15
Egvu-ọma, Dévidi deru
1 Nggụbe Ojejoje;
?bụ onye e-buru l'ụlo-ẹ́kwà ngu?
?Bụkwanu onye dụ ịdagha
e-buru l'ugvu ngu, dụ nsọ?
2 Ọ bụ onye ẹ-te nwedu ẹke
aata iya ụta;
onye bụlephu iphe
vudo nhamụnha;
b'o meje;
mbụ onye ire-lanụ;
3 onye ẹ-te ekfujeduru
ibe iya okfu-azụ;
too meje ibe iya iphe dụ ẹji;
ọphu ookfubyishidu ibe iya ekfubyishi.
4 Onye akpọje ndu,
dụ Nchileke ẹji ashị.
Obenu lẹ ndu atsụ
Nchileke egvu;
bẹ ọokwabeje ugvu;
onye abụje;
o -ribua lẹ ya e-me iphe;
yo mee ya; m'o -ruhuru;
ọ bụru l'ọo-tabuta iya anụ.
5 Onye bụ; o -jee madzụ ụgwo;
too ledu ẹnya ọ-mụru-nwa;
ọphu ọonadu ẹka-azụ
t'e gude kpaphua onye
ẹ-te nwedu iphe o meru.
Onye eme ege ono;
b'ẹ to nwedu l'e nwuribe iya
enwuribe gbururu jeyewaru.