12
Egvu ekele
1 Mbọku ono bẹ ịi-sụ:
“Mu e-kele ngu ekele
nggụbe Ojejoje;
kẹle mu shi eghu ngu eghughu l'ẹnya.
Obenu lẹ nta-a b'o
ghubuhuwaru ngu.
Nta-a b'ị dụwa mu ike.
2 Lenu; ọ kwa Nchileke
bụ onye ndzọfuta mu.
Ọ bụ iya bẹ mu chịru ụkfu kwẹe;
mu ta atsụ egvu;
kẹle l'ọ bụ Ojejoje,
bụ Nchileke bụ agburu-ẹhu mu;
bụru iya bụ olu egvu mu.
Ọ kwa iya bụ onye dzọru mu nụ.
3 Ọ kwa ẹhu-ẹna;
bẹ ii-gude ngụta mini
lẹ wẹlu ndzọfuta ono.”
4 Mbọku ono bẹ ịi-wata okfu; sụ:
“Unu kele Ojejoje ekele;
unu kpoku ẹpha iya!
Unu mee t'iphe bụ
mbakeshi maru iphe o meshiru!
Raa ya arara l'ẹpha iya ha nshinu!
5 Gụaru Ojejoje egvu ekele;
kẹ l'iphe o meshiru dụ biribiri.
Unu mekwaphu tẹ mgboko
gbaa mgburumgburu maru
iphe ono, o mekotaru ono!
6 Unubẹ ọha, bu lẹ Ugvu Záyọnu;
unu tụa ụzu ẹhu-ẹna;
kẹ l'onye ono, unu l'iya
nọ ono
hakwa nshinu;
mbụ onye nsọ kẹ ndu Ízurẹlu.”