4
1
Din Panosaan Diyos Ed Jerusalem Ya Din Somigedana Kasin
(4:2-6)
Sin agew ay doy, ipakaan Diyos din makan ya mainom ed Juda ya Jerusalem, pati din tuturay, sosoldado, mamadto ya nalaing ay karpintiro ya manpanpanday. Maga di manglayad ay mangituray sin ipogaw ay mabay-an et man-asipaligat da et anggoy. Mo din babbabai sin ili et makaan din napintas ay bado da, din aritos ya odom ay al-altin di awak da. Imbis ay napintas ya manseng-ew da, mapoltakan ya mabayangan da dowan da aben man-akoo. (3:1-26)
2 Domteng to di timpo ay din Pingin Diyos et maptemapteng ya madaydayaw, ya din maapit sin ili et panragragsakan ya it-it-ek din mabay-an ay Israelita.
3 Daida di maibilang ay nasantoan ay naisosolat di ngadan da sin listaan di makalasat ya matago ed Jerusalem.
4 Osalen ton Diyos din panakabalina ay mangokom ya kaman apoy ay manglinis sin basol di babbabai ay taga-Jerusalem ya din dada ay naimansa sin ili.
5 Mo makdeng di, pawadaen Diyos di liboo sin kaagawan yan apoy sin labi ay manglidom ed Jerusalem ya din ipogaw ay nasinop sidi. Lidoman din panakabalin Diyos din intiro ay ili.
6 Kaman tolda ay panlidoman sin segit ya pansidoman sin timpon di pewek ya odan.