཡ༌ ཕོ༌སོ༌
5 ཡ༌ རྩི༌ཝ༌ མ༌ཅོའ༌ སྤེ༌ར༌ ཏང༌ཅེས༌ གུན༌ མ༌ནོག༌། ཅམས༌པ༌ ནི༌ ཞན༌མའ༌ ཝང༌ ཏངས༌ཏེ༌ རང༌ ཐད༌ཁན༌ ཅོ༌ མི༌ཅུག༌ཅེས༌, སྲོ༌ གྱོགས༌པ༌ མི༌ཡོང༌ཅེས༌, ཞན༌མའེ༌ ནོད༌སྐྱལ༌ཁན༌བོའེ༌ ཐོ༌ ཅོས༌ཏེ༌ མི༌བོར༌ཅེས༌ གུན༌ ཨིན༌ནོག༌།
6 ཅམས༌པ༌ ནི༌ མི༌འོས༌པ༌ ཆའ༌ཁན༌གུན༌ནི༌ཀ༌ སྐྱིད༌པོ༌ མ༌ཅོའ༌, དྲང༌པོའ༌ གྱལ༌ཁའ༌ ཐོབ༌ཅེས༌སི༌ཀ༌ སྐྱིད༌པོ༌ ཅོ༌ཅེས༌པོ༌ ཨིན༌ནོག༌།
7 ཅམས༌པ༌ ཅོ༌ཁན༌ནི༌ མ༌ནེ༌ རེ༌ཝ༌ ཕང༌ང༌ མ༌ནོག༌། ཁོའེ༌ ཏུས༌གྱུན༌ དཀོན༌མཆོག༌གི༌ རོགས༌ ཅོའ༌ ཛད༌ཅེས༌སི༌ རེ༌ཝ༌ ཅོའ༌ནོག༌, ཡང༌ ནས༌ལུག༌ ཚང༌མའེ༌ ནང༌ང༌ སྙིང༌རུས༌ བོར༌ར༌ནོག༌།
8 མ༌ཤེས༌ཁན༌ནི༌ སྐད༌དི༌ ནང༌ང༌ སྤེ༌ར༌ ཏང༌ཅེས༌, ལུང༌སྟན༌ ཤད༌ཅེས༌ དང༌ མིག༌སལ༌ལི༌ ཡོན༌ཏན༌ ཡོད༌ཁན༌ནི༌ ཁྱུད༌གུན༌, ཞག༌ཤིག༌ ཕན༌མི༌ཐོགས༌ གྱུར༌ཅེས༌ ཨིན༌ནོག༌, ཨིན༌ནའང༌ ཅམས༌པ༌ ཏུས༌གྱུན༌ ལུས༌ས༌ནོག༌།
9 ཏ༌ ང༌དང༌གུན༌ནི༌ ཡོན༌ཏན༌བོ༌ ནི༌ ཚང༌རིག༌ མེད༌པ༌ ཨིན༌ནོག༌, ཡང༌ ཡོང༌ཅེས༌ཅན༌ནི༌ ཏུས༌གུན༌ནི༌ སྐོར༌ལ༌ ལུང༌སྟན༌ ཤད༌ཁན༌བོའང༌ གང༌པོ༌ མན༌པ༌ ཁག༌ཅིག༌ ཨིན༌ནོག༌།
10 ཨིན༌ནའང༌ དཀོན༌མཆོག༌གི༌ ཐབས༌ལྡིངས༌ ཚང༌མ༌ གྲུབ༌བ༌ཅིག༌, ཏེ༌ ཁྱུད༌ ཚང༌མ༌ ཕན༌མི༌ཐོགས༌ཤིག༌ གྱུར༌ཨིན༌།
11 ང༌ ཕྲུ༌གུ༌ ཨིན༌ ཟ༌ནེ༌ སྤེ༌ར༌ ཏང༌ཅེས༌, སམ༌བ༌ དང༌ སམ༌ཚུལ༌ གུན༌ ངའེ༌ ཕྲུ༌གུའི༌ ཚུལ༌ལ༌ ཅོས༌པིན༌། ཨིན༌ནའང༌ ལྡན༌ཏེ༌ སྟིང༌ནེ༌ ངའེ༌ ཕྲུ༌གུའི༌ ཅོ༌ཚུལ༌གུན༌ ཕངས༌པིན༌།
12 ལག༌མོ༌ མེད༌ཁན༌ནི༌ མེ༌ལོང༌ཞིག༌གི༌ ནང༌ང༌ ཟིམ༌ཟིམ༌ ཐོང༌ང༌ ཙོགས༌ལ༌, དག༌ས༌ ང༌དང༌གུན༌ནི༌ སལ༌པོ༌ ཅོས༌ཏེ༌ མ༌ཐོང༌ང༌ ཨིན༌ནོག༌། ཨིན༌ནའང༌ ཏེ༌ཏུས༌ལ༌ ང༌དང༌ང༌ ཅི༌ཚང༌མ༌ སལ༌པོ༌ ཅོས༌ཏེ༌ ཐོང༌ ཐུབ༌ཨིན༌, ཀ༌ཟུག༌ མི༌ཞིག༌ག༌ དུན༌ལ༌ ཐུགས༌ཏེ༌ སྤེ༌ར༌ ཏང༌ངད༌། དག༌ས༌ ང༌ གྱུས༌ཡོད༌ཁན༌ ཚང༌མ༌ ཚང༌རིག༌ མེད༌པ༌ ཨིན༌ནོག༌, ཨིན༌ནའང༌ ཏེ༌ཏུས༌ལ༌ ང༌ ཅི༌ཚང༌མ༌ སལ༌པོ༌ ཅོས༌ཏེ༌ གྱུས༌ཆེན༌, ཀ༌ཟུག༌གི༌ དག༌ས༌ དཀོན༌མཆོག༌གི༌ ང༌ སལ༌པོ༌ ཅོས༌ཏེ༌ ཁྱེན༌ན༌ ཛད༌དད༌།
13 འི༌ སུམ༌ཀོ༌ ཏུས༌གྱུན༌ ལུས༌ཤེས༌ ཨིན༌ནོག༌, ཏད༌པ༌, རེ༌ཝ༌ དང༌, ཅམས༌པ༌, ཡང༌ འི༌གུན༌ནི༌ ནང༌ནེ༌ ཀྲག༌ཤོག༌པོ༌ ནི༌ ཅམས༌པ༌བོ༌ ཨིན༌ནོག༌།