១២៣
ទូលបង្គំទន្ទឹងរង់ចាំព្រះអង្គ។
ទំនុកច្រៀងតាមថ្នាក់។
១ ឱព្រះដែលគង់នៅស្ថានសួគ៌អើយ
ទូលបង្គំងើបភ្នែកមើលដល់ទ្រង់
ដោយសង្ឃឹម
២ មើល ភ្នែកពួកទាសាក្រឡេកមើលទៅដៃចៅហ្វាយខ្លួន
ហើយភ្នែកនៃទាសីក្រឡេកមើលទៅដៃចៅហ្វាយ
ស្រីរបស់ខ្លួនយ៉ាងណា
នោះភ្នែកយើងខ្ញុំក៏ក្រឡេកមើលទៅព្រះយេហូវ៉ា
ជាព្រះនៃយើងខ្ញុំយ៉ាងនោះដែរ
ទំរាំតែទ្រង់ផ្តល់សេចក្តីមេត្តាករុណាដល់យើងខ្ញុំ
៣ ឱព្រះយេហូវ៉ាអើយ សូមទ្រង់មេត្តាប្រោសដល់យើងខ្ញុំ
សូមមេត្តាប្រោសយើងខ្ញុំផង ដ្បិតយើងខ្ញុំឆ្អែតចំពោះ
សេចក្តីមើលងាយយ៉ាងក្រៃលែង
៤ ព្រលឹងនៃយើងខ្ញុំឆ្អែតចំពោះសេចក្តីចំអក
របស់មនុស្សដែលនៅដោយឥតកង្វល់
និងសេចក្តីមើលងាយរបស់មនុស្សឆ្មើងឆ្មៃ។