25
Hay Napili An Mungkantah Nan Templo
1 Nan patul an hi David ya nadan opisyal di tindaluna ya pinto'da dohah nadan holag Asap ya holag Heman ya holag Jedutun. Ta diday mangipangpanguluh nan pundayawanda ya mangibagah nan ipa'innilan Apu Dios an idihhandan pun'ipagangoh nadan harp ya lira ya simbal. Ta datuwe nadan napili
2 an hinan holag Asap ya hi Sakkur ya hi Joseph ya hi Netaniah ya hi Asarelah. Ta hi amada an hi Asap di mangipangpangulu i dida. Ya nan patul di mangibaga hinan pangipa'innilaanda hinan pohdon Apu Dios an mipa'innila.
3 Ya nadan onom an holag Jedutun an hi Gedaliah ya hi Seri ya hi Jesayah ya hi Simey ya hi Hasabiah ya hi Mattitiah ya hi amada an hi Jedutun di mangipangpangulu i dida. Ta ikankantada nan ipa'innilan Apu Dios ya nan pundayawda ya punhanaanda i Apu Dios an idihhanda an ipagangoh nan harp.
4 Ya nada'e damdaman imbabalen Heman ya hi Bukkiah ya hi Mattaniah ya hi Ussiel ya hi Sebuel ya hi Jerimot ya hi Hananiah ya hi Hanani ya hi Eliatah ya hi Giddalti ya hi Romamti-Eser ya hi Josbekasah ya hi Malloti ya hi Hotir ya hi Mahasiot.
5 Ya an namin datuwe ya imbabalen Heman an hiyay ohah nadan propetan nan patul. Ya imbagan tuwalin Apu Dios an wagahana ta mundongol ta hiya nan wadaday imbabalena an himpulut opat (14) an linala'i ya tuluday binabai.
6 Ta hiyay mangipangpanguluh nadan linala'in imbabalena hinan pungkantaanda hinan Templo ta diday mangipagangoh hinadan simbal ya lira ya harp.
Ya hay mangibagah aton da Asap ya hi Jedutun ya hi Heman ya nan patul.
7 Ya an naminda an nun'alala'ing an mungkanta ya natudduwanda hi a'at di kanta hinan pundayawan i Apu Dios ya duway gahut ta han nawalut waludan (288) namin.
8 Ya an naminda ya imbunutday tamun di hinohhan dida an ta'on on nadan mumpangilog onu amamma ya ta'on on nadan muntuddu onu nan mun'ad'adal.
9 Ya datuwen duway gahut ta nawalut walun (288) linala'i ya nagogodwada hi baintit opat (24) di grupu. Ya hinan ohan grupu ya himpuludat duwan (12) namin an datuwe nadan imbabaleda ya i'ibada. Ya hay namangulun grupu an nabunut an mangat hinan tamuda ya nan imbabalen Asap an hi Joseph di mangipangpanguluh nan grupuda. Ya nan mihnod ya hi Gedaliah.
10 Ya nan mi'atlu ya hi Sakkur.
11 Ya hay mi'apat ya hi Isri.
12 Ya nan mi'alima ya hi Netaniah.
13 Ya nan mi'anom ya hi Bukkiah.
14 Ya mi'apitu hi Jesarelah.
15 Ya mi'awalu hi Jesaiah.
16 Ya mi'ahiyam hi Mattaniah.
17 Ya mi'ahimpulu (10) hi Simey.
18 Ya mi'ahimpulut oha (11) hi Asarel.
19 Ya mi'ahimpulut duwa (12) hi Hasabiah.
20 Ya mi'ahimpulut tulu (13) hi Subael.
21 Ya mi'ahimpulut opat (14) hi Mattitiah.
22 Ya mi'ahimpulut lima (15) hi Jerimoth.
23 Ya mi'ahimpulut onom (16) hi Hananiah.
24 Ya mi'ahimpulut pitu (17) hi Josbekasah.
25 Ya mi'ahimpulut walu (18) hi Hanani.
26 Ya mi'ahimpulut hiyam (19) hi Malloti.
27 Ya mi'abainti (20) hi Eliatah.
28 Ya mi'abaintit oha (21) hi Hotir.
29 Ya mi'abaintit duwa (22) hi Giddalti.
30 Ya mi'abaintit tulu (23) hi Mahasiot.
31 Ya hinan mi'abaintit opat (24) an grupu ya hi Romamti-Eser di mangipangpangulu.