100
Hay kantan pumpasalamat ke APU DIOS
1-2 Ditakun am-in an tatagu tuh luta, mun-am-amlong takun mundayaw ke APU DIOS ya itkuk takuy kanta takuh pundayaw takun hiya.
3 Nomnomon takun hiya an AP-APU ya abuy Dios. Hiyay nunlutu ke ditaku ya ditakuy tatagunan mialig an kalnerona.
4 Mumpasalamat taku nah pundayawan takun hiya nah Templona ya ikanta takuy pundayaw takun hiya. Om, mumpasalamat takun hiya ya dayawon takuy ngadana.
5 Te hi APU DIOS ya maphod ya munnananong ta nangamung di pamhod na ya pamaptok nan ditaku.