43
1 Apu Dios, itakdogak anhan ta ipatibom hanadah adi mangulug ke he-an langkak di ipabahul dan ha-on. Ya ta ihwangak hi nganneh diyen aton dadiyen gaga-iho ya humahhaul an tatagu.
2 He-ay Dios kun kihikugak yaden tipet eyak inwalong? Tipet inabulut mun aton di buhul kun ha-on di gaga-iho, ta hidiye nan u-umyungak?
3 Ipaalim di pat-al mu ya punnananongom di pamaptok mun ha-on ta ipaduttukak an ume bo nah Templom ad Zion an bilid mun kawad-am
4 ta umeyak nah altar mu ta eyak mun-appit ke he-a, Apu Dios. Ne mun-ay-ayudingak ya mungkantaak hi pundayaw kun he-a an Dios ku. Te he-ay kalpuwan di amlong ku.
5 Muden ad uwani ya u-umyunganak an abu. Tipet mabulubulunak? Mu takon di athidi ya waday namnamak te he-ay pundinolak ya dayawon daka bo te he-ay Dios kun mangihwang ke ha-on.