6
Vawaidoḡa ena giuvavasaḡa
20 Natugu, tamam ena giuvavasaḡa bi tinam ena wailovelove kwa voteyeteyedi bi kwa kaiwatedi.
21 Laḡan matabuna edi giu kwa noḡotiwatedi,
maibena posalu,
gadommo kwa gadogadoina.
22 Laḡannemo kwa bababala ba edi nuwauyauya giudi sa kadidimanim,
bi kuna kenana ba niga giudi sa moito galamem.
Bi kota kuna kena moitona ba niga giudi sai gagalim.
23 Edi wailovelove ba kwadam,
maibena yanayana dudubalemo,
edi laididimana ba ya wailovem
te bainewa didimanemo kwa miya.
24 Te waivini waimatawapana,
bi kota waivini naginagina ena giu komakomanimo, niga giudi sa moito galamem.
25 Mote ena mulele nopommo kuma noḡotiwata,
mote ima matakibem bi nuwam ima solu.