Psalm 3
3
Hay Kantan David Hidin Binumtikana
1 Dakolda tayya Apu Dios di mi'buhul i ha''on an amod ona' e dadagon i dida.
2 Ya alyonda udot di ta'omman anu ot adiya' boddangan i he''a.
3 Mu innila' Apu Dios an he''ay mangihwang i ha''on.
Ya atbohdin pangabakona' ta mundongola'.
4 Ot ta'on on wada'ah nan nabillid an niyappit i he"a ya mundasala"e an mumpaboddang ya tobalom di dasal'u.
5 Ya ta'on on hinan alo'a' hinan mahdom ya malinggopa' te innila' an ipappapto'a' i he"a.
6 Ot ta'on on linibuday binuhul'u hi munli''ub i ha''on ya adiya' tumakut.
7 Ot agam bahan Apu Dios ta ihwanga' hinadan binuhul'u.
Ta punhopwa'muy to'oda ya numpugupugmuy bobada ta wan ma''id ha atonda an mangat hi adi maphod i ha"on.
8 Te innila' an he"ay mangihwang hi tatagu.
Ot hanat wagahan da'mi bahan an tatagum.