114
1 Teke ndu Ízurẹlu shi lẹ Íjiputu lụfuta;
mbụ teke ono, ndu eri Jékọpu
shi l'alị ndu ọha-ntsụ lụfuta ono;
2 bẹ ndu Júda byaru bya abụru
ndu, dụru Nchileke lẹ nsọ.
Ndu Ízurẹlu abya abụru
ndu o nwe enwenwe.
3 Oke ẹnyimu phụru iya;
ye ọkpa l'ọso;
Ẹnyimu Jọ́danu aghachịa lashia azụ.
4 Eze ugvu akfụtsua
kitimukitimu l'ọ bụ ebyila.
Ugvu kẹ nshịi l'akfụtsua
kitikiti l'ọ bụ nwatụru.
5 Nggụbe oke ẹnyimu;
?ị gbaru ngụnu.
Nggụbe Jọ́danu;
?bụ ole bụ k'ọla azụ.
6 Unubẹ oke ugvu;
?bụ ngụnu meru iphe
unu akfụtsua l'ọ bụ ebyila.
Unubẹ ugvu nshịi;
?bụhunu ole;
bẹ unu akfụtsua l'ọ bụ nwatụru.
7 Nmakwaa jijiji l'ifu Nnajiufu;
nggụbe eliphe;
mbụ l'ifu Nchileke kẹ Jékọpu,
8 bụ onye adazeje mkpuma;
yọ bụru okpuru;
bya eworu alị-ekfu mee;
yọ bụru ọgba-mini.