136
1 Unu kele Ojejoje ekele;
kẹ l'ọ bụ onye, dụ mma.
N-yemobu iya anọje jeye lẹ tutu yoyo.
2 Unu kele Ojejoje ọphu
kakọta iphe, bụ agwa.
N-yemobu iya anọje jeye lẹ tutu yoyo.
3 Unu kele Nnajiufu, bụ iya
bụ ishi kẹ ndu, bụ nnajiufu.
N-yemobu iya anọje jeye lẹ tutu yoyo.
4 Onye, bụ yẹbedua nwẹnkinyi iya
emeje iphe-ọphulenya, ha nshinu.
N-yemobu iya anọje jeye lẹ tutu yoyo.
5 Onye, bụ mmamiphe iya b'o gude mee eligwe.
N-yemobu iya anọje jeye lẹ tutu yoyo.
6 Mbụ onye, woru mgboko-a
l'ọ ha phụshia l'eli mini.
N-yemobu iya anọje jeye lẹ tutu yoyo.
7 Onye, bụ iya meshiru
eze iphoro-a, dụtsua biribiri-a.
N-yemobu iya anọje jeye lẹ tutu yoyo.
8 Onye, bụ iya meru ẹnyanwu t'o chije l'eswe.
N-yemobu iya anọje jeye lẹ tutu yoyo.
9 Onye, bụ iya meru ọnwa;
me mkpọ-kpodo t'o chije l'ẹnyashi.
N-yemobu iya anọje jeye lẹ tutu yoyo.
10 Unu kele onye chigbushiru
iphe, bụ iphe waru nne iya ọswa lẹ Íjiputu.
N-yemobu iya anọje jeye lẹ tutu yoyo.
11 Onye, shi lẹ Íjiputu dufuta ụnwu Ízurẹlu.
N-yemobu iya anọje jeye le tutu yoyo.
12 Yọ bụru l'agburu-ẹhu iya
b'o gude dufuta ẹphe.
N-yemobu iya anọje jeye lẹ tutu yoyo.
13 Unu kele onye, bụ iya
kekahuru Eze Ẹnyimu Uswe ẹbo.
N-yemobu iya anọje jeye lẹ tutu yoyo.
14 Onye, duru ndu Ízurẹlu; ẹphe eswee ya.
N-yemobu iya anọje jeye lẹ tutu yoyo.
15 Yo kpota Fero yẹle ndu
sọja iya l'ẹphe ha kporu ye
lẹ Eze Ẹnyimu Uswe ono.
N-yemobu iya anọje jeye lẹ tutu yoyo.
16 Unu kele onye, bụ iya
duru ndibe iya ije l'echi-ẹgu.
N-yemobu iya anọje jeye lẹ tutu yoyo.
17 Onye, chigbushiru ndu eze, nweru ike.
N-yemobu iya anọje jeye lẹ tutu yoyo.
18 Onye, gbushikwaruphu
ndu eze, a maru ẹpha ẹphe.
N-yemobu iya anọje jeye lẹ tutu yoyo.
19 O gburu Sihọnu, bụ eze ndu Amọru.
N-yemobu iya anọje jeye lẹ tutu yoyo.
20 Yọ bya egbua Ọgu, bụ eze ndu Báshanu.
N-yemobu iya anọje jeye lẹ tutu yoyo.
21 O woru alị ẹphe nụ onye
ọdo t'ọ bụru òkè-iphe iya.
N-yemobu iya anọje jeye lẹ tutu yoyo.
22 Ọ bụ nwozi iya; mbụ Ízurẹlu b'ọ nụru iya.
N-yemobu iya anọje jeye lẹ tutu yoyo.
23 Onye, bụ iya nyataru ayịbe
ndu ẹ ta dụdu iphe ayi bụ.
N-yemobu iya anọje jeye lẹ tutu yoyo.
24 Ọ nafụtaru ayi l'ẹka ndu achị ayi.
N-yemobu iya anọje jeye lẹ tutu yoyo.
25 Yọ bụkwaru iya phụ
azụkota iphemiphe ọbule, nọ ndzụ.
N-yemobu iya anọje jeye lẹ tutu yoyo.
26 Unu kele Nchileke k'imigwe ekele.
N-yemobu iya anọje jeye lẹ tutu yoyo.