50
1 Wakwa iphe, Chipfu
epfu:
?Dẹnu ẹkwo, mu deru nụ ne
unu gude chịfu iya-a?
Tọo ?bụ ndu mu ji ụgwo onye
ole bẹ mu woru unu
ree?
Ọ kwa iphe-ẹji unu kpatarụ
iphe,
mu gude woru unu ree.
Ọ bụru ẹjo-ememe,
unu eme meru g'o gude
a chịfu ne unu.
2 Teke mu byaru; ?bụ gụnu
meru g'o gude ọphu ọ
dụdu onye nọ l'ẹka
ono?
Teke mu shi eku oku;
?bụ gụnu meru g'o gude
ọphu ọ dụdu onye zarụ
ẹnu?
?Bụ ẹka parụ mu mkpụrukpu
kẹ gẹ mu ta agbata
unu tọo?
?Bụ ike anafụta unu ta adụdu
mu tọo?
Ọ kwa mba mmanụ bẹ mu
abajẹ;
mini atahụ l'eze-ẹnyimu.
Mu eworu ọma nggele mee;
l'ọ bụru echiẹgu.
Ẹma, shi dụ iya nụ ereshihu
kẹle mini ta adụedu
iya.
Ẹgu mini eworu phẹ
gụ-gbushia.
3 Akpaminigwe bẹ mu eyeje
uwe, bụ iya bụ ọchii.
Mu nọdu achiẹje iya
uwe-aphụ g'o kpuchije
onwiya.
4 Nnajịuphu, bụ Chipfu
nụwaru mu ire ndu nwụru
ẹkwo gẹ mu maru opfu,
mu e-pfuje g'ike dụ ndu
ike bvụru.
Ookuteje mu l'ụtsu g'ụtsu;
l'ọ bya emee mu echilibe
nchị ngabẹ g'onye eezi
iphe.
5 Nnajịuphu, bụ Chipfu
ghebechaẹkwarupho
nchị mu ọnu;
ọphu mu ekwefujeduru iya ike;
ọphu mu aladụ
azụ azụ.
6 Mu woru okpurukpu mu
doberu ndu echi mu
iphe;
bya eworu agba mu doberu
ndu pheshiru mu
ẹ́jí-agba.
Ọphu mu ewohaduru iphu
mu g'a ta chị mu
ọchi ọphu a gbụ mu
iya ọnu-mini.
7 Eshinu Nnajịuphu, bụ Chipfu
eyejeru mu ẹka
bẹ ọ tọ dụdu iphere,
byaru eme mu nụ.
Ọ bụru iphe ono meru g'o
gude mu woru iphu
mu kpọo gbengu gẹ
mkpuma;
tẹme o doo mu ẹnya
l'iphere tee medu mu.
8 Onye aharụ mu enge
nọ mu ntse.
?Bụ onye sụru g'ọobya
agụaharu mu iphe,
mu meru?
G'anyi pfụnuru dogba iya!
?Bụ onye bụ onye ọbu,
epfu iphe,
ọ sụru lẹ mu meru ọbu?
G'onye ọbu byanụ apfụru
mu l'iphu pfua ya!
9 Ọ kwa Nnajịuphu,
bụ Chipfu bụ onye eyejeru
mu ẹka.
?Bụ onye bụ onye ọbu,
l'a-bya mu anma
ikpe-ọnwu?
Ndu ọbu a-tụko kahụ g'uwe;
ọ bụru mkpu a-takashị phẹ.
10 ?Bụ onye l'echilabọ unu
atsụ Chipfu ebvu;
tẹme ọ nọdu emeje iphe,
onye-ozi Chipfu sụru
g'e meje?
Mbụ-a; g'onye eje ije l'ọchii;
mbụ onye enwedu ìphóró,
e gude aphụ ụzo;
g'onye ono kpọru obu
ye l'ẹpha Chipfu!
G'onye ono chịru ụpfu kwẹe
lẹ Chileke iya!
11 Obenu nta-a; iphe,
bụ g'unu ha bụru ndu
aphụ-nwu ọku;
mbụ unubẹ ndu nwụru
ọku yegbaa l'orọku parụ;
unu jenụ;
unu gude ìphóró ọku unu
je ije!
Unu gude orọku,
unu nwụru ọku ye;
ọ nọdu enwu;
je ije!
Iphe, unu a-nata l'ẹka
mu bụkwa l'ọo l'eje
iphe-ẹhuka
bẹ unu a-nọduepho!