19
Yadda bebley ni neidwat idan helag Simeon
1 Ya meikkadwan nebunut ni meidwatan ni puyek ey yadda helag Simeon. Yadda edum ni bebley ni neidwat ni hi-gada ey nealad puyek idan helag Judah.
2 Huyyadda ngadan ni bebley ni neidwat idan helag Simeon ey Beersheba, Seba, Moladah,
3 Hasar Sual, Balah, Esem,
4 Eltolad, Bethul, Hormah,
5 Siklag, Bet Markabot, Hasar Susah,
6 Bet Lebaot et ya Saruhen. Hampulut tellun bebley et yadda ekka-ket ni bebley di nanlinikweh diman.
7 Yadda edum ni bebley diman ey Ain, Rimmon, Ether et ya Ashan: epat ni bebley et yadda ekka-ket ni bebley di nanlinikweh diman.
8 Nei-dum ida hu ekka-ket ni bebley di nanlinikweh ingganah di Baalat Beer e Ramah hu hakey ni ngadan tu e wadad appit ni south.
Huyya hu neidwat idan helag Simeon ni nambebleyan da.
9 Gapu tep e-etteng hu puyek ni neidwat idan helag Judah ey neidwat etan edum ni bebley dan eleg da mahapul idan helag Simeon.
Ya puyek ni neidwat idan helag Sebulun
10-12 Ya meikkatlun nebunut ni meidwatan ni puyek ey yadda helag Sebulun. Ya puyek ni neidwat ni hi-gada ey dimmateng di Sarid. Meippalpudman et mampalaw lad appit ni kakelinnugin aggew di Maralah et datngan tud Dabbeshet et yad gilig ni kulukul di appit ni kasimmilin aggew di Jokneam. Ey meippalpud Sarid ey nampalaw lad appit ni kasimmilin aggew di gilig ni Kislot Tabor ingganah di Daberat et manteyed di Japhia.
13 Nampalaw lad ingganah di appit ni kasimmilin aggew et meipalpudman et mampalaw di Gath Hepher et yad Etkasin et manlikweh lad Neah ingganah di Rimmon.
14 Ya pappeg tud appit ni north ey nampalaw di Hannathon et maipappeg di Nedeklan e Iptahel.
15 Nei-dum hu Kattat, Nahalal, Simron, Idalah, et ya Bethlehem. Hampulut dewwan etta-teng ni bebley ey nei-dum idan ekka-ket ni bebley di nanlinikweh diman.
16 Huyyadda bebley ni neidwat idan helag Sebulun ni pambebleyan da.
Ya puyek ni neidwat idan helag Issakar
17 Ya meikka-pat ni nebunut ni neidwatan ni puyek ey yadda helag Issakar.
18 Huyyadda bebley ni neidwat ni hi-gada: Jesreel, Kesullot, Sunem,
19 Hapharaim, Sion, Anaharat,
20 Rabbit, Kishion, Ebes,
21 Remet, Engannim, Enhaddah et ya Betpasses.
22 Dimmateng hu pappeg tud Tabor, Sahasumah et yad Bet Semes et meipappeg di Jordan. Hampulut enem ni etta-teng ni bebley et mei-dum ida pay hu ekka-ket ni bebley di nanlinikweh.
23 Huyyadda hu bebley ni neidwat idan helag Issakar ni pambebleyan da.
Ya puyek ni neidwat ni helag Asher
24 Ya meikkelliman nebunut ni neidwatan ni puyek ey yadda helag Asher.
25 Huyyadda neidwat ni pambebleyan da: Helkat, Hali, Beten, Aksap,
26 Allam Melek, Amad et ya Mishal. Ya pappeg tud appit ni kakelinnugin aggew ey indalan tud gilig ni Karmel et ya Sihor Libnat.
27 Nanlikweh di appit ni kasimmilin aggew et mampalaw di gilig ni Betdagon et datngen tu Sebulun et ya Nedeklan e Ehtahel et mampalaw lad appit ni north di Bethemek et yad Neiel. Nampalaw mewan di north di Kabul,
28 Ebron, Rehob, Hammon et yad Kanah ingganah di Sidon.
29 Nanlikweh di Ramah et dumteng di Tyre e nehammad ni neluhud ni bebley. Ey nanlikweh mewan di Hosah et meipappeg di Baybay e Mediterranean. Nei-dum pay hu Mahalab, Aksib,
30 Ummah, Aphek et ya Rehab. Dewampulut dewwan emin huyyan etta-teng ni bebley et mei-dum ida ekka-ket ni bebley di nanlinikweh diman.
31 Huyyadda bebley ni neidwat idan helag Asher ni pambebleyan da.
32 Ya neika-nem ni nebunut ni neidwatan ni puyek ey ya helag Naptali.
33 Ya pappeg tu ni puyek da ey nampalaw di Helep ingganah etan di keyew ni oak di Saanannim ingganah di Adami Nekeb et yad Jabneel et ingganah lad Lakkum et maipappeg di Wangwang e Jordan.
34 Dimmateng diman et melikked di appit ni kakelinnugin aggew di Asnot Tabor et mampalaw di Hukkok e dinteng tu hu pappeg ni puyek idan helag Sebulun di south. Et mampalaw di pappeg ni puyek idan helag Asher di appit ni kakelinnugin aggew et yad Wangwang e Jordan di appit ni kasimmilin aggew.
35 Yadda etta-teng ey nehammad luhud tun bebley diman ey ya Siddim, Ser, Hammat, Rakkat, Kinneret,
36 Adamah, Ramah, Hasor,
37 Kedes, Edrei, Enhasor,
38 Yiron, Migdalel, Horem, Bethanat et ya Bet Semes. Heyam ida huyyan etta-teng ni bebley ey nei-dum ida ekka-ket ni bebley di nanlinikweh diman.
39 Huyyadda hu bebley ni neidwat idan helag Naptali ni pambebleyan da.
40 Ya meikkeppitun nebunut ni neidwatan ni puyek ey yadda helag Dan.
41 Huyyadda bebley ni neidwat ni hi-gada: Sorah, Estaol, Irsemes,
42 Saalbim, Aijalon, Itlah,
43 Elon, Timnah, Ekron,
44 Eltekeh, Gibbethon, Baalat,
45 Jehud, Beneberak, Gatrimmon,
46 Mejarkon, Rakkon et yadda bebley di hinanggan Joppa.
47-48 Huttan ida etta-teng ni bebley ni neidwat idan helag Dan ni pambebleyan da. Nem entanni ey eleg da kabaelan ni sekkupen humman idan bebley ni neidwat ni hi-gada et dadda law gubaten hu nambebley di Lais. Hinggep da humman ni bebley et patyen dadda tutu-udman et pambebleyan da law humman et hullulan da ngadan tun Dan e humman ngadan ni ammed dan nahlagan da.
49 Yan negibbuhan ni nengenedwaan idan helag Israel ni puyek ni neidwat ni hi-gada ey indawtan da hi Joshua e u-ungngan Nun ni puyek tu.
50 Meippuun di olden Apu Dios ey indawat dan hi-gatu hu bebley ni pinhed tun pambebleyan e yad Timnat Serah di duntuduntug di Epraim. Inyayyaggud tu humman ni bebley et manha-ad diman.
51 Huyyadda hu bebley ni impeka-peng di Eleasar e padi, hi Joshua e u-ungngan Nun et yadda ap-apun helag Israel eman ni neamungan dad Siloh di hinanggan Apu Dios di heggeppan di Tabernacle e imbubunut da et mekaggibbuh hu nengenedwaan dan puyek da.